Beschreibung
Identifikation
Titel
Abschriften (schlechte Abschrift aus dem 17. Jahrhundert); mnd.; Papier, Doppelblatt
Beilagen: ja
1.
Häuptlinge und Eingesessene des Kirchspiels Varel vergleichen sich über alle ihre bisherigen Streitigkeiten mit dem Grafen Konrad II. von Oldenburg dahin, dass sie ihm seine Renten und Gefälle fernerhin richtig verabfolgen, Turm und Kirche zu Varel im Krieg auch gegen die Friesen öffnen und mit aller Macht bei ihn und seinen Erben bleiben wollen.
Wy Ylies unde Wymer, Rickholf thoe Bomgarde unde Golf [= Folf] van Hiddelsen unde unse [vrunt] unde wy ghemenen kerspellude tho Varle bekennet openbar in dessen breve, dat alle twydracht unde schele, de dwyschen den eddelen heren greven Gorde [= Corde] van Oldenborch unde de syne unde twischen uns unde de unse je ghewesen heft, want an dessen dach, endrechtliken unde ganßlike tho male versonde unde vorscheden sint in der wyse also hyr na screven steyt, also dat wy eme unde synen rechten erven alle ere olde rechtikeit, rente unde brocke unde gosebucke utdonderen unde gheven scolen, de yarlikes vorbleven zynt wente hertho, unde em noch vortan in den kerspele to Varle em yarlikes vorvallen moghen. Wer ok dat myn here eder de syne yerghende reyze don ofte reeden, dar se drunghen wurden in dat kerspel to Varle, so scolen wy myt al unser macht um behulpelick wesen unde entholden se up unse kerken unde uppe den torne unde by den hove, unde war se veligheste weren, also langhe wente se velich dor afkomen mochten. Vortmer were dat greve Gorde orleghede tygen de Vresen, se weren were se weren, ane kegen dat karspel tho Varle, so scole wy ene offte de syne uppe den torn unde uppe de kerken tho Varle laten, dar se dar van orlegheden, also langhe went se deß ene ganse sone hadden, wo uns dat wol vor wyssent wurde tho unsen willen, wente dat gesonet were dat uns de torne unde de kerke unde entholt [. . .] also lanc na der sone weder werden sunder wederret. Ock wille wy, de nu zynt unde na uns komen moghen in den zulven kerspele, treuwlike bliven myt live unde myt ghude unde myt all unser macht in densulven kerspele truwelike by em blyven, also by greven Corde unde zinen rechten erven tho erer nut unde tho erer noht, dar se dat eschende unde van uns begherende sint. Alle desse vorbescrevene stucke unde en yewelck by zunder, love wy Ylyes unde Wymer unde Rikkele thom Bomgarde unde Folf van Hiddelsen, unde wy menen kerspellude tho Varle de nu sint unde [nha] uns komen moghen stede unde vast tho holdene unde untobroken den edlen heren greven Corde van Oldenborch, Junchern Johan unde Junchern Mauricius sinen sonen unde allen den eren ane wedersage unde sunder yenigherleye arghelist, unde dat betughe wy Ylies unde Wymer mit unsen ingheseghelen, unde wy menen kerspellude tho Varle, de nu sint unde na uns komen moghen, [volburdet] al tho male in ere inghesegele, de ghehanghen sint myt ghuden wyllen tho dessen breve. Datum anno 1386 octuagesimo sexto ipso die sancti Viti.
1386 Juni 15 (sexto ipso die sancti Viti)
Druck: OUB 2, Nr. 492 (Regest mit Transkription)
Laufzeit
15.06.1386-15.06.1429
Enthält
2.
Sibet, Häuptling zu Rüstringen und Östringen, überlässt dem Grafen Dietrich von Oldenburg und seiner Gattin Hedwig als Pate ihres Sohnes Moritz alle seine Ansprüche und Gerechtsame in dem Kirchspiel Frijade, seine Güter in den Kirchspielen Varel, Bockhorn, Zetel und Horsten, das Recht, Holz zum Bau ihrer Schlösser zu schlagen, die Jagd und die Mast in der Friesischen Wede und Gericht und Hoheitsrechte von der Jade zu Arngast bis auf das Gödenser Brack.
Ik Sybed to Rustringen unde Östringen hoeptling bekenne openbar in dessen breve vor alles weme, dat ik my vruntliken hebbe vorenet unde vordregen myt den eddelen greve Diderike to Oldenborch, der eddelen hochgebornen vro Heylewige, greve Diderikes husvrouwen, eren sonen unde eren rechten erven in sulker wys, so hir na screven steit, so dat ik en myd volberaden mode unde gansen vulword alle myner rechten erven unde alle derjenen, de van rechte ere vulbord dar to geven scholden, umme sunderlike vruntschap willen, do ik vadder ward to Juncher Mauritiusse, des ergenanten greve Diderikes unde vro Heylewiges sone, hebbe gegeven unde gelaten jegenwerdigen in de were en dessen breve to ener ewigen, steden, vasten gave alle anspracke unde rechtikeit, de ik unde myne erven hadden in deine kerspele to Vrijade unde vort alle rechtikeit, de wy hebben by der zyd by der Jade wente to der Wisch 1). Item ver wente to Varle in dem dorpe de by dat norder side liggen by dem kerkhove unde alle guder, de wy hadden in deme kerspel to Varle; item en verdendel in dem Boten [?] unde vortmer alle gude, de wy hadden in deme kerspele to Bochorne, item ene valkenleggen to Gropehorne, vortmer alle gude de wy hadden in den twen kerspelen to Zetele unde to Horsten. Ock so Scholen unde mögen Greve Diderich vru Heylewich ere sones unde ere erven vorbenant houwen ofte houwen laten uppe deme Wede alle holt, so en dess to eren sloten not unde behueff is; unde mögen dar to yagen laten uppe deme Wede, wan en dess lustet, unde bedriven dat to de mast uppe deme Wede beide osten unde westen, wann dar mast is, to eren willen sunder Unsen ovelen mot, offte yemandes van unser wegen. Vurder so Scholen se hebben gerichte unde herlikeit van der Jade to Arnegast an wente uppe dat bracke to Gudensen. Ock hadde welck Vrese erve uppe deme Wede, dat he na Vreschen rechte bewisen konde, dat schal he deger unde al beholden. Ock so wil ik Sybed erbenant unde schal greve Diterich vor Heylwige eren sones unde eren erven vorbenant alle desse rechtikheit unde herligeit mitt den guden, de dar to benompt zynd, rechte, vaste, vollkommene warschop don, wäre, wanner und wo vakene ik van en dar to geesched worde eder se my offte myne erven vorscreven dar to eschen laten, unde en alle desse vorscreven stucke stede unde vast to holden, sunder argelist love ik Sybed erbenant vor my unde myne erven den eddelen greve Diderich vor Heylwige eren sones unde eren erven vorbenant in guden truwen in dessen breve, unde hebbe dat myd mynen upgerichteten lifliken vingeren stavedes edes to den hiligen gesworen, unde hebbe dess to tuge ik Sibet vorbenant vor my unde myne erven myn ingesegel to ener merer bewisinge witliken gehangen laten to dessen breve, na der bord Christi verteynhundert yar darna in deme achte unde twentigsten yare am hiligen dage unser leven vrouwen Nativitatis Marie.
1428 September 08
Druck: OUB 2, Nr. 710 (Regest mit Transkription)
3.
Häuptling Haye zu Varel schließt einen Schutzvertrag mit Graf Dietrich von Oldenburg
1429 Juni 15
Druck: OUB 2, Nr. 712 (Regest mit Transkription)
Alte Archivsignatur
Best. 120 Landessachen
Ergänzungen
Klassifikation Teil B
1386_06_15
Repräsentationen
| Typ | Bezeichnung | Zugang | Info |
|---|---|---|---|
| Original | Urkunde | 1140 / 1 |
|
Link: https://www.arcinsys.niedersachsen.de/arcinsys/detailAction?detailid=v515203