Nr. 199

Hermann von Medenheim beurkundet im Auftrag des Erzbischofs Konrad (III.) von Mainz und des Provisors Johann von Rengelrode in Erfurt einen Vergleich mit dem Stift Weende über die Zehnten in Esplingerode, Desingerode und Werxhausen.

1432 Mai 25.

Original, Wasserschaden, anhängende Siegel: 2. beschädigt, 3. stark beschädigt (undeutlich) 4. ab, alte Nr. 40 bzw. 247.

Druck: UB Weende Nr. 247.
Abschrift: Gruber I fol. 266 (hier z.T. Vorlage); FB Nr. 204.

Kuntliken sy allen, de dyssen breff seyn horen edder lesen, dat ek Herman van Medhem von verhengenis wegen des ernwerdigen in god vader unde hern hern Cunrades erzbischoppes tu Mentze mynes gnedigen liben hern unde von geheites wegen des erbarn hern hern Johans von Rengelderode provisor tu Erforte eyne eyndracht gemaket hebbe myt hern Johanne perner tu Groten Sneyn idtal provest tu Wenden, den de erbern juncfruwen darselbest dartu geschicket hadden, also von des Clawestegeden wegen, also eyn artzebischop to Mentze von alder vor vorscreben heft, dat sy den tegeden hebben scullen van seven hoven in dren dorpen by namen to Espelingerode, to Desingerode unde to Werkershusen unde doch in demesulven breve nicht en steid, we vele der hovetal in jedeme dorpe wesen schulle, des heft myn gnedige here den tegeden to Espelingerode unde is van der wegen dey den tegeden von der juncfruwen wegen hadde vortyden itwat daranne vorkortet, dat ek an mynes hern gnade gestalt hebbe. Nu hebbe ek mek erfarn an warer older kuntscap unde an olden registern, dat de juncfruwen viff hove tu vordegedende hebben von der wegen in myns hern tegeden tu Espelingerode. Nu umme fredes willen dat mynes gnedigen hern amechten unde der juncfruwen vormunden vorder tu vordreiten nicht komen en dorven, hebbe ek met fulborde des vorgnanten hern Johanne unde mit rade, de da mit uns beiden darover wern, vor dat beste dat de juncfruwen nu fortme schult

25.05.1432

sammen unde hebben an veer hove landes to Espelingerode, de nu to tyden sint Hildebrandes Gerlages, unde an eyner hove darsulves, de nu to tyden heft Kuregen, so dat se den tegeden sammen unde hebben mogen in deme felde unde nicht in deme dorpe; unde myn gnedige her schal sy noch nymant von syner wegen nicht ane hindern unde sey en scholen nicht in den tegeden to Espelingerode buten edder enbynnen myme gnedigen hern edder synen mannen spreken edder spreken laten edder neynerleige hindernis edder besweringe l[aten] duen edder duen laten, sunder dut sc[hulle]n sey to ewigen tyden also tu beiden siden holden; dat we her [Johan] provest unde ek dut also gedegedinget hebben, dar is met my over gewest Engelhart Doring idtal voget to Geueldehusen unde Herman von Grone unde met hern Johanne vorgnant Dederik von Wintzingerode voget to Herste unde her Johan Trugeses official tu Northen. Unde wey alle vorgnante bekennet, dat we dut hebbet gedegedinget unde vor beste herkorn unde hebbet des unse ingesegele witliken laten gehanget an dussen open breff, de da gegeven is na godes gebort verteynhundert jar in deme tweyundedertigesten jare an deme sundage vor der Cruceweken.

Orts- und Personenindex:
Desingerode, Stadt Duderstadt, Kreis Göttingen, Zehnt
Doring, Engelhard, Vogt in Gieboldehausen
Esplingerode, Stadt Duderstadt, Kreis Göttingen, Hufe
Esplingerode, Stadt Duderstadt, Kreis Göttingen, Zehnt, gen. Klauszehnt
Gerlages, Hildebrand
Grone, Hermann (4) von, Bruder des Johann (3)
Konrad III., Erzbischof von Mainz
Kuregen
Medenheim, Hermann von
Mulner, Johann, Propst in Weende, Pfarrer in Groß Schneen
Rengelrode, Johann von, Propst des Petersstifts in Jechaburg, Provisor des Erzbischofs von Mainz in Erfurt, Kommissar
Truchsess, Johann, Offizial in Nörten
Werxhausen, Stadt Duderstadt, Kreis Göttingen, Zehnt
Wintzingerode, Dietrich von, Vogt in Harste

Sieglerindex

erhaltener Siegel:
Medem, Hermann von
Wintzingerode, Dietrich von

[keine Angabe]

14320525