Identifikation
Titel
Die Ratgeber des Landes Butjadingen versichern der Stadt Bremen urkundlich, dass sich eine Anzahl von 24 Eingesessenen für eine Urfehde verbürgt haben, die sechs von Bremen wieder freigelassene Butjadinger der Stadt geleistet haben.
Wy rathgevers und lande Buttiadingen entbeden jw ersamen und wysen herrn borgermeistere und rahtmannen der stadt Brehmen, unsen gunstigen gueden frunden, unsen frundlicken grot, unde wes wy leves und guetes vermögen, alletidt thovorn. Unde so jwe knechte uthliggers tho waterward unlanges etlicke unsere landsatene, als mit nahmen Widderick Eggertzen, Prittert Rickleffsen, Ment Rickleffsen, Lewert Hercksen, Hayo Mentsen und Tyge Eddebolsen, hadden upgehalet und gefangen getonet, welcker gy demena umme schriffte und bede willen hebben guid gescholden, unsz tho wolgefalle, up eine olde orveide, so dat se offte ehre frunde, ock iemand anders van ohrer wegen, weszen van den jwen in dieszer uphalinge, thoninge und gefancknusze isz geschehen, nicht willen wyten offte wreken an jwen bürgeren oder den jwen, wo men de benohmen mochte, in der allerbesten formen und wysen, des wy iuw guettlick bedancken, unde uppe dat sodane orveide io stede, vaste und unverbraken mögen werden geholden in allen thokamenden tyden, so sind vor unsz ersehenen desze hierna beschrevene, als herr Dode kercker tho Langwerden, Eicker Hogeszer, de rahtgever Ficke Reddelszen und Menneke tho Ducke van Wiederuckes [= Widderikes] wegen, ock Elcke Rickelsen, Rulff Tadeszen, Hoszen in den Stalhamme und Bogte sin broder van [Pritterts wegen], item Rickleff Almpsen und Allerick sin broder und Harcke sin broder und Gerlich Mentzen van Mytt (= Ment) Rickleffsen wegen, item Icke tho Uffinghusen, Offa tho Ruwerden, Oneke Sedingen, Geriet tho groten Tosense van Lewerdes wegen, item Herinck Mintsen und Rickleff Liedesen und Herbart Uffen Sohne, ob (ock?) Inne den rahtgever van Hayen wegen, item van wegen Tyge Tyddebolsen [= Eddebolsen] Terrick Tondeszen und Schwiltke sinen groten vader, ock Elcke sines vader broder unde Hedde sines vader broder, alle guete, vrame, upgerichtete lüde, dede alle vor unsz rahtgevern sodane orveide mede belavet hedden, unde dar guett vor seggen unde laven, als gude, vrome borge, dat se ohre frunde und alle degenne, dede umme ehrentwillen van rechte doen unde laten Scholen, sodane orveide gerne und wol holden willen unde Scholen, dat ock nimmermehr upsaken edder klagen in minen, richten offte rechten, geistlich, wertlich, hemelick offte apenbahr veriahten ock unde vertygen in dieszen sacken aller behelpe, gunst und gave der rechten, darmede se sambt edder jewelick van ohn besondern hiergegen sick machte. In orkunde unde vaster betuginge der warheit, uppe dat gy und jw nakomelinge, ersamen herrn borgermeistere und rahtmanne baven gerort, des gantz versekert synn, so hebbe wy rahtgevers des landes tho Buttiadingen eherbenompt unses landes ingesegel widtlicken tho deszen breve gehangen. Anno domini viffteinhundert des donnerdages vor Laurentii.
1500 August 6 (Anno domini viffteinhundert des donnerdages vor Laurentii)
Laufzeit
06.08.1500
Enthält
Abschrift (16. Jh., Abschrift aus späterer Zeit); mnd.; Papier, Doppelblatt. - Beilagen: ja. - Druck: OUB 3, Nr. 129 (Regest mit Abschrift).
Alte Archivsignatur
Best. 24-1 Landessachen
| Aktion | Typ | Bezeichnung | Zugang | Info |
|---|---|---|---|---|
| Detailseite | Original | Urkunde | 1010 / 15 |
|
Arcinsys