Identifikation
Titel
Graf Johann I. von Oldenburg und Delmenhorst und sein Sohn Christian (der Jüngere) verkaufen dem Bremer Bürger Alverich von Sturden (Alverico de Sturden) mit Zustimmung seiner Frau Kunigunde (de consensu domine Conegundis uxoris) für 130 Mark Bremer Silbers zwei in Emshop (Emeshope) und Iprump (Yprumpe) [im Kirchspiel Hasbergen] gelegene Häuser mit allem Zubehör unter Vorbehalt eines achtjährigen Wiederkaufsrechtes nach sechsmonatlicher Kündigung. - Es siegeln neben den Ausstellern Christian (der Ältere), Graf von Delmenhorst, Johann III., Graf von Oldenburg und Konrad, Sohn des Herrn Rudolph, Edelherrn von Diepholz (Depholte).
Universis has literas visuris seu audituris Johannes dei gracia comes de Oldenborgh et Delmenhorst ac Cristianus filius eius salutem in domino. Noveritis quod nos de consensu domine Conegundis uxoris ac omnium heredum nostrorum vendidimus Alverico de Sturden civi Bremensi et suis heredibus pro centum et triginta marcis Bremensis argenti et ponderis nobis integraliter persolutis duas domos nostras, quarum una in Emeshope sita est, quam colit Johannes Vole, reliqua vero sita est in Yprumpe, quam colit Johannes dictus Crete, cum prediis, paludibus more vulgariter nuncupatis, pratis ac pascuis et omnibus aliis iuribus et pertinenciis dictarum domorum pro hereditate libera iusto empcionis titulo optinendas. Preterea nos et nobiles viri domini Cristianus frater noster in Delmenhorst et Johannes in Oldenborgh comites ac Conradus filius domini Rodolphi nobilis domini de Depholte nobiscum et nos una cum eis promisimus insolidum fide data et in hiis scriptis promittimus supradictis Alverico et suis heredibus facere et prestare pre nobis et nostris heredibus natis et nascituris ac pre quibuslibet aliis super prenominatis domibus ac prediis ac paludibus et aliis iuribus et pertinenciis dictarum domorum pro hereditate libera venditis warandiam inviolabilem atque iustam, et quod domos easdem et pertinencias suas ab omni inpedimento, si quod Alverico et suis .heredibus nomine nostro vel nomine nostrorum heredum evenerit, debebimus disbrigare. Ceterum licebit Alverico et suis heredibus supradictis dictas domos cum omnibus suis iuribus et pertinenciis, cuicunque voluerint, vendere et obligare eo iure, quo ipsi eas habemus, liberaliter optinendas. Nosque et confideiussores nostri prefati eis, quibus supradicti Alvericus et sui heredes domos predictas vendiderint vel obligaverint, prestabimus et in hiis scriptis fide data promittimus warandiam firmam atque iustam, ita videlicet, si in premissis bonis defectum aut impedimentum aliquod prefatos Alvericum et suos heredes aut eos, quibus ipsi prenominatas domos vendiderint aut obligaverint, ex parte nostra vel ex parte heredum nostrorum habere contigerit, nos et confideiussores nostri predicti civitatem Bremensem intrabimus ibidemque manebimus, inde non exituri, donec de defectu aut impedimento predictis fuerit prefatis Alverico et suis heredibus aut eis, quibus prefata bona dimiserint, plenarie satisfactum. Insuper Alvericus et heredes sui sepedicti ex speciali gracia nobis indulserunt, quod pro centum et triginta marcis Bremensis argenti dictas domos, dum taxat in quolibet sancti Petri ad cathedram festo infra octo annos proximos occurrente, reemere poterimus, dummodo huiusmodi reempcionis tempus Alvericum et suos heredes aut eum, cui ipsi eadem bona dimiserint, prescire fecimus ad sex menses. Elapsis autem dictis octo annis, si extunc dicta bona reempta non fuerint, ea Alvericus et heredes sui et hii, quibus ipsa dimiserint, pro hereditate libera in perpetuum optinebunt. In cuius rei testimonium nos Johannes dei gracia comes de Oldenborch et Delmenhorst et Cristianus eius filius et nos Cristianus in Delmenhorst et Johannes in Oldenborch comites et Conradus filius domini Rodolphi nobilis domini de Depholte predicti sigilla nostra presentibus duximus apponenda.
1335 Juli 13 (Datum anno domini millesimo trecentesimo trigesimo quinto in die beate virginis Margarete)
Laufzeit
13.07.1335
Enthält
Ausfertigung, lat., Pergament, 17 x 32 cm; Plica: 2 cm. - Rückvermerke: Rubrik (17. Jh.), Datumsangaben, Registratursignaturen "41", "No 5.", "6." - Siegel: nein (5 ab, an Pergamentpresseln anhängend). - Beilagen: ja. - Druck: OUB 2, Nr. 326 (Regest mit Transkription). - Abschrift: Slg 80 Best. 296 Nr. 9-1 S. 53-56.
Alte Archivsignatur
Best. 21 Landessachen
| Aktion | Typ | Bezeichnung | Zugang | Info |
|---|---|---|---|---|
| Detailseite | Original | Urkunde | 1010 / 4 |
|
Arcinsys