Beschreibung
Identifikation
Titel
Die Knappen Gerd von Bremen und sein Sohn Herbert treten Graf Christian (dem Jüngeren) von Delmenhorst (deme eddelen heren greven Kerstene van Delmenhorst) als Lösegeld für den von letzterem gefangenen Herbert ihr Gut in Husum (tho den Husen) [im Kirchspiel Bardewisch] nebst der zugehörigen Köterei ab und übernehmen die Wahrschaft.
Wy Gherd van Bremen unde Herbord dessulven Gherdes sone, knapen, bekennet unde betughet openbare in dessen jeghenwardighen breve vor alle den, de ene seeth ofte höret lesen, dat wy mid vulbord unde willen al user rechten erven deme eddelen heren greven Kerstene van Delmenhorst unde sinen rechten erven hebbet ghelaten unde latet unde ghevet in dessen breve al use gud tho den husen, dat nu buwet Hilwerd Rotermunt, unde de koten, de dar to höret, unde de wurde, wor de leghet, mid allen ackere, de ghebuwet is unde anebuwet, mid allen rechte, brucht, mith tynse unde gholde, mid weyde, water, wischen, drift, mid dyken unde sylen unde mid alden, dat dar to hord, also alse wy dat aldus langhe beseten hebbet, eweliken to besittende vor us unde al use erve vor de scattinghe der vengnisse mynes Herbordes, den my desse vorenomde greve Kersten ghevanghen hadde. Vortmer wy Gherd unde Herbord vorenomd unde mid us erhaftighe knapen Everd Kortelanghe, anderes gheheten Ketelrand unde Everd des sulven Everdes sone, Eler Kortelanghe, anderes gheheten Budel, unde Gherd nppe der Wysch hebbet ghelovet unde se mid us unde wy mid en mid samender hand lovet ok entruwen in dessen sulven breve dessen vorescrevene greven Kerstene und sinen rechten erven rechte warschap to donde to dessen gude unde tho alden, dat dar to hord, eweliken, wor unde wanne dat en des nod is unde se dat van us eschet. Wcre ok dat wy ofte use rechten erven dessen vorenomden greven Kerstene ofte sine rechten erven in dessen sulven gude unde aldat dar to hord, ierghene mede beworen, so scole wy unde use medelovere, de hir vorenomed sint, unde willet en datsulve gud unde al dat dar to hord, van aller ansprake los und vry maken unvortoghet, wanne wy van greven Kerstene, de hir vorenomd is, ofte van sinen erven darumme manet werdet. Tho bekanntnisse al desser vorescrevenen stucke, dat wy de unvorbrokene holden willen, hebbe vorescrevenen Gherd unde Herbord use ingheseghele to dessen breve hanghen, unde wy Everd Kortelanghe unde Everd sin sone, Eler Kortelanghe unde Gherd uppe der Wysch bekennet ok in dessen breve, dat wy mid Gherde unde Herborde van Bremen aldes vorenomden stucke lovet hebben unde ok lovet in dessen breve, alse hiir vorescreven is, unde hebben des to bekantnisse use ingeseghele to dessen breve hanghen.
1359 September 23 (Datum anno millesimo trecentesimo quinquagesimo nono in crastino beati Mauricii et sociorum eius)
Laufzeit
23.09.1359
Enthält
Ausfertigung; mnd.; Pergament, 15 x 23 cm; ohne Plica. - Rückvermerke: Rubriken (15. und 17. Jh.), Datumsangaben, Registratursignatur "222". - Siegel: nein (6 Siegel ab, an Pergamentpresseln anhängend). - Beilagen: ja. - Druck: OUB 2, Nr. 412 (Regest mit Transkription). - Abschrift: Slg 80 Best. 296 Nr. 9-1 S. 119-121.
Alte Archivsignatur
Best. 21 Landessachen
Repräsentationen
| Typ | Bezeichnung | Zugang | Info |
|---|---|---|---|
| Original | Urkunde | 1010 / 4 |
|
Link: https://www.arcinsys.niedersachsen.de/arcinsys/detailAction?detailid=v367255