Identifikation
Titel
Henning Leisenrode, Bäcker auf dem Stiftshof in Weende, verkauft den Stiftsfrauen Sophia Spadenbeck und Gertrud Druchtlef eine jährliche Rente von zwei Ferding aus sechseinhalb Morgen Ackerland in Hillerse.
1462 November 19.
Original, Wasserschaden, anhängendes Siegel, stark beschädigt, Quadrangel 77.
Druck: UB Weende Nr. 297.
Abschrift: Gruber II fol. 23r-24v (im mittleren Teil überwiegend Vorlage); FB Nr. 251.
Ek Henningk Leysenrot nu to dusser tyd eyn becker up deme closterhove to Wende bekenne openbar vor mek unde myne rechten erven, dat ek rechtes unde relikes copes vorkofft hebbe unde vorkope in crafft dusses breves twene ferdinghe gheldes jerliker gulde Gott(ingescher) weringe, nemeliken eynen ferdingk den ersamen geystliken juncfrowen Soffelen Spadenbekes, Gherdrude Druchtleyues unde heldern eder helderschen dusses breves met orme goyden willen unde den andern ferdingk to der lampen unde to der luchte up der juncfrowen slaphus to Wende vor ses mark dersulven weringe, de my von dussen vorbenomeden juncfrowen vul unde al wol to dancke vorhandelaget unde betalt synt, welke twene ferdinghe ek schal unde wil eder myne erven on alle jar goytliken geven unde betalen ane allen hinder unde fortoch up sinte Martens dach des hilgen byscoppes neygestvolgende na gyfft dusses breves ut unde von sevemedehalven morgen myns erffliken eygen arthafftigen landes, de dar alle liggen up der veltmarke to Hyldessen sunderliken dre morgen in den Holen, der twene liggen twyschen Kunnen Wytten unde Hanse Wetmarhusen, eyn morgen twyschen Henrick Wedekindes unde eyneme, de ys gheheyten Oldekorne, unde twene morgen vor deme Steynwege twischen Hanse Wetmarhusen unde deme holte unde dre forlinck an deme Ro/edenberge twischen deme holte unde Henrick Wedekindes. Unde wort sake dat ek Henningk vorbenomet eder myne erven deme so nicht en deyden unde de gulde nycht en geven unde
Laufzeit
19.11.1462
Enthält
betalden up de tyd, so alse vorgescreven ys, so schollen de vorgenanten juncfruwen unde ore medegerorden sek des vorgescreven landes sulven underwynden unde dat in ore raweliken hebbeden were nomen unde dat vormeygern utdoyn eder vorsetten unde ore gulde unde gelt anne soyken na alle orer bequemlicheyt ane myne unde alle myner erven wedersprake, so lange alse on von myner unde myner erven weygen eyn soydane summe geldes nemeken ses mark met vorsculder unde vorsetener gulde nycht word wedergegeven. Doch so hebbe ek Henningk my unde mynen erven de macht unde wande beholden, dat we alle jar mogen weder affkopen dusse vorgescreven twe ferdinghe vor ses mark Gott(ingescher) weringe, wen uns des ghelustet, aver waner dat we dat doyn willen, dat sculle we den vorgenanten kopersgen a) eyn ferdel jars tovorne vorkundigen unde denne na deme ferndel jars ses mark met bedageder unde unbetaleder gulde an eynem hope on goytliken weder gegeven ane alle insage. Were dat aver ok nu vorder sake dat sek de vorgenanten juncfruwen ores geldes unde orer gulde nycht erhalen en konden an deme vorghescreven lande von hynders wegen de dar mochte invallen, alse hertoch vedescop unde orloge, alse dat wol mennigerleyge kommen mochte, dar doch goyd vor sy, so hebbe ek gesad unde sette on noch to merer wissenheit Corde Leysenrode mynen broder, de hir nagescreven steyt, to eyneme borgen unde to eynen medesakewolden, de on denne schal unde wel to soyden ses marcken hovetsummen unde gulde, wat dar na vorlopener tyd bedaget is, antworden, aver dyt utbescheyden worde Cord gemant unde soyden gelt utgheve, also vorgescreven ys, von stunt, wen he dat ghedan hefft eff dat so keme, so schal he weder dar entegen in syne hebbeden wer nomen dusse vorgescreven sevendehalven morgen lande ane jennigerleyge vorbedinge unde der bruken unde de fruchtigen unde in weren holden, so lange alse ek Henningk opgenant eder
myne erven b) synen willen nicht en maken unde soyden gelt alse [he] c) denne von myner wegen hefft utgegeven nicht weder en geven. Des ek Cord Leysenrod rede mergenant also beken, dat ek borge unde sakewoldede sakewolde bolde bsakewolde ben geworden vor Henninghe Leysenrode mynen broder unde syne rechten erven vor ses mark Gott(ingescher) weringe unde vor de gulde darup teygen de geystliken juncfrowen Soffelen Spadenbekes, Gherdrude Druchtleues unde ore medebenomenden in solker wyse: wort sake dat Henningk myn broder eder syne erven vorsumych worden an der gulde unde der up de dagetyd nicht en geven, alse vorgescreven stet unde alse he vor sek unde vor syne erven worwillet hefft, so dat de juncfrowen unde or medebenomeden moysten arveyt unde koste updregen to ermanende, so schal ek unde wylle on to soydenne summen hovetgeldes unde gulde darup wat der bedaget unde vorseten ys antworden, wen dat von [me] c) geeschet word unde ek von orer weghen darumme ghemant werde, aver so wil ek mek denne des landes underwynden unde in de were nomen, alse dat rede vorgerort ys etc. Alle dusse vorgescreven stucke unde eyn iowelk besundern love we Henningk unde Cord Lesenrodes velegenante vor uns unde ek Henningk ok b) vor myne erven steyde unde vast to holdende den velegenomeden juncfrowen unde oren medegenomeden unde des to eyner orkunde unde to eyner waren bewysenge hebbe we b) on dussen bref gegeven unde hebbet semptliken gebeden den ersamen heren hern Jane Frederikes, dat he syn ingesegel hefft laten gehangen an dessen bref, des we hirto bruken, wente we neyn egen yngesegel en hebben. Des ek her Jan Frederikes nu to dusser tyd eyn perner to Parnhusen also bekenne, dat ek umme bede wyllen Henninges unde Cordes Leysenrodes myn ingesegel festliken an dussem bref hebbe laten gehangen, de gegeven ys na godes gebord unses heren dusent jar verhundert jar darna in deme
tweundesestegesten jare in die sancte Elizabeth vidue.
a) Über der Zeile eingefügt: -s-.
b) Wort über der Zeile eingefügt.
c) Fehlt; in der Abschrift. über der Zeile eingefügt.
Orts- und Personenindex:
Druchtlef, Gertrud, Stiftsfrau in Weende
Friedrichs, Johann, Pfarrer in Parensen
Hillerse, Stadt Northeim, Ackerland
Hillerse, Stadt Northeim, Morgen
Holen, Flurname in Hillerse
Leisenrode, Henning, Bäcker auf dem Stiftshof in Weende, und dessen Bruder Konrad
Oldekorne
Rodenberg, Flurname in Hillerse
Spadenbeck, Sophia, Stiftsfrau in Weende
Steinweg, Flurname in Hillerse
Wedekindes, Heinrich
Weende, Stadt Göttingen, Stift, Refektorium, Lampe
Wetmarhusen, Johann
Witte, Kunigunde
Sieglerindex erhaltener Siegel:
Friedrichs, Johann, Pfarrer in Parensen
Band
Ergänzungen
Klassifikation Teil B
14621119
| Aktion | Typ | Bezeichnung | Zugang | Info |
|---|---|---|---|---|
| Detailseite | Original | Urkunden | 0001 / 82 |
|
Arcinsys