Beschreibung
Identifikation
Titel
Die Brüder Hinrich und Johann von Schönebeck, Knappen, verkaufen dem Kloster Lilienthal für insgesamt zweihundert und sechs Rheinische Gulden ihren Hof genannt der Hardeschen hoff mit sechs Stücken in Lesumbrok
Ausfertigung Pergament, 29 x 18,5 cm. - Rep. 3 Lilienthal, Nr. 569. - 2 Siegel angehüngt, fehlen. - Auf besonderem Papier, 10 x 5 cm, das mit Hanfschnur an das zweite Presset geknüpft ist, befindet sich ein der Schrift nach wohl zeitgleicher oder zeitlich naher Zusatz: Item dit gudt hebbe wy ervelick ghekofft van den Schonebekeren, unde dat buwet Luder Hoffstede, belegen in der Lesmerbroke. - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 363 nach +Kopiar Lil. II, 149, Nr. 150.
Wy Hinrick unde Johan van Schonebeke, brodere unde knapen, bekennen unde betughen openbare an desseme breve vor alszweme, dat/ wy myt willen unde vulborde al unsser erven hebben vorkofft unde vorkopen to enem steden vasten ewighen ervekope unde laten vorth an/ besittinge, eghendeom unde were in crafft desses breves der gheistliken werdighen vrouwen Gherdrudt Gogreven, ebbediissen, unde Almet,/ priornen, unde den ghantzen convente unde eren nakomelingen des closters tome Liliendale, an deme stichte van Bremen beleghen, unde deme holdere/ dusses breves myt eren willen vor ses Rinsche gulden unde hundert, so to Bremen vor der wessle ghinge unde gheve is, de uns degher unde al to/ willen wol betalet synt, unssen hoff an deme Lesmerbroke, nomptliken der Hardeschen hoff, myt ses stucken geleghen twisschen Wemeken/ Swartinges unde Clawes rode Dirikes gude myt weyde, water, wische, myt aller tobehoringe, rechticheidt unde myt slachtenutte, nicht uth/ gespraken. Unde wy hebben tovoren up den sulfften hoff entfangen van den ergenanten ebbedisse unde convente hundert Rinsche gulden, dat/ nu de summe des kopes is ses güldene unde twehundert. Unde wy Hinrick
Laufzeit
02.09.1495
Enthält
unde Johan ergenannt unde unsse erven unde alle de genne, de/ dar to behoren, laten vrig unde qwid der ergenanten ebbedissen unde priornen unde deme ghantzen convente unde eren nakomelingen unde deme holdere/ dusses breves den vorscrevenen hoff myt aller rechticheyt unde tobehoringe in ere eghentlike hebbende besittende unde brukelike were/ to ewigen tiden, so men vrige ervegude van rechte to latende plecht. Unde wii scholen unde willen ene des vorscreven vrig ervegudes recht/ warende wesen in weyde, in water, in wische, buwet unde ungebuwet, myt der were unde aller tobehorynge vor allerleyge ansprake, geistlik/ unde wartlick, vor boren unde ungeboren, wanne, wor unde wo dicke oene des not unde behoff is unde se dat van uns esschet eddere eschen latet./ Were ock an desseme breve jenich stucke edder artikel vorsumet, dat der erbenoempten ebbedissen, priornen unde convente unde eren nakome/ lingen unde holder desses breves to hulpe unde to bäte kamen mochte, dat se dat moghen unde scholen to bate nemen recht offt idt mede an/ dussen breff geschreven sy ane unse insaghe unde alle unsser erven, gheistlick unde wartlick, geboren unde ungeboren. Alle dusse vorscrevenen/ stucke unde articule samptliken unde der en itlick bysunderen lave wii Hinrick unde Johan van Schonebeke, brodere erbenoempt, vor/ uns unde unse erven der ergenanten ebbedissen unde priornen unde convente unde eren nakomelingen unde deme holder dusses breves/ myt eren willen an guden truwen by unser ere an edes stades stede vast unde ungebraken sunder alle hulperede, nygefunde/ unde arghelist wol to holdene. Des to tughe hebbe wii Hinrick unde Johan van Schonebeke, brodere ergenannt, vor uns unde unsse erven,/ boren unde ungeboren, unsse rechten ingesegele myt guden willen tovome to desseme breve gehangen unde bekennen, dat desse vorgescrevene/ ewige ervekop sunder alle weddersprake gesehen is myt unsen
guden willen unde vulborde. Gescreven na godes bort dusent ver/ hundert dar na in den viff unde neghentigesten jare, des mydwekens na Egidii abbatis.
Index-Gruppe
GEOB
Hardesche hoff, FN in Lesumbrok
PERS
Almet, Priorin Kloster Lil. (1484-1495)
SACH
buwen (bebauen, bewirtschaften)
Repräsentationen
| Typ | Bezeichnung | Zugang | Info |
|---|---|---|---|
| Micro-/Macrofiche | U |
|
|
| Original | Urkunden | 0068 / 0 |
|
Link: https://www.arcinsys.niedersachsen.de/arcinsys/detailAction?detailid=v1190421