Identifikation
Titel
Erzbischof Albrecht von Mainz erteilt den Besuchern der Kapelle St. Anna (bei Mariengarten) für bestimmte Festtage einen Ablass.
1524 Mai 2, Halberstadt.
Original, anhängendes Siegel in Metallkapsel.
Abschrift: MS XXIII 764 Bl. 39 f.
Druck: UB Mariengarten Nr. 366.
Regest: Blauel S. 307 f.
Laufzeit
02.05.1524
Enthält
Albertus miseratione divina sacrosancte Romane ecclesie tituli sancti Petri ad vincula presbiter cardinalis sancte Moguntin(ensis) sedis ac Magdeburgensis ecclesie archiepiscopus princeps elector sacri Romani imperii per Germaniam archicancellarius et primas administrator Halberstatensis marchio Brandenburgensis Stettinensis Pomeranie Cassuborum Sclavorumque dux burggravius Nurmbergensis ac Rugie princeps universis ac singulis Christi fidelibus presentes nostras litteras inspecturis lecturis sive audituris salutem in domino sempiternam. Splendor paterne glorie, qui sua mundum illuminat ineffabili charitate, vota fidelium de clementia ipsius maiestatis sperantium tunc precipue benigno favore prosequitur, cum devota ipsorum humilitas sanctorum precibus et meritis adiuvatur. Cupientes igitur, ut capella sancte Anne matris gloriose virginis Marie genitricis dei et salvatoris nostri Jhesu Christi in prato vulgariter die Stockwiesen nuncupato sita nostre Moguntin(ensis) diocesis congruis frequentetur honoribus et a Christi fidelibus iugiter veneretur ac in structuris et edificiis debite reparetur conservetur et manuteneatur libris calicibus et aliis ornamentis ecclesiasticis decoretur fulciatur et laudabiliter muniatur in eaque cultus augmentetur divinus et ut Christi fideles eo libentius devotionis causa ad eandem capellam confluant et ad reparationem augmentationem conservationem aliaque premissa manus promptius porrigant adiutrices, quo ex hoc ibidem dono celestis gratie uberius conspexerint se esse refectos, religiosarum devotarum nobis in Christo dilectarum abbatisse et conventus monasterii nostri vulgariter zum Garten supplicationibus super hoc inclinati de omnipotentis dei misericordia ac beatorum Petri et Pauli apostolorum eius necnon sanctorum Martini, Mauritii et Stephani patronorum nostrorum meritis confisi omnibus et singulis Christi fidelibus vere penitentibus confessis et contritis utriusque sexus predictam capellam in sancte Anne ac gloriose virginis Marie Conceptionis et Nativitatis festivitatibus devotionis causa visitantibus et quippiam pro reparatione augmentatione et conservatione tum capelle predicte tum librorum calicum et aliorum ornamentorum eiusdem de bonis suis sibi a deo collatis elargentibus - toties quoties id fecerint - ratione cardinalatus nostri centum ac de speciali sedis apostolice indulto iterum centum necnon auctoritate nostra ordinaria quadraginta dies indulgentiarum de iniunctis eis penitentiis misericorditer in domino relaxamus presentibus perpetuis futuris temporibus duraturis. In quorum fidem et testimonium presentes litteras fieri nostrique sigilli iussimus et fecimus appensione muniri. Datum Hall(berstadt) in arce divini Mauritii die secunda mensis maii anno domini millesimo quingentesimo vicesimo quarto.
Ortsindex:
Halberstadt, Ausstellungsort
Mariengarten OT Rosdorf, Kloster, Äbn
Mariengarten OT Rosdorf, Kloster, Kapelle St. Anna
Mariengarten OT Rosdorf, Kloster, Wiese (Stockwiese)
Personenindex:
Albrecht, Eb v. Mainz (+1545)
Halberstadt, Kirche St. Mauritius (arx)
Rom, Kirche, St. Peter ad vincula
Ergänzungen
Klassifikation Teil B
15240502
| Aktion | Typ | Bezeichnung | Zugang | Info |
|---|---|---|---|---|
| Detailseite | Original | Urkunden | 0001 / 72 |
|
Arcinsys