Identifikation
Titel
Das Stift Hilwartshausen verkauft an Johann Blekemann, Bürger in Witzenhausen, und dessen Enkel Heinrich Boyckers eine halbe Hufe in der Feldmark von Witzenhausen.
1439 Juli 22.
Orig., Perg., anhäng. Siegel rest.
Abschrift: Gruber Bl. 192.
Druck: UB Hilwartshausen Nr. 284.
Regest: Hann. 94 Nr. 5017 Nr. 327.
Wey Henricus von Stokhusen provest, Katherina von Vffeln priornn, Mettle Wlffhagen custerynne, Alheyt von Geysmar underpriorn unde dey gantze sampnunge des stifftes to Hyldewershusin bekennen in dusseme breyve vor unsz und unsze nakomelinge in deme stiffte, dat wy vorkofft hebbin unde vorkopin in crafft dusses breyves rechtes und redelikes vorkopes Hanse Blekemans borger to Wyttzenhusin, Henrike Boyckers syner dochter sone eyne halve hoyve landes myt orer tobehoringe, so alsz sey ghelegen ys in holte in velde in water in weyde irsocht edir irunsocht in der veltmarke to Wyttzenhusen vor vifftich gude vulwychtige Rynsche gulden gud von golde swar ghenoch an ghewichte, dey unsz al unde wol to dangke synt betalt an eynem hope unde in unszes stifftes fromen ghekart unde ghewant syn - unde welke halve hoyve dey dar ghewest ys unde ghehat hefft Syuert Huvenrodes dey eldere seliger unde Gele syn eylike husfrowe, von den sey uns vorlediget ys, so alse sey sek semptliken unde besunderen by unsze stiffte ghedan unde ghegheven haddin to Hildewershusen, deywyle dat sey leveden, unde na oreme dode alle or naghelatene gud komen unde vallin scholde an unsze vorghescreven stiffte. Darumme so hebbe wey dusse vorg(nante) halve hoyve landes dussen vorg(nanten) kopern vorkofft unde wyllin des or rechten heren und weren syn vor rechter anspracke, wenne wor unde wy dicke on des noyt deyt unde wy dicke wey des von orer wegen anghelanget worden. Weret ok dat sy dusse vorg(nante) halve hoyve landes eymande vorsettin edir vorkofftin, edir wey dussen breff hedde myt oreme guden
Laufzeit
22.07.1439
Enthält
willen edir myt wetenschap fromer lude, deme edir den wolde wy holdin alsze den vorg(nanten) kopern, so dat unsz alle jar edir unszin nakomelingen in deme stiffte unse gulde gutliken werde unvortochlich uppe sinte Mychahelis dach des hylgen artzengels myt namen drey molder guder fruchte halff roggen unde halff havern unde twene schillinge penninge. Weret ok dat wy den vorg(nanten) kopern edir heldir dusses breyves sodane werunge nicht enkonden ghedon, so dat dey vorghescreven halve hoyve landes unsz myt rechte worde affghewunnen, so scholden wey unde wolden on or gelt myt namen vifftich Rynsche gulden, alsze vorgheroret ys, gutlikin wedergeven unde wol to danke ane vortoch so vorder, alse unsz deme erg(nanten) styfte to Hildewershusin unde unsin nakomelingen or gulde gutliken betalt were alle jar uppe sinte Mychahelis dach des hilgen artzengels, alse vorgescreven steyt, dey wy alle jar darvon to gulde hebbin von deme vorg(nanten) lande, denne wy sodaner gulde on nicht envorkopin. Alle article unde puncte dusses breyves reden unde loven wey provest, pryorn, amptfrawen unde dey gantze covent vor unsz und unsze nakomelinge in deme vorg(nanten) stiffte stede veste unde unvorbrokelikg to holdenden ane gheverde und argelist. Des to orkunde unde tuchnisse geve wey on dussin opin breff vestlikin vorsegilt myt unsir der provestige ingesele, dat wey an dussin breff hebbin latin ghehangen. Ghegeven na Cristi ghebort dusent jar verhundirt jar darna in deme negenundedryttegestin jar an sinte Marien Magdalenen daghe.
Indexbegriffe:
Blekemann, Johann, Bg in Witzenhausen
Boyckers, Heinrich
Geismar, Adelheid v, Unterpriorin v Hilwartshausen
Huvenrodes, Gertrud, Frau d. Siebert
Huvenrodes, Siebert
Stockhausen, Heinrich v, Propst v Hilwartshausen, Pf in Grone
Uffeln, Katharina v, Priorin v Hilwartshausen
Witzenhausen, Hufe
Wolfhagen, Mechthild v, Küsterin v Hilwartshausen
| Aktion | Typ | Bezeichnung | Zugang | Info |
|---|---|---|---|---|
| Detailseite | Original | U |
|
Arcinsys