Beschreibung
Identifikation
Titel
Die Belehnten von Landwürden schreiben an den oldenburgischen Kanzler Mag. Nikolaus Vaget über die von ihnen von Graf Anton I. von Oldenburg geforderte Deichpflicht.
Unsen gansz frunthwilligen densth und wath wy susth mer leves und gudtz tho don vormogen. Werdiger und wolgelerter grotgunstiger her cantzeler, wy mögen Juwe dinstlicher meynige nicht bargen dat affschedt, so Juwe werde Heiken Bardewicke hadde gegeven, szo dat wy samptliche beienden lüde scholden by unser olden hergebrachter frigeheit und rechticheit, ezo wy van Unsen gnedigen hern mede begnadet szyn, blyven schollen, szo begifft idt sick, dat de amesanten, szo by J. w, to Oldenborg hebben geweszen, hebben dem lanthvolck alszo eyn both gebracht, dat wy samptlick de dike glick ehme mede diken scholden. Dewile wy dan gern by unser olden frigeheit, dor wy mede begnadet, blyven wolden, hebben wy darto der behoff Eier Edeken an unsen g. H. und an Jw gefardiget, darum na Oldenborg to tehen. So hefft idt szick begeven, alsze gemelte Eier darum na Oldenborg ryden wolde, ist unser gnediger her tor Ovelgunen gewesth. Do ohre gnade szyner ist wisze worden, hefft ohre g. ohn gefragt, wor he hen wolde, darup hadde he gesecht: „Gnediger her, ick wolde J. G. gern underdenigen spreken." Dewile ohre gnade vell to donde, hadde sze Gerardus den schriver to Eier geschickt und ohn fragen laten, wesz he ohren gnaden antodragen hadde. Darup hadde Eier Gerardus gesecht, he wolde unsen g, H. underdanich besoken, ohre gnade sze by der olden frigeheit wolde laten blyven, myt wyderen etc. Darup hadde ehme Gerardus vor eyn affschedt van ohrer gnade wedderum gebracht, wy blenden schollen des hoffdinstes frige szyn, averst de dike mosten wy mede dyken, etc. Dewile J. w. Heiken Bardewick hefft eyn affschedt gegeven, na den tyden wy schollen des dykens blyven frige, wo vorhen, weten wy nicht woll, wor na wy unsz schullen richten. Und isth demna to Jwer werde unsze gansz dinstlich bede, szo Jwe Heike Bardewick ock rede underrichtet unde gebeden, wy by dem affschede, so J. w. Heiken Bardewick gegeven, blyven mögen, gy unsz myt dem besten ock dar by to blyven vorbydden unde hanthaven willen by Unsen g. H. Allenth wesz Jwer werde Heike hefft gelaveth, schall myt groter dancksegginge woll entrichtet werden, und willent unses hogesten vormogens umme Jwe werde stedtz willigen gern vordenen, und begerens Jwer werde gunstige tovorlatige schrifftlick antworth bym jegenwardigen, darna wy unsz mögen weten to richten. Datum illich under unses eynen pitzer, den 4. dach des mandes November anno etc. im XLVII ten. J. w. willigen Sampt Beienden lüde des landes to Wurden.
Anschrift:
Dem werdigen und wolgelerten M. Niclaus Vaget, Oldenburgischen Cantzeler, Unsen gunstigen hern und thovorsichtigen gunstigen frunde.
Datierung: 1547 November 4 (den 4. dach des mandes November)
Laufzeit
04.11.1547
Enthält
Ausfertigung; mnd.; Papier, 39 x 20 cm; Doppelblatt
Siegel: ja; Anzahl 1 (aufgedrücktes Verschlusssiegel weitgehend ab)
Beilagen: ja
Druck: OUB 7, Nr. 791 (Regest mit Transkription)
Alte Archivsignatur
Best. 24-5 Landessachen
Ergänzungen
Klassifikation Teil B
1547_11_04
Repräsentationen
| Typ | Bezeichnung | Zugang | Info |
|---|---|---|---|
| Original | Urkunde | 1010 / 16 |
|
Link: https://www.arcinsys.niedersachsen.de/arcinsys/detailAction?detailid=v3497010