NLA HA RETRO Celle Or. 100 Scharnebeck Nr. 315

Beschreibung: Verzeichnung

Identifikation

Titel 

Abele von Torgau verkauft dem Wasmut von Meding ihre Morgengabe und Leibzucht an dem Hof in Neetze, den ihr Mann Harneid von Johann Grope gekauft hatte.

1365 November 25.

Orig., Perg., drei anhäng. Siegel erh.

Abschrift: W S. 48 f., H S. 427 f.
Druck: UB Scharnebeck Nr. 398.

Ich Abele husvrowe ifteswanne Harneydes van Thorgowe, deine got gnedich si, bekenne openbare an dessem breve, dat ik na rade vor Wicborch miner muder unde mines broderes Henninghes knapen ghehethen van Meynerstorp unde mines vedderen her Henninghes ridderes ghehethen van Meynerstorp unde mit vulbort alle miner rechten erven hebbe laten unde vorkoft deme erliken knapen Wasmode van Medinghe mine morghengave unde min liftucht, de mi min man Harneyt van Thorghowe gaf an deme hove to Netze, de Johannes Gropen hadde wesen, den Harneyt van Thorghowe vore nomet kofte van Johanne Gropen umme sine reden penninghe, also de breve luden unde wisen de Johan Grope beseghelet heft Harneyde van Thorghowe, mit alleme rechte unde mit aller nut an water, an velde, an wischen, an holte, an weyde, also ich Abele vore nomet den sulven hof to Netze mit alden koten de dar to horet scolde bruket hebben to miner morghengave mine levedaghe, vor vertich march Luneborgher penninghe de mi rede betalet sint, unde orlove unde mechtighe Wasmode knapen gheheten van Medinghe mit dem sulven hove to Netze unde wat dar to hort to dunde unde to latene wat eme ghedelic unde nutte si, unde antworde eme den sulven bref bi dessem breve, den Johan Grope gaf Harneyde van Thorghowe uppe den kop des hoves to Netze. Uppe dat desse kop stede vast blive unde unghebroken werde, so hebbe ik Abele sakewolde unde vor Wicborch min muder unde Henningh knape gheheten van Meynerstorp min broder van rechter wischop ghehenghet unse ingheseghele to dessem breve. Na godes bort drutteynhundert jar an deme viveundesostichsten jare, an sunte Katerinen daghe der hilghen iuncvrowen.

Ortsindex:
Neetze, Ldkr. Lüneburg

Personenindex:
Grope, Johann, Johanns

Laufzeit 

25.11.1365

Enthält 

Sohn, in Neetze
Meding, Wasmut v., Knappe
Meynerstorp, Henning v., Knappe
Meynerstorp, Henning v., Ritter
Meynerstorp, Wichburg v.
Torgau, Abele v.
Torgau, Harneid v.

Repräsentationen

Aktion	Typ	Bezeichnung	Zugang	Info
Detailseite	Original	A