Identifikation
Titel
Graf Christian (der Ältere) von Oldenburg und Delmenhorst und seine Söhne Johann, Christian, Wratislaw (Wertlavus) und Otto III. verkaufen dem Bremer Büger Johann Punt für 100 Mark Bremer Silbers zwei Häuser mit den zugehörigen Äckern in Wedel (Wedele). Er bestätigt den Empfang des Kaufpreises, behält sich für die Dauer von 12 Jahren das Wiederkaufsrecht vor, übernimmt die Wahrschaft und verpflichtet sich zum eventuellen Einlager in Bremen.
Universis hanc literam visuris seu audituris Cristianus dei gratia comes in Oldenborch et Delmenhorst, Johannes Coloniensis et Bremensis ecclesiarum canonicus, Cristianus prepositus ecclesie sancti Willehadi Bremensis, Wertslavus canonicus ecclesie Verdensis ac Otto dicti comitis filii salutem in domino sempiternam, tenore presentium duximus firmiter protestandum, quod nos unanimi consensu et pari voluntate et cum consensu omnium heredum nostrorum vendidimus et dimisimus Johanni dicto Punt civi Bremensi et suis heredibus pro centum marcis Bremensis argenti et ponderis nobis integraliter persolutis duas domos, quarum una sita est in Wedele, quam colit Wlbernus, et reliqua sita est prope domum eandem, quam Cristianus dictus Hoveman colit ad presens, cum pensione dicta Voremede, prediis et agris cultis et incultis, pratis, pascuis, redditibus et proventibus ac omnibus aliis suis iuribus et pertinentiis iuste emptionis titulo liberaliter obtinendas. Insuper dictus Wlbernus et cultor domus ipsius, qui pro tempore fuerit, dabunt et solvent annis singulis dictis Johanni et suis heredibus specialiter pro pensione dicta Vereschat undecim fertones Semper in festo beati Thome apostoli iure ac nostre pensionis. Ceterum nobiles viri Cristianus, Johannes et Bernardus filii quondam nobilis viri domini Johannis comitis in Delmenhorst una nobiscum et nos una cum eis insolidum fide data promisimus et in hiis scriptis promittimus supradictis Johanni Punt et suis heredibus super prefatis domibus, fructibus, redditibus et proventibus earundem facere et prestare warandiam firmam inviolabilem atque iustam, ita videlicet, si in premissis vel aliquo premissorum aut varandia predicta defectum aut impedimentum aliquod habuerint, nos et confideiussores nostri predicti infra quindenam proximam a die, quo requisiti fuerimus, computandam civitatem Bremensem intrabimus ibidemque insolidum non exituri manebimus, donec dictis Johanni et suis heredibus pro defectu et impedimento predictis fuerit plenarie satisfactum. Preterea dicti Johannes Punt et sui heredes nobis et nostris heredibus ex gratia indulserunt speciali, quod dictas domos infra duodecim annos proximos a festo sancti Petri nunc preterito computandos, in quolibet festo sancti Petri ad cathedram interim occurrente reemere poterimus pro centum marcis supradictis, dummodo reemptionis tempus dictos Johannem et suos heredes prescire fecerimus, in festo Nativitatis Cristi idem festum sancti Petri, in quo reemptionem facere decreverimus, proxime precedente. Elapsis autem dictis duodecim annis si extunc reempte non fuerint, nos et dicti nostri heredes domos ipsas facultatem reemendi decetero non habebimus aliqualem, sed domos predictas Johannes Punt et heredes sui prefati absque aliqua spe reemptionis iure perpetue proprietatis obtinebunt. In cuius rei Testimonium sigilla nostra presentibus sunt appensa, et nos Cristianus, Johannes et Bernardus filii quondam nobilis viri domini Johannis comitis in Oldenborch et Delmenhorst predicti in evidens promissionis per nos facte ac omnium promissorum testimonium etiam sigilla nostra presentibus duximus apponenda.
1349 März 15 (Datum anno domini millesimo trecentesimo quadragesimo nono in dominica, qua cantatur Oculi mei)
Laufzeit
15.03.1349
Enthält
Ausfertigung, lat., Pergament, 21 x 34 cm; Plica: 2,5 cm. - Rückvermerke: Rubirken (15, 16. und 17. Jh.), Datumsangaben, Registratursignatur "43". - Siegel: ja, Anzahl 1 (von 8 Siegeln nur vom 4. Rundsiegel des Grafen Wertslaw in gelbem Wachs ein Bruchstück an), 2,5 cm. - Beilagen: ja. - Druck: OUB 2, Nr. 377 (Regest mit Transkription). - Abschrift: Slg 80 Best. 296 Nr. 9-1 S. 95-98.
Alte Archivsignatur
Best. 21 Landessachen
| Aktion | Typ | Bezeichnung | Zugang | Info |
|---|---|---|---|---|
| Detailseite | Original | Urkunde | 1010 / 4 |
|
Arcinsys