Nr. 247/1

Aufzeichnung über die Beilegung des Streits zwischen dem Kloster Scharnebeck und Heiligenthal.

o. D. (1348).

Perg.

Druck: UB Scharnebeck Nr. 353.

Geschrieben auf der freien Rückseite eines Blattes einer Einnahme- und Ausgaberechnung des Klosters Scharnebeck, datiert 1338 Juli 16.

Dominus Bernardus abbas arbiter parcium litteram composicionis formavit, cum qua ad prepositum et conventum de Lilio accedens ipsam litteram ante ipsius sigillacionem in claustro coram premissis legi fecit, ubi per noctem et partem diei sequentis servata sequenti die fuit ad civitatem Luneborch reportata et ibidem coram eodem arbitro domino Bernardo predicto, domino Hermanne abbate nostro, domino Hinrico preposito memorato, Hinrico priore, Eylemanno bursario nunc abbate, Frederico cellerario et Marquardo priore in Lilio lecta fuit. Que littera postquam fuit lecta eidem preposito valde placuit, qui dixit: Deus direxit vos huc modo, volumus manere amici invicem, et in signum quod ratum habere voluit arbitrium suum, iussit dominum Bernardum sigillum suum quod eidem ante presentavit suo priori Marquardo dare, et eundem iussit litteram lectam que placuit sigillare, quod factum fuit. Quia littera composicionis per priorem suum ad iussum domini Hinrici predicti sigillis prepositi et conventus de Lilio et per Fredericum predictum sigillis nostris scilicet abbatis predicti et conventus nostri fuit sigillata et postea quia re integra locacionem decime secundum continenciam littere composicionis acceptare noluit nec composicionem sigillatam partium sigillis servare, igitur dominus Hermannus a) abbas prenominatus sine scitu prioris sui misit ad dominum ducem ad significandum eidem discordiam que vertebatur inter ipsum et dominum Hinricum de Bucka. Tunc dominus Otto dux misit litteram, per quam vocari fecit premissum prepositum ad suam presenciam, in qua ex ignorancia et negligencia scriptoris verbum istud "citamus" et "ut tali die coram nobis compareatis" fuit appositum. De hiis omnibus

1348

premissis prior in Schermbeke inscius fuit ante rem factam et de modo facti nichil scivit. Postquam ista modo predicto priore nesciente et ignorante fuerunt facta et tempore transeundi ad dominum ducem advenit, qui se tamquam amicabilis compositor interponere voluit propter bonum pacis parcium utrarumque. Dixit dominus abbas ad priorem suum et suppriorem: Vos debetis nobiscum ire, qui ex obediencia secum iverunt ad presenciam principis, et ibi nullus actus iudicalis fuit factus, sed littera composicionis facte ab arbitro iudice ecclesiastico sigillata sigillis parcium lecta fuit. Tunc dominus Wilhelmus dux stando et non sedendo, supplicando et non inparando dixit domino Hinrico predicto: Servate litteram vestram b), quam sigillastis sigillis vestro et vestri conventus. Respondit prenominatus, quod non posset sine suo superiore. Tamen in fine coram eodem duce ipso supplicante et dicente: Servate litteram vestram, dixit: Libenter, et sic abcessimus. Nec dux contra ipsum ex parte nostra tunc ante vel postea aliquem actum iudicalem fecit nec in suo iudicio speciali tunc ante vel post vel quocumque tempore inpedivit, sicut testatur littera ducis sigillis presencium sigillata.

a) verbessert aus "Hinrici".
b) von "supplicando" bis "vestram" auf Rasur nachgeschrieben.

Ortsindex:
Heiligenthal, Ldkr. Lüneburg, seit 1382 in Lüneburg, Kl. und Konvent
Lüneburg, Stadt
Scharnebeck, Kloster, Subprior

Personenindex:
Bernhard, Abt von Marienfeld
Bücken, Heinrich v., Propst von Heiligenthal
Eilemann, Abt von Scharnebeck (+1358)
Eilemann, Bursar in Scharnebeck (später Abt)
Friedrich, Kellermeister in Scharnebeck
Heinrich, Prior in Scharnebeck
Hermann, Abt von Scharnebeck
Otto, Herzog v. Braunschweig und Lüneburg (+1352)
Travena, Marquard de, Prior in Heiligenthal
Wilhelm, Herzog v. Braunschweig und Lüneburg (+1369)