Nr. 101/1

Der Rat der Stadt Uelzen beurkundet, dass der verstorbene Uelzener Bürger Bernd von Erpensen den Armen im Hl. Geist in Uelzen eine Spende von 70 Mk. Lbg. hat zukommen lassen, und regelt deren Verteilung.

1379 Juli 25

(zwei Ausfertigungen; Text nach 101 I). - Orig., Perg., abhäng. Siegel verl.; Rückvermerk: Berndes van Erpensen, Helmerkes synes vaders, Greten syner moder, Ludemannes synes broders, Ghiseken syner su/oster, Johannes, Berndes, Vicken, Kerstens unde Helmerkes, syner vedderen, Dezeken, de Kerstens van Erpensen hu/osvrowe was, unde erer kyndere unde enes Berndes, enes Luders, ener Alheyde unde ener Ghesen zele unde Heyneken.

Druck: UB Uelzen Nr. 153.

We Johan Protze, Bernd Laghendorp, Bu/osse Schirhorn, Eyleberd Stighehane, Hans Hoygers, Johan van Bernsen, Clawes Bru/onkeler, Bernd Brasche, radmanne der stad to Ullessen, bekennet unde betu/oghet openbare, dat Bernd van Erpensene unse medeborger, dem god gnedich sy, durch der zalicheyd syner zele, syner vru/onde unde aller kristenen zele heft ghemaket den armen lu/oden in dem hilghen gheste to Ullessen, de darinne begheven synt, ene ewighe spende in desser wys, dat me schal gheven enem ju/owelken armen mynschen alle vrygdaghe enen wedghe, der me twe vor enen penning koft. Ok schalme ene unde syne vru/ond alle iar des neghesten donredaghes na lichtmissen begha/en mid vilge unde mid zelmissen, unde in der vilge scollet wesen de provest unde twe cappelane unde sees scholre. Dem proveste schalme gheven achte penninge, ju/owelkem cappelane veer penninge, ju/owelkem scholre enen penning unde dem kostere veer penninge. Unde des morghens schalme zinghen dre zelmissen unde ene van unser leven vrowen unde schal denken unde bedes bidden der zele, dese toru/ogghe up dessen bref ghescreven synt unde noch toscrift na tyden. Unde to ju/owelker missen scollet offeren sees vrowen malk enen penning. Desse vorscrevenen rente verplichtit sik de sworne desse vorbenomeden hilghen ghestes Bu/osse Schirhorn, Johan van

25.07.1379

Holdenstede unde ere nakomelinghe, sworne dessulven hilghen ghestes, see syn we see syn na tyden, utetoghevende in dessen vorscrevenen tyden ut dem ghu/ode des hilghen ghestes. Darvore hebbet desse vorbenomeden sworne to der nu/ot des hilghen ghestes uppeboret seventich mark Luneborger penninge. Dat alle desse vorscrevenen ding war syn unde ewich bliven, so is unser stad inghezeghel ghehenghet an dessen bref, dese gheven is na goddes bord dusent iar drehundert iar in dem neghenundeseventichsten iare in sunte Jacobes daghe des hilghen apostels.

Indexbegriffe:
Bernsen, Johann v., Rm. in Uelzen, Geschworener von St. Marien Uelzen
Brasche, Bernd, Rm. in Uelzen, Satemann
Bru/onkeler, Nicolaus, Rm. in Uelzen
Erpensen, Alheid
Erpensen, Bernd v., Bg. in Uelzen
Erpensen, Bernd v.
Erpensen, Bernd v.
Erpensen, Kersten v.
Erpensen, Dezeke
Erpensen, Vicke v.
Erpensen, Ghesen
Erpensen, Ghiseke v.
Erpensen, Grete v.
Erpensen, Heineke
Erpensen, Helmerke v.
Erpensen, Helmerke
Erpensen, Johann
Erpensen, Ludemann v.
Erpensen, Luder
Hoyers, Johann, Rm. in Uelzen
Holdenstedt, Johann, Vorsteher des Hl. Geists in Uelzen
Laghendorpe, Bernd, Rm. in Uelzen
Protze, Johann, Knappe, dann Bg. und Rm. in Uelzen
Schirhorn, Busse, Rm. in Uelzen, Geschworener des Hl. Geists Uelzen
Stigehane, Eylebert, Rm. in Uelzen, Geschworener von St. Marien Uelzen, Gildemeister
Uelzen, Geistliche Institutionen und Gebäude: Kapelle und Hospital Hl. Geist ("Großer Heiliger Geist")