Identifikation
Titel
Dietrich Tydeken verkauft mit Zustimmung seiner Frau Ermegard und seiner Söhne Johann, Reyneken, Friedrich, Lippold und Luder sowie seines Bruders Reyner und dessen Sohn Reyner dem Kloster Lilienthal für acht Mark wiederkäuflich die Rente einer halben Mark aus seinem Land mit der Hofstelle fwerej und dem bomgarden in Rockwinkel von der Wümme bis zum Achterdeich.
Ausfertigung Pergament, 29,5 x 14 cm. - Rep. 3 Lilienthal, Nr. 497. -8 Siegel angehängt, 1. fehlt, 7. nur Siegelschüssel an Pressel: 2. Johann Tydeken, 3. Reyneke Tydeken, 4. Friedrich Tydeken, 5. Lippold Tydeken, 6. Luder Tydeken, 8. Johann Tydeken, alle überlieferten Siegel wn grünem Wachs in gelber Schüssel,. - Rück vermerk: Desse brcff is dot van den Tidke (15. Jh.) Item to den Overnyenlande (16. Jh.).
Ik Diderik Tydeken bekenne unde betughe openbare in dessem breve, dat ik myt willen unde vulborde Ermegarde, myner echten husvrowen,/ Johans, Reyneken, Frederikes, Lippoldes unde Luders, unser sones, Reyners, mynes broders, unde Johans, mynes broder sones, alle unser erven unde/ alle der ghenner, der ere wille unde vulbord dar to horet, hebbe vorkoft unde vorkope in dessem breve to enem rechten steden vasten ewighen/ ervekope der ersamen ghestliken vrowen Alheide, ebdisschen, Ghese, priornen, deme gantzen convente des closters sunte Marien tom Ly/ liendale, eren nakomelinghen unde deme holdere desses breves myt erem willen vor achte Bremer mark, so to Bremen vor der wessele ghyn/ ghe unde gheve synt, de my to willen degher unde al betalet synt, rente ener halven Bremer mark gheldes in mynem stucke gheleghen tom Rockwin/ kele myt der were unde beomgarden unde strecket sik van deme Wummene strome wente to deme achteren dike, dar by bcleghen is Luder Tideken stucke/ ynt zuden, bi der anderen side sunte Johans myt enem halven stucke ynt norden, nicht utghesproken, van rechtes ewighen ervekopes wegene
Laufzeit
06.01.1453
Enthält
vrigliken/ to hebbende, to besittende unde to brukende. Unde wy alle ergenant unde unse erven hebben en ghelaten unde latet ieghenwardich in dessem breve den eghendeom unde/ de besittinghe der vorscrevenen rente ener halven Bremer mark in deme vorbenanten stucke in ere hebbende besittende brukelike were, so men eghendeom unde besittinghe/ rente in erve gude van rechte to latende plecht. Unde wy unde unse erven scholen unde willen der vorbenanten vrowen Alheide, ebdisschen, Ghesen, priorne, deme/ gantzen convente des ergenanten closters, eren nakomelinghen unde deme holdere desses breves myt erem willen der vorgescrevenen ener halven Bremer mark/ gheldes rechte warende wesen vor allerleye ansprake, ghestlik unde werlik, vor boren unde ungheboren, wanne, wor unde wo dicke en des not unde behof/ ys unde se dat van uns esschen edder esschen latet. Unde wy alle vorbenant unde unse erven scholen unde willen de vorbenante rente ener halven Bremer mark ghel/ des en betalen unde utgheven to deme vorscrevenen clostere twisschen sunte Mertens daghe unde Wynachten. Ok so hebben se uns de gnade ghegheven,/ dat wy edder unse erven de vorscrevene rente moghen wedder kopen alle jar vor de vorbenanten achte Bremer mark to allen sunte Peters daghen, alzo he uppe/ den steol ghezet wart, wo wy en den wedderkop der vorscrevenen rente vor kundighen in den hillighen twolf daghen to Wynachten, de den ergenanten sunte/ Peters dach neghest vorgande synt. Alle desse vorscrevenen stucke love wy alle ergenant vor uns unde unse erven in guden truwen stede vast unde unvorbroken/ to holdende sunder ienigherleye weddersprake, hulperede, nyevunde edder arghelist. Des to mererer betuchnissc hebbe ik Diderik Tydeken, Johan, Reyneke,/ Frederik, Lippold unde Luder, myne sones, Reyner, myn broder, unde Johan, Johans mynes broders sone, alle ergenant vor uns unde unse erven unde alle de ghenne, der ere/
wille unde vulbord dar to horet, unse rechten inghezeghele witliken unde myt gudem willen ghehanghen to dessem breve. Ghescreven na godes/ bord dusent veerhundert jare dar na in deme dre unde viftighesten jare, in deme daghe der Hillighen drier konynghe.
Index-Gruppe
GEOB
Rockwinkel (Rochwinkel, Rochwinkele, Rocwinkele, Rokewinkele, Rokwinkel, Rucwinkele), ON in Stbez. Bremen-Ost
PERS
Alheyd, Äbtissin Kloster Lil. (1439-1462)
SACH
Tideken, Friedrich
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen