Identifikation
Titel
Die Stadt Sondershausen verkauft auf Wiederkauf mit Zustimmung des Grafen Heinrich von Schwarzburg für einhundert Schock Groschen eine Rente von neun Schock an Christoph vom Rode und dessen Ehefrau. Nach beider Tod sollen jährlich fünf Schock an das Kloster Walkenried zur Besserung der Pfründe und für Seelmessen fallen.
1456 September 12
Druck: UB Walkenried Nr. 1374.
Perg., 35,3 br : 33 (7) h cm. - Siegel an Pergamentstreifen: Stadt Sondershausen. - Rückvermerk (15. Jh.): Littera civitatis Sundershusen super V sexagenis census de centum sexagenis capitalis summe. - Abschrift: A VIII 6 d Nr. 5 fol. 62v-64v (B); A VIII 6 d Nr. 2 fol. 18r-21r (C); VII B Hs 105 fol. 55r-56v (E). - Handschriftl. Regest: VII B Hs 102 fol. 137r (= schwarz U XIIII).
Wir Ditterich Hornung, Hans Subach, Curd Buleman und Hans Schroter, ratismeistere, rathmanne und rethe, darczu wir gancze gemeine, rich und arme, alt und jung der stad Sundirshusen bekennen in diesem uffen briefe vor uns, alle unsir nachkomen vor allen, die yn sehin, horen adir lesen, das wir mit willen, geheisze, wissen und volbort des edeln und wolgebornen herren Heinrichs, graven zu Swarczpurg, herren zu Arnstet und Sundirshusen, unsirs gnedigen liebin herren, eintrechtiglich, wolbedacht und mit gutem rate vor hundert schog grosschen, der einer drye gemeine lantpfeninge gildet, imme lande zu Doringen, zu Northusen und zu Heringen geneme, genge und unverslagen sind, die uns danne nuczlichen und wol an gereiteme gelde und grosschen beczalt sind und wir die an unsir stad und unsirn kuntlichin nucz und fromen geleit habin an der selbin unsir stat Sundershusen geschossen, renten, zinsen und gevellen, plichten und zugehorungen, sie sint der stad gemeine adir sundirlichir personen darinne, recht und redelichin verkauft habin und verkouffen mit macht und orkunde dieses briefes nu/en schog grosschen, der eyne drye pfeninge gildet und imme lande zu Doringen, zu Northusen und zu Heringen geneme und unverslagen sind, jerlichir
Laufzeit
12.09.1456
Enthält
lipczinse deme gestrengen und vestin Kirstoffel vomme Rode und Felicen, siner elichin gemaeln, die wile sie beide liben und lebin, und nymande andirs, sundirn nach yrer beider tode und ehir nicht funf schogk grosschen jerlichir ewiger zinse der obgerurten wehir deme erwirdigen in got vater und herren ern Johanse, apte, darzu der ganczen sampnunge des closters und convents zu Walkenrieden zu besserunge yrer pfrunde und zu eyme ewigen begengkenisse und testamento, das von yn jerlichin eyns sal gehalden werden Kirstoffels, siner husfrauwenn, und alle irer eldern und frunde selen zu troste nach inhalde eyns briefes, yn von deme apte und conventui zu Walkenriden darubir gegebin. Diese genanten jerlichin lipczinse, nemlichen nun schog grosschen obgerurtir wehir, reden und globin wir genanten verkauffir in guten, rechtin, waren, truwen vor uns und alle unsir nachkomen den vorgeschriben Kirstoffel vom Rode und Felicen, siner husfrauwin semptlichen alle jar jerlichen, die wile sie beyde ader yr eyn lebin, gutlich zu reichene und zu gebene uf unsir liebin frauwen tag, Nativitatis uf latin genant, ane alle inlage, hindernisse, ane vorbietunge unsir gnedigen adir andir herren addir richtir, geistlich adir wertlich, in der stete eine, Northusen adir Heringen, wo den kouffern daz bequemlich ist, die wile sie beyde adir yr ein lebin, ane argelist und geverde. Sundern wanne sie beyde von diesir werlde nach deme willen gotis abegeschieden sind, daz god lange friste, so globin wir obgenanten verkouffir in rechtin, waren, truwen nach yrer beider tode und nicht ehir funf schock grosschen jerlichir ewigir zinse, der eynir drye gemeine lantpfenninge gildet, imme lande zu Doringen, zu Northusen und zu Heringen genehme, genge und unverschlagen sind, alle jar uf unsir liebin frauwen tag, Nativitatis genant, die wile diesir kauff stehit, gutlich zureichene und zu gebene uf unserm radhuse zu Sundirshusen, unverkummert und unverhindert geistlichir adir wertlichir herren und richtere, dem
vorgenanten apte, conventui des clostirs zu Walkenrieden und alle yren nachkomen in massen, so hirvor vermeldet ist, ane alle yren mogilichin schaden, ane alle inlage, argelist und geverde, so schire wir des vermand werden, mit sollichir gunst und willekor die vore obgeschriben rad in Sundirshusen vor uns und alle unsir nachkomen und die ganczen gemeine behalden und behalden habin in dieseme verkauffbriefe ungeverlich, das wir adir unsir nachkomen nach tode und abescheide von diesir werlde des genanten Kirstoffels vom Rode und Felicen, siner husfrauwen, die got gnediglich friste und nicht ehir, die obgenanten funf schog grosschen jerlicher ewiger zinse wol mogen wider abekouffen, in willichem jare nach yrer beydir tode uns das fugsame wirdet, mit hundert schog grosschen, der einer drye gemeine lantpfenninge gildet, imme lande zu Doringen, zu Northusen unde zu Heringen genge, genehme und unverslagen sind, ane alle argelist und geverde, dach also, das wir adir unsir nachkomen nach Cristoffels und Felicen, siner gemaeln, beider tode sollichen widerkauf den vorgemeltin von Walkenriden und yren nachkomen ein gancz vertil jares vor unsir liebin frauwin tage, Nativitatis genant, zuvor verkundigen und in unserm uffennen versigilten briefe ufsagen wollen und sollen, ane geverde. Und wanne die ufsage des widerkaufs nach Cristoffels und Felicien obgenant tode, die auch nicht ehir gescheen sal, von uns, deme rate zu Sundirshusen, adir unsen nachkomen gescheen ist, so globin wir obgenanten ratismeistere, radmanne und rete vor uns, alle unsere nachkomen und die ganczen gemeyne in rechtin waren truwen diese vorgenanten funf schog grosschen wider abezukouffene mit hundert schogken guter Missener grosschen, davor sie von uns verkauft sind, der eyner drye pfenninge gildet, so vor vermeldet ist, ungeverlichin und yn die gnuglich und gutlichin beczalen uf den nehisten unsir liebin frauwen tag, Nativitatis genant, nach der ufsage mit den zinsen, die sich uf die widerkaufscziit
verfallen und geboren, und mit allen vor versessen, betageten und verfallen zinsen in der stete eyne, Northusen adir Heringen, wo sie die nehmen wullen; und dieselbin zinse, sie sind vorgegebin, versessen adir verfallen, sollen an deme houbtgelde nymmer abegerechent nach abegeslagen werden, ane geverde. Tetin wir abir adir unsir nachkomen des widerkaufs nach sollicher ufsage, so wir globt habin, nicht adir auch uf etliche zinscziite die zinse nicht beczalten, was danne die genanten unsir gloubir adir yre nachkomen darumbe adir daruf mogelichs schaden tetin an botelon, mit rechtis furderunge geistlichir adir wertlichir gerichte adir wie der mogeliche schade zu queme, den globin wir yn auch genczlich und gutlich zu und mit deme koufgelde hundert schock grosschen und zinsen vorgemeltir wehir in rechtin waren truwen, das yn wol gnuget, zu beczalene und nach verlauffener zciit allecziit mit verczinsen ane argelist und geverde. Des alles zu rechtem orkunde und warhaftigeme geczugkenisse und das wir und alle unsir nachkomen alle vorgeschriben stucke und artickel dieses briefes ane allen intrag, behelff und behelfferede, ane argelist und geverde den obgenanten Kirstoffel vom Rode, Felicen, siner gemaeln, die wile sie beyde adir yr ein besundern lebin, und nach yrem tode, den god versorge, den vorgeschribin apte und ganczen conventui zue Walkenrieden und allen yren nachkomen in rechten waren truwen halden sollen und wollen, habin wir vorgemelten ratismeistere, radmanne und rete der stad Sundirshusen vor uns, die ganczen gemeine und vor alle unsir nachkomen yn diesen unsirn uffen brief gegebin mit unsir stad Sundirshusen angehangen ingesigele wol versigilt ane geverde. Gescheen nach gotis unsirs hern geburt vierczenhundert jar darnach in deme sechsundfunfczigisten jare, am sontage nach unsir liebin frauwen tage Nativitatis Marie.
Indexbegriffe:
Bulemann, Konrad 2 (Curd,), Bürgermeister oder Ratsherr in Sondershausen
Heringen, Krs. Nordhausen
Hornung, Dietrich,
Bürgermeister oder Ratsherr in Sondershausen
Meißen, Krs. Meißen, Währung
Nordhausen
Subach, Hans, Bürgermeister oder Ratsherr in Sondershausen
Thüringen (Do/eringen, Doringen, Duryngen, Thuringia, Turingia)
Schroter, Hans, Bürgermeister oder Ratsherr in Sondershausen
Sakristei, Rathaus
Sakristei, Rat
Sakristei, Meinheit
| Aktion | Typ | Bezeichnung | Zugang | Info |
|---|---|---|---|---|
| Detailseite | Original | Urkunde | 0001 / 25 |
|
Arcinsys