Identification
Title
Testament des Helmeke von Räber.
1375 Dezember 21
Konzept, Papier, ohne Siegel.
Druck: UB Uelzen Nr. 137.
Na godes bort dusent iar drehundert jar in dem vy/efundezeventissten jare in zunte Thome daghe ik Helmeke van Redebere dorch der zalicheyt willen myner zele van der anwysinghe godes zette myn testamentum aldu/os: Tho dem eyrsten male so gheve ik dre zulverne ghordele unde al dat andere smyde, dat ik hebbe, behalven eyne brasen tho eyneme kelke, de scal wo/er ene her Hozeringh hebben wel. Vortmer gheve ik des brasen unde dartho eyne mark to Ebbekestorpe in dat closter, de mark de schal me gym delen. Vortmer I mark den clostervrowen tho Ysenehaghene, de schal me gym delen. Vortmer I mark den clostervrowen tho Medinghe, de schal me gym ok delen. Vortmer gheve ik eyn gherwede tho Laghendorpe in dat ghodes hu/os. Vortmer gheve ik twen megheden, dar eyn is myt Protzen unde de andere myt Kalenhoghere, isliker II mark. Vortmer gheve ik Greten myner maghet I mark penninghe. Vortmer user vrowen hir tho Ulsen I mark penninghe. Vortmer schal me nemen van den hundert marken, de my Johan Lembeke unde Thideke Steyn schuldich syn, also vele, dat me darmede make des jares II mark gheldes, de schal me alle jar armen lu/oden dor god gheven tho eyner spende, unde dat schal ewich syn. Vortmer gheve ik tho des borghere calendes vickeryghe IIIIIor mark penninghe. Vortmer wes den dar overlopet, dar schal me van gheven eyne spende, wan myne veyr weken ummekomen, unde wes den dar vort overlopet, dat schal me in godes ere keren. Desser vorescreven ghyft wil ik eyn here wesen de wile, dat ik leve. De testamentarios, de ik hirtho kese unde zette, de synt her Johann Hozeringh unde Herwich Remenscnider unde Hamerstorp. Dat ik also stark was, alse ik van rechte wesen scolde, do ik dyt testament satte, dat bethu/oghet Johan Lembeke unde Arnt Co/ek, twe ratmannes tho Ulsen. Vortmer so hebbe ik tho Lu/oneborch V mark penninghe, dar schal me eynen man wynnen mede, de tho Aken
Life span
21.12.1375
Includes
gha.
Indexbegriffe:
Aachen
Kalehoyer, Hoyger, Rm. in Uelzen
Cok, Amd, Rm. in Uelzen
Ebstorf, Kloster
Grete, Magd des Helmeke v. Redeber
Hamerstorp, PN
Hösseringen, Johann, Magister, Rektor des Hl. Geists in Uelzen, Vikar in St. Marien Uelzen
Isenhagen, Ldkr. Gifhorn, Kl.
Langendorf, Ldkr. Lüchow-Dannenberg, Kirche
Lembeke, Johann, Rm. in Uelzen
Lüneburg, Stadt
Medingen, Kl.
Protze, Johann, Knappe, dann Bg. und Rm. in Uelzen
Redeber, Helmeke v.
Remensnider, Herwig
Sten, Dietrich, Rm. in Uelzen
Uelzen, Geistliche Institutionen und Gebäude: Priesterkalandsbruderschaft
Uelzen, Geistliche Institutionen und Gebäude: Pfarrkirche St. Marien
| Action | Type | Name | Access | Info |
|---|---|---|---|---|
| Detail page | Original | Urkunde | 0043 / 1 |
|
Arcinsys