Identifikation
Titel
Herzog Heinrich der Ältere zu Braunschweig-Lüneburg schließt mit Graf Johann V. von Oldenburg einen Vertrag, um Stadland und Butjadingen im Interesse des Erzstifts Bremen gemeinsam zu unterwerfen.
Van Gades gnaden wii Henrick de Eider, hartoge to Brunszwiick unde Luneborg etc., bekennen unde don kunth apenbar in dusseme breve vor uns, unse erven unde erffnemen und vor allermennichliken, so wi mit gudeme vorsate deme almechtigen Gade to eren unde deme loeffliken werdigen stichte und karken tho Bremen tho nutte unde gude nach rechtverdiger orsake hebben vorgenamen, de lande Buthiading unde Statlant in behorlike gehorsamheit, daranne se der ghenanten karken nach vulleme rechte tobehoret, mit umbilliken wrevele uthgetreden, dorch hulpe Gades wedder to bringende, bekrefftenne, underdanich unde horsam tho makenne, hebben wi uns mit deme wolgebarnen eddelen unseme leven ohme juncheren Johanne graven tho Oldenborg unde Delmenhorst vordragen unde voreniget uppe de gerorden lande mit ganser macht to thynde, dar to uns syn leve schal unde wil helpen mit synen landen unde luden nach ganszeme vormoge krefftigen bistant, trost unde hulpe to donde, Gade unde der hilligen karken to Bremen dat ere wedder underwerfich to makende. Als dan de Almechtige sodansz gnedichlich vorhenget und to der bekrefftinge gehulpen hefft, so schal de vormelte unse ohme grave Johan to syneme antale unde dele innemen, besitten unde to erffliken egendome beholden vor siick, syne erven unde nakomelinge dat ganse Statlant by namen de carspelle Golszwurden, Rodenkarken, Eszenszem [= Esenshamm], Ubbehusen unde Stolham mit all eren tobehoringen, lande, luden, inwonern, richten, rechten, weyden unde wateren, als de vorgerorten carspele unde eyn itlich besunder van olden herkamen hebben in rechticheit, vryheit und tobehoringe gehat, unde nu darto höret genszlich so by der grevescup van Oldenborg to blivende unde siick dar na richten nach sulkene legenheit unde beschede, dat de greve van Oldenborg, all de wile he dat Statland in syner were unde besittinge hefft, schall dat sulfste van uns unsen erven, dar negest wen wi edder unse erven sodane kost unde schaden darup gewant were ludesz der vorsegelinge daran ghegeven genszlich wedder entricht weren, denne van deme artzebischuppe unde stichte van Bremen vor eyneme rechten erffmanne to lene entfangen hebben unde dragen darumme to donde, so vele lehnsgewonheit unde recht is, leenbreve van uns unde unsen erven entfangene, wi ock unde unse erven upghenanten greven denne wedder vorscriven unde vorsegelen willen unde schullen, ene daranne to verdedigenne nach ganszeme rechte und behore, wa dat eyneme leenheren behoren schall unde temlich is der leenscup ock warende unde by to beholdene nach unszeme vormoge in ganser nottrofft ungheverlich, ock dat sulfste wen dat Buthiadingerlant von unsz unde unsen erven wedder mit unszeme willen to deme vorgerorten stichte queme, dessulfsten van deme benompten artzebischuppe unde stichte van Bremen vorsegelinge nemen sodanes lenes to waren, by to beholdene unde nach vormoge to vordedigen, wo eyneme leenheren dat recht unde geborlich is to donde ock sunder gheverde. De undersaten ock ime Statlande schullen unde mögen bruken unde geneten der rechticheit unde vriheit, so en de grevescup Oldenborch wurde ansetten unde by beholdenne. Were ock de lantsaten unde inwoner ame Buthiadingerlande offt ame stichte van Bremen rede unde tosage hedden offt kregen mit den Stadlande, so schullen se ere recht soken unde vorklacht don vor deme greven van Oldenborg edder den desz van ampts wegen behort dat vor recht tho donde unde nemende unde so wedderumme de Stadlander van den Budiadigern in dusser vorgeschreven [wise], alle hinderkamen, geverde unde argelist genslich uthgesloten. In orkunde unde warheit alle dusser vorgerorden [puncte] hebben wii dessen breff mit unsze'm inghesegell hirunden angehangen bevestigen laten. Ghegeven na Cristi bord veffteynhundert ime ersten jare ame dage Lamberti martiris.
1501 September 17 (veffteynhundert ime ersten jare ame dage Lamberti martiris)
Laufzeit
17.09.1501
Enthält
Abschrift (16 Jh.); mnd.; Papier, Konvolut, 4 Bll. - Beilagen: ja. - Druck: OUB 3, Nr. 140 (Regest mit Abschrift); v. Halem 1, 496.
Hinweis: Eine andere Abschrift siehe Aa. Gr. Old. Tit. 39 A. 2.
Alte Archivsignatur
Best. 24-1 Landessachen
| Aktion | Typ | Bezeichnung | Zugang | Info |
|---|---|---|---|---|
| Detailseite | Original | Urkunde | 1010 / 15 |
|
Arcinsys