Beschreibung
Identifikation
Titel
Die Witwe Aleke Doven und ihre Tochter Aleke verkaufen mit Zustimmung ihrer Vormünder Hermen Bramell und Ladewich van der Heyde dem Bremer Bürger Curd Stenowen für einhundertfünfzig Mark ihre drei Stücke Landes in der Vahr ohne den Zehnten und zwölf Grote Vogtschatz sowie einen Baumgarten.
Ausfertigung Pergament, 38,5 x 19 cm. - Rep. 3 Lilienthal, Nr. 572. - 4 Siegel angehängt, 3. fehlt: 1. Hermen Bramell, Bruchstück, 2. Ladewich von der Heyde, 4. Curd Stenowen, alle Siegel von grünem Wachs in gelber Schüssel. - Rückvermerk: To Fare erve gud (16. Jh.). - Regest: StA Stade, Dep. 10, Fa- 3, Nr. 1 (Hodenberg, UB Lilienthal; 19. Jh.), Nr. 364 nach +Kopiar Lil. II, 149, Nr. 91.
Ick Aleke Deoven, seligenn Hinrick Deoven nalatenne wedewe, unnde Aleke, myn dochtere, mit unssen beyden veormounderen alse Hermen Breamell/ unnde Ladewich van der Heyde, borgere to Bremen, de wy to Vormundes rechte hirto nemen unde kesen, wy mit on unde se myt uns,/ bekennen unde betugen apenbare in dessem breve vor uns unde unsse erven, dat wy hebben vorkofft unde vorkopen tho eynem steden/ rechten vasten ewigen ervekope unde laten vorth in de besittinge, egendom unde were in crafft desses breves dem erafftigen Corde/ Stennouw, ock to Bremen borger, unde sinen erven offte deme holder desses breves vor anderhalff hundert Bremer marck, de uns an/ eyner soummen mit redem gelde to wyllen vornoget unde woll betalet sinth, unsse dree stucke landes gelegen in der Vaer by dem Heorne,/ by eyner stripen landes dem closter tom Lylyendale behorich in dat suden, vrig unde qwith, utesprokenne twolff grote vagetschattes/ unde den tegeden. Eyn yewelick stucke vor sick dar aff schuldich is to ghevenn. Dar to eynen bomgharden tiegen den dren stucke landes/ dar sulves belegen vrig, qwith unde unvorpendet mit alleme rechte, slachtenuth unde tobehore to ewigen tiiden sunder gnade des wedderkopes/ vor ere egenne
Laufzeit
06.05.1497
Enthält
to hebben unde to beholdenne sunder yemmandes besperinge. Unde ick AJeke Doven unde Aleke, myn dochter, ock/ unsse beyden vormundere Hermen unde Ladewich, wy mit on unde se mit uns, scholen unde willen deme ergenanten Cordt Stennouw unde/ sinen erven offte deme holder desses breves der vorgerorden dree stucke landes myt dem bomgaerden vrig, qwith unde unvorpendet mit/ alleme rechte unde tobehore in maten vorscrevenn warende wesen unde gude rechte warschup doen vor alszweme, wanne, wor unnde wo/ vakenne one des noedt unde behoeff is unnde se dat van uns esschet edder esschen latet sunder unsse weddersprake./ Alle articule sampt unnde eyn yewelick bisunderen lave ick Aleke Doven unde Aleke, myn dochter, ock unssze vormoundere Hermen unde Ladewich vorben(ant),/ wy mit on unde se myt uns, sampt vor uns unde unsse erven deme obgenanten Cordt Stennouw unde sinen erven offte deme holdere/ desses breves in guden truwen stede vast unnde unvorbroken to ewigen tiden sunder gnade des wedderkopes ane alle behelp, nygefunde/ unde sunder alle argelist woll to holdenne mit crafft dusses breves, den wy beyden Hermen Bramell unde Ladewich van der Heyde alse/ vormoundere vor uns ock van wegenn der genanten Aleken Doven unde Aleken, erer dochter, erenthalven vor se unde vor unsse erven/ tor orkunde der warheit mit unssen anhangenden ingesegelen, se mede nou uppe dusse tydt hir to gebruken, thovoren witliken vor/segelt unde bevesteth hebben. Unnde went wy Borcherdt Vagedt unnde Hinrick Stennouw, borgermestere to Bremen, hir mede/ an unde over gewest hebben, dat alduszdane ewige ervekoep sunder gnade des wedderkopes in maten vorgerordt vor uns bekandt,/ verhandelt, vullentogen unde gesehen is, so hebben wy des to merer witlicheit unde in tuchenisse der warheit umme der ergenanten/ Aleken Doven unde Aleken, erer dochter, ock erer beyder vormundere alse Hermen Bramell unde Ladewiges van der
Heide samentliker/ bede willen unsse ingesegelle ock mede to dessem breve gehangen. Gheven na godes bordt vertein hundert yaer dar na in deme/ seven unde negentigesten yare, des sonnavendes vor der dominiken Exaudi.
Index-Gruppe
GEOB
Bramell, Hermen, Bg in Bremen (1497)
PERS
Douven (Doven, Duffe), Aleke, Fr d. Hinrich (1497)
SACH
Bramell, Hermen
Repräsentationen
| Typ | Bezeichnung | Zugang | Info |
|---|---|---|---|
| Micro-/Macrofiche | U |
|
|
| Original | Urkunden | 0068 / 0 |
|
Link: https://www.arcinsys.niedersachsen.de/arcinsys/detailAction?detailid=v1190426