Identifikation
Titel
Herzog Heinrich der Jüngere von Braunschweig-Lüneburg (Wolfenbüttel) verkauft seinen Eckwarder Anteil von Butjadingerland an Graf Johann V. von Oldenburg für 8000 Gulden.
Van Goddes gnaden wy Heinrick de Jüngere hertoge tho Brunszwick und Luneborg bekennen openbar vor uns und fulmechtich von wegen des hochgebornen fursten heren Wilhelms ock hertogen tho Brunszwigk und Luneborg unses leven broders, unser aller erven, erffgenamen und alszweme in dussem open breve, dath wy dem wolgebornen unsem leven ohemen und getruwen Johann graven tho Oldenborg und Delmenhorst, synen rechten erven und erffnamen eynes rechten redeliken, ewigen, vulstendigen, erffliken kopes, als dat im rechten allerkrefftigest und bestendigest sehen schall und mach, vorkofft und in de rechten erffliken und gerouwliken gewere und besittinge avergeantwordet hebben, vorkopen, setten in de gewere und inantworen hirmede in orkunde und krafft dusses breves gedachten graven Johanne tho Oldenborg und Delmenhorst und synen erven unsen drudden deel des landes Buthjadingerlant, dath in der erffliken delinge unses leven herrn und vaders lofeliker gedechtnisse und unses veddern heren Hinricke zeligen hertogen Otten sons und hern Ericken gefeddern hertogen tho Brunswig und Lüneburg uns togefallen und togedelet is, als by namen dath Equerder carspel mit allen dorpern, dar inhoret Groten Toszesen und nemelich de veir dorpe Lutken Tosensen, Durck, Ruwarden und Silwurden, desulven in der erstliken delunge unses leven hern vaders zeligen und veddern vorgenant, uth dem karspele tho Langeworden genomen und by dussen Equerder deel gelecht, dorby ewig tho blyvende, und mit all dusser vorgerorden karspell und dorperen, rechticheiden und tobehorungen mit luden und inwonern, mit gerichten, mit rechten, densten, tynsen, vorfallen, upkommen, mit lande und sande gebuwet und ungebuwet, mit acker, wisken, watere, vischerien, strömen und weide, als de nu syn und thokumpstich mit wurpe und thodriffte dor thokomen mogene, mit aller herlicheit und avericheit, gerechticheiden, geistlich, wertlichen lenen und sust mit allen andern, wo de billich oren nahmen egenen edder genompt mögen werden, grotem und kleynes, nichts dorvon buten bescheiden in aller mathen, als dath unsze zelige here und vader genszlich und all sunder alle andere herschuppige in dem sulven parthe vorhen und wy dath wenthe here na innegehatt und gebruket hebben und bruken mochten, doch mit dem vorbeholde, dath gnante grave Johann tho Oldenborg und syne erven vorgeschreven solliken deil Budjadinger landes, wu vorgerort, van uns, unsen leven brodere und unsen rechten erven tho erffliken lene entfangen, innehebben und gebruken schall, ock den lehenen, szo vaken sze tho falle komen, wo sick na lenes rechten eigenth, rechte folge tho doinde, mit geborliker plicht und des lehen breve nemen und wedderumbe reversallia geven. Und hebben ome solliken unsen deil gegeven vor achtedusent gude geneme fulwichtige rinsche gülden, de he uns an barem golde avergetalt und wy de forder in unser und unsers furstendomes beste, nuth und fromen gewant hebben. Und wy und unse medebeschrevenen erven schullen und willen dusses erffkopes und beleninge des gnanten graven Johanns und syner rechten erven bekennige here und gewere syn vor aller rechten ansprake in beiden rechten geistlich und wertlich, und sze dor by hanthaven, schütten und vordedingen in aller mathen, wo ein lehenhere synem manne tho doinde schuldich und na gewontliken rechten behorich isz, ock fast, wu wir orer tho gelyke und rechte mechtig, nicht vorlaten willen, inholde unser erfflicken vordrage vormals upgerichtet [...]
1521 April 4 (dusent viffhundert und einundtwintich jar am friedage in den hilligen Ostern)
Laufzeit
05.04.1521
Enthält
Abschrift (16. Jh.); mnd.; Papier, Doppelblatt. - Beilagen: ja. - Druck: OUB 3 Nr. 324 (Regest mit Abschrift); v. Halem, Geschichte I, 502.
Hinweise: 1. Vgl. das Original unter Best. 20 Urk Nr. 261. 2. Vgl. auch G. Sello, Östringen und Rüstringen, S. 68.
Alte Archivsignatur
Best. 24-1 Landessachen
| Aktion | Typ | Bezeichnung | Zugang | Info |
|---|---|---|---|---|
| Detailseite | Original | Urkunde | 1010 / 15 |
|
Arcinsys