Beschreibung
Identifikation
Titel
Johann Sirik, Kersten Sohn, verpfändet an Otto Sirik, Relevessen Sohn, Grundstücke im Wiemsdorfer Feld, in Wiemsdorf und im Ossetinger Feld. Jakob Stur ist Vogt von Land Würden, Otto Sirk Becking in Eidewarden, Otto Sirk in Üterlande, Sierk Hanneken in Wiemsdorf, Carsten Sierks in Oldendorf.
Ick Johan Sirik, Kersten sone, bekenne unde bethughe apenbar in dussem mynen apenen bosegelden breve vor al den gennen, den he werth entoget, dat ick myt wolberaden mode hebbe vorsettet unde vorpandet, noch jegenwerdich vorsette unde vorpande in crafft unde macht dusses breves dem boschedenen manne Otto Sirick, Relevessen soene, 3 verndel landes bolegen upt Wymestorper velt unde 3 verndels werve bynnen Wymestorpe belegen, noch eyn halven verndel landes upt Ossetinger velt myt dyke, tynse unde aller thobehoringe thein jaer lanck jarschaer vor 6 Bremer marck unde veer styge, de ick Johan vorgenompt deger unde al (in guder payemente, so tho Bremen upt der Wessel ganckbar undt geve ys) hebbe entfangen, so schal Otto unde mach dat vorgenante lanth vlocken, vlusen unde gebruken nha synes egen wyllen de tein jair nha datum dusses brevis, dat ick Johan ergedacht ehm nycht in den tein jaren uth den handen wyl vorsetten, vorpanden offte vorkopen. Wen averst de 10 jar synt umme gekamen, so mach ick Johan velgenompt offte myne rechten erven alsodannen lanth, so baven gescreven, wedder losen vor sodanen ergenompten summen geldes, in dem ick Johan offte myne rechten erven ehm de losinge kundigen in den 4 hilgen dagen tho Wynachten unde up den nogest volgende dach Petri ad catedram also danen gerorden gelt samptlyken in eyne summen wedder uth geven. AI dusse artikel unde puncte, so baven gemelt, lave ick Johan velgenompt dem ergedachten Otto stedes vast unde unvorbraken tho holdende by mynen eren unde truwen, so vaken Otto dat van my eschet offte eschen leth. Des tho thuge unde merer bowysz der warheit unde umme der twyer parte bede wyllen hebbe ick Jacob Stur vaget des landes tho Wurden myn rechte ingesegel wytliken hefft by tho gehangen an dussen sulven breff. Gegeven unde gescreven nha der geborth Christi unses heren voffteinhundert dar nha am XXVIII. jare sandages vor Petri ad cathedram.
1528 Februar 16 (sandages vor Petri ad cathedram)
Laufzeit
16.02.1528
Enthält
Ausfertigung; mnd.; Pergament, 14 x 26 cm; Plica: 2 cm. - Siegel: ja; Anzahl 2 (runde Wappensiegel in braunem Wachs, an Pergamentpresseln anhängend); je 4 cm. - Beilagen: ja. - Druck: OUB 3, Nr. 421 (Regest mit Transkription).
Hinweise: 1. Vgl. Ramsauer, Chronik von Landwührden, 17-18;
2. Vier Stiege = 86 Bremer Mark
Alte Archivsignatur
Best. 24-5 Landessachen
Ergänzungen
Klassifikation Teil B
1528_02_16
Repräsentationen
| Typ | Bezeichnung | Zugang | Info |
|---|---|---|---|
| Original | Urkunde | 1010 / 16 |
|
Link: https://www.arcinsys.niedersachsen.de/arcinsys/detailAction?detailid=v3497008