Beschreibung
Identifikation
Titel
Graf Johann I. von Oldenburg und Delmenhorst urkundet mit Zustimmung seiner Söhne Bernhard, Stiftsherr in Hildesheim, Christian [der Jüngere], Johann und Burchard, seines Bruders Christian [des Älteren] und dessen Sohnes Otto III. sowie des Edelherrn Rudolph von Diepholz (Rodolphus nobilis dominus de Depholte) über den von ihm vorgenommenen Verkauf des halben Zehnten zu Habbrügge (Hackbrugge) und Bockhorn (Bockhorne) nebst Zubehör für 140 Bremer Mark an den Bremer Bürger Gerhard von Cöln (Gerhardo dicto de Colne civi Bremensi). Er bestätigt, die Kaufsumme erhalten zu haben, behält sich für die Dauer von 15 Jahren die Wiedereinlösung nach vorangegangener Kündigung vor, übernimmt die Wahrschaft (Gewährleistung) und verpflichtet sich zum eventuellen Einlager in Bremen.
Nos Johannes dei gratia comes in Oldenborch et Delmenhorst recognoscimus et tenore presentium publice protestamur, quod cum libera voluntate et unanimi consensu Bernardi canonici ecclesie Hildensemensis, Cristiani, Johannis et Borchardi filiorum nostrorum ac omnium nostrorum heredum vendidimus vero et iusto venditionis titulo Gerhardo dicto de Colene civi Bremensi et suis heredibus pro centum et quadraginta marcis Bremensis argenti et ponderis nobis integraliter persolutis medietatem maiorum et minorum decimarum ville in Hachbrughe et medietatem minorum ac minorum decimarum ville in Bochorne cum omnibus fructibus, iuribus et pertinentiis earum, prout eas habuimus et possedimus, habendas et perpetue possidendas pacifice et quiete, dimisimusque prefato Gerhardo et suis heredibus et tenore presentium dimittimus dictarum duarum medietatum decimarum cum decimis earum minutis ac omnium iurium et pertinentiarum suarum possessionem, quemadmodum bonorum et prediorum possessio dimitti hactenus et fieri est consueta, debemusque et volumus famulos seu ministros dictorum, Gerhardi et suorum heredum fructus et redditus ac pertinentias dictarum decimarum collecturos seu deducturos una cum ipsis fructibus redditibus et pertinentiis cum equis et curribus et aliis sibi ad hoc necessariis usque ad civitatem Bremensem pre quibuslibet eos infestare volentibus conducere atque firmiter securare. Dicti vero emptores nobis et nostris heredibus predictis hanc gratiam concesserunt, quod dictas decimas cum dictis earum iuribus et pertinentiis infra quindecim annos a data presentium continue computandos Semper in quolibet festo beati Petri ad cathedram reemere poterimus pro dicta pecunie quantitate, dummodo infra duodecim dies Nativitatis Christi idem festum beati Petri, in quo ipsam reemptionem facere decreverimus, precedentes inmediate prefatis Gerhardo et suis heredibus duxerimus intimandum. Elapsis autem quindecim annis predictis si dicte decime cum earum iuribus et pertinentiis per nos reempte non fuerint, no habebimus facultatem aliquam eas de cetero reemendi. Est etiam conditionaliter adiectum, quod si Gerhardus et sui heredes predicti prefatas decimas alii vel aliis infra dictos quindecim annos dimittere, vendere vel obligare decreverint, illi vel illis eandem certificationem ipsis Gerhardo et suis heredibus super dictis decimis per nos, ut predicitur, factam etiam faciemus ipse vel ipsi eo iure et libertate, quibus Gerhardus et sui heredes dictas decimas habent et possident, eas habebunt et etiam possidebunt. Si vero, quod absit, ipse Gerhardus et sui heredes in dictis decimis ac earum iuribus et pertinentiis aliquem defectum, dampnum sive impedimentum habuerint, extunc nos et confideiussores nostri infra scripti infra quindenam proximam a die, quo requisiti fuerimus, continue computandum civitatem Bremensem indilate intrabimus ibidem quoque non exituri manebimus, donec prefatis Gerhardo et suis heredibus de defectu et dampno huiusmodi fuerit satisfactum. Preterea filii nostri predicti Bernardus, Christianus, Johannes et Borchardus et nobilis vir Cristianus comes in Oldenborch et Delmenhorst frater noster, Rodolphus nobilis dominus de Depholt et Otto prefati nostri fratris filius una nobiscum et nos una cum eis insolidum fide data promisimus et in his scriptis promittimus sepedictis Gerhardo et suis heredibus facere et prestare dictarum decimarum ac rurium et pertinentiarum necnon possessionum ipsarum warandiam firmam inviolabilem atque iustam. In quorum omnium testimonium nostrum et confideiussorum nostrorum predictorum sigilla presentibus sunt appensa, et nos Bernardus, Christianus, Johannes et Borchardus filii Johannis comitis antedicti, Cristianus comes predictus ac Rodolphus nobilis de Depholt necnon Otto filius prenominati comitis Cristiani in evidens promissionis per nos, ut predicitur, facte ac omnium premissorum testimonium sigilla nostra etiam duximus presentibus apponenda.
1344 März 28 (Datum anno domini millesimo tricentesimo quadragesimo quarto in dominica Palmarum)
Laufzeit
28.03.1344
Enthält
Abschrift (16. Jh.), lat., Papier, Konvolut, 3 Bll.; beiliegend Brief des Johann Sparenberg an den Drosten Berend von Oer und den Rentmeister Hermann von Langen in Delmenhorst 1530 Januar 31. - Rückvermerk von Sparenbergs Schreiben: Hirinne ist de copie aver den halven tegeden tho Hagbrugge und Boichorne, den Steding helft. - Beilagen: ja. - Druck: OUB 2, Nr. 358 (Regest mit Transkription). - Abschrift: Slg 80 Best. 296 Nr. 9-1 S. 71-75. - Hinweis: Vom päpstlichen Notar Johannes Holste beglaubigte Abschrift. Dabei liegt ein Schreiben von Johann Sparenberg vom 31. Januar 1530 an Drost Bernd van Oer und Rentmeister Hermann von Langen zu Delmenhorst; er hat die in obiger Urkunde genannten Güter seit vielen Jahren im unangefochtenen Besitz gehabt und schickt die Abschrift, „unde will my demnha tho juwer erbaren vorßen, gy werden my hir enbaven an densulfften mynen guderen nicht bosweren, sundern de wo duß lange her unbemoyget gebrucken lathen."
Alte Archivsignatur
Best. 21 Landessachen
Repräsentationen
| Typ | Bezeichnung | Zugang | Info |
|---|---|---|---|
| Original | Urkunde | 1010 / 4 |
|
Link: https://www.arcinsys.niedersachsen.de/arcinsys/detailAction?detailid=v367249