Beschreibung
Identifikation
Titel
Richter und Belehnte des Landes Würden sprechen wegen versäumter Deichpflicht eines Kapellenlehns Kruse tom Buttel sein eigenes Land ab und Graf Anton I. von Oldenburg zu.
Wy Johan Sthuven, Heike Bardewyck, Eylerdt Sthur, Johann de Rhese, Clawes Keller und Mauritius Ippingk van wegen des edlen und wolgebornen hern hern Anthoni graven tho Oldenborg und Delmenhorst unsers gnedigen hern vorordente richtere und beiende lüde im Landt tho Wurden bekennen hyrmit apenlich. Nachdem Kruse thom Buttel etlich landt in syner hebbender wher gehadt, der Capellen edder prester darsulvest thobehorich, und dat sulve landt dyckbrokich gewurden und in solche gefhar gekomen, dat dar dorch dat gantze Landt tho Wurden in ewich vorderff mochte gedegen syn, und wy aver in stadt wolgedachts unses gnedigen hern itzgemelten Krusen by volusz, nicht gerurter Capellen, sunder synes eigen landes im Landt tho Wurden gelegen geboden, solche dyke (so he ock na unsem landtrechte schuldich) tho maken, also dat wyder ghen schade dar van errysen konde, und he de Kruse aver solch gebodt vorachtet und de sake darhen gedegen, dat se tho verhoir wolgemelts unses gnedigen hern gekomen und dar up einer genompt Dirick Witting vhor synen gnaden in bywesendt unser aller als fulmechtige erberurts Krusen (wo he ock derhalven syne vulmacht wysede) yrschenen und tho rechte angenhomen, dat he tho behoff des Krusen etliche tuge wüste thofhorende, also dat he solche dyke, wo vorberurt, tho maken nicht schuldich. Darup uth bevele wolgedachts unses gnedigen hern eme dem Wittinge einen dag bestemmet, solche tuge, als sick tho rechte gebordt, vhorthobringen. Und alsz wy den ernenten dag betagen und bewardt, in meinung, sodane tuge tho vorhoren, hefft gemelte Kruse, noch gedachte Dirick Witting syn fulmechtige ghene tuchnusz edder kundtscup vhorgebracht, de em
Laufzeit
17.01.1555
Enthält
den Krusen in syner saken jenigergstaldt releveren edder behulplich syn mochte, und wy dannoch als richter und belende lüde im Landt tho Wurden dorch wolgedachts unses gnedigen hern vaget Herman van Deypholt by unsen eide in der sake recht tho yrkennen vormant, so hebben wy solchs nicht geweten tho vorweigern, dan nha des Landes tho Wurden boke und rechte vilgemelte Kruse umb vorachtung des gesehenen gebodes, syn landt, who he beszher vhor eigen geholden, schal vorlustich syn und sodane landt in wolberurts unses gnedigen hern handt und macht vorfallen syn. Dat wy also by unsen ehren und eyden bekennen, und wile unser jeder ghenes segels gebruken, so hebben unser dre alsz Johann Stuven, Hellike Bardewyck und Eilerdt Sthur unse rechte ingesegele vhor uns und unse medehulpere tho dussem breve witlichen gehangen, und tho mherer bevestung gebeden dat gantze Landt tho Wurden des landes ingesegel, und ock den ernvhesten und erbarn Johan Wresteden unsen gunstigen junchern und guden frundt syn angeborne ingesegel hyr mede vhor tho hangen, und wy de kerck und dycksworn und gantze gemene Landt tho Wurden und ick Johan Wrestede myn gewontliche ingesegel beneffen der beienden segle an dussen breff ock witlich don hanghen. Gegheven nha Christi unses hern gebordt am viffteinhundersten und vyff und vifftigsten jare den 17. Januarii.
Datierung: 1555 Januar 17
Ausfertigung; mnd.; Pergament, 20 x 35 cm; Plica: 3 cm
Siegel: ja; Anzahl 4 (von 5; 1 das Landessiegel mit dem heiligen Laurentius rund in braunem Wachs, Siegel 2, 3, 4 an, 5 (Eilert Stuhr) ab, alles außer 1 runde Wappensiegel in braunem Wachs; an Pergamentpresseln (Makulatur) anhängend); 7 cm, 4,5 cm, 4,5 cm und 4,5 cm
Beilagen: ja
Druck: OUB 3, Nr. 820 (Regest mit Transkription); G. Sello, Beiträge zur Geschichte des Landes Würden, S. 56.
Alte Archivsignatur
Best. 24-5 Landessachen
Ergänzungen
Klassifikation Teil B
1555_01_17
Repräsentationen
| Typ | Bezeichnung | Zugang | Info |
|---|---|---|---|
| Original | Urkunde | 1010 / 16 |
|
Link: https://www.arcinsys.niedersachsen.de/arcinsys/detailAction?detailid=v3497016