Beschreibung
Identifikation
Titel
Herzog Heinrich der Jüngere von Braunschweig-Lüneburg (Wolfenbüttel) hat von Graf Johann V. von Oldenburg zu dem Darlehen auf seinen Anteil an Butjadingerland noch eine Nachzahlung von 102 rheinischen Gulden erhalten.
Von Gots gnaden wir Hinrich der Junger hertzoge zu Brunswig unde Luneborg bekennen vor uns, auch von wegen des hochgepornen fursten hern Wilhelms unsers lieben broders unde unser aller erben, erbnemen unde alsweme in diessem offin brieffe: So als wir dem wolgepornen unserm lieben ohemen unde getruwen hern Johanne graffen zu Oldenburg unde Delmenhorst unde seinen erben an unserm teile des landes Butjadingerlants brieffen unde segelen darüber besagende eine summen geldes wedderkouffes wise vorschreben, das wir nach über dieselbtigen summen von gedachtin unserm lieben ohemen graffen Johanne von Oldenburg hundert unde zcwene gute geneme volwerige reinsche gülden entfangen, die wir in unser unde unsers furstenthumbs nutz unde beste gewant haben, unde ime die als vor eine rechte wissentliche schult unde seinen erbin ader innehebern des brieffes mit irem wissen unde willen schultig sein, gereden unde gelobn wir obgnanter furste vor uns unde unsere mitbeschrebin in guten waren truwen mit macht diesses brieffes, das wir gedachten graffen seinen erben ader mitbenanten solliche hundert unde zcwene gülden auff zceit unde Steden inhalts der vorigen unserer vorschribunge sampt der andern summen, als wir ime, wie angetzeigt, auff unsern teil Butjadingerlant vorschreben, ane allen vertzog, hinder ader schaden weddergebin unde mede betzalen wollin, sunder allen behelf, argelist ader geferde. Unde haben des zu warer orkunde unde bekentnisse unser ingesegil auffs spacium diesses brieffes wissentlichen drucken lassen, unde gegeben na der gebort Cristi unsers herrn thausent fünffhundert unde achtzehen jar am donnerstage na Mauricii.
Datierung: 1518 September 23 (thausent fünffhundert unde achtzehen jar am donnerstage na Mauricii)
Laufzeit
23.09.1518
Enthält
Abschrift (16. Jh.); dt.; Papier, Doppelblatt
Beilagen: ja
Druck: OUB 3 Nr. 300 (Regest mit Abschrift)
Vgl. das Original unter Best. 20 Urk Nr. 240.
Alte Archivsignatur
Best. 24-1 Landessachen
Repräsentationen
| Typ | Bezeichnung | Zugang | Info |
|---|---|---|---|
| Original | Urkunde | 1010 / 15 |
|
Link: https://www.arcinsys.niedersachsen.de/arcinsys/detailAction?detailid=v3496832