Beschreibung
Identifikation
Titel
Der Uelzener Vikar Dietrich Sten und der Uelzener Meynard Sprotzel lassen sich vor einem Notar die Pflegschaft über Güter und Kinder des verstorbenen Kersten Störtenbüttel gegenüber der Tochter des Verstorbenen, Beke, und ihrem nächsten Verwandten, dem Uelzener Johann Weyndemann, bestätigen.
1395 Dezember 31, Uelzen
Orig., Perg., ohne Siegel.
Druck: UB Uelzen Nr. 225.
In nomine domini amen. Anno nativitatis eiusdem millesimo trecentesimo nonagesimoquinto, indictione tertia, die ultima mensis Decembris, hora vesperarum vel quasi, pontificatus sanctissimi in Christo patris et domini nostri domini Bonifacii divina providentia pape noni anno septimo, constituti in mei notarii publici testiumque infrascriptorum presentia providi et discreti viri dominus Thidericus Sten perpetuus beneficiatus in ecclesia Verdensi et Meynardus Spro/etzel opidanus in Ullessen parte ex una et Beke filia quondam Cristiani dicti Stortenbutle villani in villa Bodenstede defuncti necnon Iohannes Weyndeman opidanus in Ullessen, predicte Beken proximus consanguineus, tamquam predicti Cristiani veri hereditarii parte ex alia. Prefati dominus Thidericus Sten et Meynardus Spro/etzel pro parte sua interrogaverunt antedictos Beken et Iohannem, verum vellent grata et rata tenere, prout eis constaret, quod predictus Cristianus supplicasset eis unici voce, dum adhuc esset sanus mente et corpore, si cum ab hoc seculo migrare contingeret, quod tunc propter deum vellent se intromittere de filiis seu heredibus et bonis suis providendis et disponendis seu vendendis creditoribusque suis, in quantum bona sua se extenderent, persolvendis modo, quo possent, meliori et specialiter, utrum venditionem et emptionem curie cum suis attinentiis iam factas, quam Cristianus, dum vivebat, inhabitavit, vellent consentire. Prenominati Beke et Iohannes responderunt consentientes, quod omnia et singula premissa disposita et adhuc per eos disponenda grata et firma vellent observare, promittentes hoc idem prefatis domino
Laufzeit
31.12.1395
Enthält
Thiderico Sten, Meynardo Spro/etzel mihique notario publico manibus prestitis bona fide inviolabiliter observare. Insuper sepedicti dominus Thidericus Sten et Meynardus Spro/etzel commiserunt sepedicto Iohanni Weyndeman prefatum, Beken eius consangwineam cum aliquibus rebus ac bonis sibi presentatis et presentandis tamquam tutori. Idemque Iohannes promisit, quod vellet omnia illa bona prefate Beken convertere ad usum et nullo modo distrahere, sed omnino fideliter conservare. Acta sunt hec in domo Meynardi Sprotzel in Ulsen, presentibus discretis viris dominis Conrado de Versen, Iohanne de Medebeke et Hinrico Solsenhusen cappellano in Ullessen, presbiteris Verdensis diocesis, necnon Cristiano sepedicti Cristiani defuncti filio illegitimo et Cunrado Techeman villanis in Bodenstede eiusdem diocesis testibus ad premissa vocatis specialiter et rogatis.
Et ego Godfridus Zomer clericus Verdensis diocesis, publicus imperiali auctoritate notarius, premissis interrogationi, responditioni, ratihabitioni, commissioni et promissioni omnibusque aliis et singulis prout sic fierent et agerentur, unacum prenominatis testibus presens interfui eaque sic fieri vidi et audivi et in hanc publicam formam redegi, quam signo et nomine atque cognomine meis solitis signavi rogatus et requisitus in fidem et testimonium omnium premissorum.
Indexbegriffe:
Christian, Sohn des Christian Störtenbüttel, Ew. in Böddenstedt
Konrad, Pfarrer in Verden
Medebeke, Johann, Priester in Uelzen
Solsenhusen, Heinrich, Kaplan in Uelzen
Sommer, Gottfried, Kleriker des Bt. Verden, Notar
Sprotzel, Meine
Sten, Dietrich, Vikar in Uelzen
Störtenbüttel, Beke
Störtenbüttel, Christian, Ew. in Böddenstedt
Techeman, Conrad, Ew. in Böddenstedt
Uelzen, Ausstellungsort
Weyndeman, Johann, Bg. in Uelzen
Repräsentationen
| Typ | Bezeichnung | Zugang | Info |
|---|---|---|---|
| Original | Urkunde | 0043 / 1 |
|
Link: http://www.arcinsys.niedersachsen.de/arcinsys/detailAction?detailid=v5826714