Beschreibung
Identifikation
Titel
Die Brüder Johann und Herbord von Südholte (Zutholte), Drosten zu Vechta, und die Burgmannen und Bürger von Vechta schließen nach schiedsrichterlichen Spruch einen Sühnevertrag mit Graf Otto III. von Delmenhorst, dessen Bruder Christian und deren Vetter Gerd [+ 1368] (den eddelen luden greven Otten, junchern Kerstene broderen unde juncheren Gherde greven to Delmenhorst): Sie verpflichten sich, für die Seele des Junkers Wartislaw (Wertzlaves) in der Kapelle in Endel (Endele) [im Kirchspiel Visbek] ein Altarlehen zu gründen, vom Bischof und Domkapitel von Münster die Verleihung eines ewigen Burglehens für die Grafen von Delmenhorst zu erwirken und der Herrschaft Delmenhorst jederzeit zur Seite zu stehen. Sie wollen von nun an zusammenstehen und alle Streitgälle in kurzer Frist durch ein Schiedgericht in Oldenburg beilegen.
Allen luden, den desse bref gheoghet werd, do wy Johan unde Herbord van Zutholte brodere drosten tor Vechte unde wy menen borchman unde borghere tor Vechte witlyk unde openbare, dat wy uns myd den eddelen luden greven Otten, junchern Kerstene broderen unde juncheren Gherde greven to Delmenhorst unde eren erven, myd erer herschap unde myd al den eren na vrende rade hern Otten van Lyne, hern Vrederikes van Schaghen, riddere Meynardes van Oldenesche des elderen unde Gherfrides van Gropelinghe, de ere deghedinghes lüde weren, Dethardes van Lutten, Raboden van Penethe, Hermannes des Cruderes [= Gewürzhändler, Apotheker] unde junghen Meynardes van Oldenesche, de uze deghedinghes lüde weren, vorenet unde vorzoenet hebben umme alle den schele, twyracht unde veyde, de twyschen en unde uns ghewesen heft, myd ener ewyghen unde vasten moedzoene in desser wyse, dat wy unvortoghedes scolet unde willet en ewich stede leen maken unde stedeghen laten yn de kerken to Endele, dat teyn Osembrughesche mark geldes rechter gulde hebbe vor junchere Werzlaves sele, unde dat sulve leen scolen desse vorenomden greve Otte unde junchere Kersten unde ere erven van en gheboren, ofte de eldeste greve to Delmenhorst, ofte en God nyne kinder ne gheve, to allen tyden vorlenen, beyde nu to den ersten unde wan it los is, darto scole wy unde willet dat vorwerven [= verschaffen] unde vortbrynghen, dat unze here van Monster unde zin capittel scolen beghaven unde belenen greven Otte, juncheren Kerstene unde juncheren Gherde greven to Delmenhorst unde ere erven myd enen ewighen borchlene an den slote tor Vechte unde myd ener stede dar zulves, dar ze zulven ofte welk guth man van erer unde erer erven weghene uppe wezen unde wonen moghen, wanner en des nud ofte nod is, unde ere unrecht afweren unde wedderstan moghen, alze unzer borchmane recht is, dar wy unde we des stichtes ammechtman is, erer to rechte mechtich wezen moghen, unde dat scal unze vorebenomde here unde zin capittel van Monster en unde eren erven myd eren groten zeghelen bezeghelen unde ze dar wol an vorwaren. Ok scole wy unde willet desser greven van Delmenhorst unde erer herscap helpen myd gantzen truwen unde myd gantzer macht to allen tyden, wor on des nod is, dar wy erer to rechte mechtich wezen moghen unde se eres rechtes by uns blyven willen, unde wy ne scolet noch ne willet ere unde erer herscap vyande nummer werden, dewyle wy leven. Ok ne scole wy noch ne willet nynen vorbund doen myd iemande unde by[namen] myd den stichte van Bremen, wy ne spreken io alle weghe de greven van Delmenhorst unde ere herscap by namen uth, alzo dat wy en io hulpelik wezen willet, alze hir vore is ghescreven, unde welke tyd de vorbunde uthgad, de wy al rede gehdan hebbet, so ne schole wy noch ne willet dezulven vorbunde nicht lenghen, noch nye anzetten, wy ne willen se unde ere herscap uthspreken unde en behulpelik blyven Ok ne wille wy ere unde erer herscap argheste nicht doen umme ienyches vobundes willen, den wy daen hebbet. Were, dat God afkere, dat ienich twydracht ofte schele twyschen en unde uns unde de eren unde de uzen worde, so scolen ere schedeslude twe her Frederik van Schagen unde junghe Meynard van Oldenesche, de se darto koren hebbet, unde uze schedeslude twe Dethard van Lutten unde Herman de Crudere, de wy koren hebbet, unde uze overman her Otte van Lyne, den wy to beyden ziden ghekoret hebbet, bynnen den neghesten verteyn nachten, wanner se dar to eschet werdet ynriden to Oldenborch unde scole dat bynnen veerteyn nachten scheden yn mynnen ofte yn rechte. Ne kunnen zik de vere nicht vordreghen, wat de overman dar umme secht, dat scal malk den anderen doen unde ok van eme nemen, unde dar ne scal de soene nicht mede vorkrenghet ofte vorbroken wezen. Ne kunde ok unzer welk syner schedeslude nicht hebben, de mach to der tyd enen anderen guden man yn de stede kezen unde dar ne scal de erste nicht mede entzeth wezen. Storve ok desser schedeslude welk, we den zynen vorloren heft, de scal io bynnen den ersten verteynnachten andere wedder kezen, unde de vere scolen by eren eden bynnen verteynnachten enen overman wedder kezen, ofte her Otte van Lyne storve. AI desse stucke scole wy unde willet vullenthen unde vullenbrynghen twyschen desser tyd unde der hochtyd to Twelften, de nu neghen to kumd. Desse soene unde al desse vorescrevenen stucke love wy vorenomden Johan unde Herbord drosten unde wy menen borchman unde borghere tor Vechte yn desse breve vastelyken entruwen dessen vorenomden greven Otten, jurcheren Kersten, juncheren Gherde greven to Delmenhorst unde eren erven stede unde vaste to holdene sunder arghelist unvorbroken, unde hebben des tor bekantnisse unze inghezeghele to dessen breve hanghen.
1369 September 20 (Datum anno domini millesimo trecentesimo sexagesimo nono in vigilia beati Mathei apostoli et ewangeliste)
Laufzeit
20.09.1369
Enthält
Ausfertigung; mnd., Pergament, 21 x 32 cm; Plica: 1 cm; an vielen Stellen ist das Pergament durchstochen, weil es als Rückenbekleidung eines Rentregisters verwendet wurde; an den Seiten ausgerissen. - Siegel: nein (4 ab, Einschnitte der Siegelpresseln). - Beilagen: ja. - Druck: OUB 2, Nr. 433 (Regest mit Transkription). - Abschrift: Slg 80 Best. 296 Nr. 9-1 S. 145-151.
Alte Archivsignatur
Best. 21 Landessachen
Repräsentationen
| Typ | Bezeichnung | Zugang | Info |
|---|---|---|---|
| Original | Urkunde | 1010 / 4 |
|
Link: https://www.arcinsys.niedersachsen.de/arcinsys/detailAction?detailid=v367217