Beschreibung
Identifikation
Titel
Johann von Gröpelingen, Domherr zu Hildesheim, verkauft mit einem inserierten Vertrag der Küsterin des Klosters Lilienthal für sechzig Mark seine drei Viertel Land mit einer Wurd zu Grambke mit Ausnahme des Zehnten und einer jährlichen Rente von fünfzehn Groschen, die dem Dekan und Kapitel von St. Stephani zustehen.
Ausfertigung Pergament, 47 x 17 cm. - Rep. 3 Lilienthal, Nr. 498. - 2 Siegel angehängt: 1. Johann von Gröpelingen, 2. Luder von Gröpelingen, beide Siegel von schwarzgrünem Wachs auf gelber Schüssel. - Rückvermerk: Dit is van vrigen gude to Grammeke (15./ 16. Jh.). - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 332 nach +Kopiar Lil. II, 149, Nr. 147.
Ick Johannes van Gropelinge, domhere to Hildensen in deme dome, bekenne unde betughe openbare in dessem breve vor my unde myne erven, dat ick hebbe vorkoft unde vorkope to enem steden vasten/ ewighen ervekope in craft desses breves der kosterschen des closters to deme Liliendale unde eren nakomelingen vor sestich Bremer marck, de my tor noghe unde to willen wol betalet synd, myne dree/ verdendel landes, gheleghen to Grambeke twisschen des closters gude to Osterholte unde Claweses Groninges, myt ener wurd dar sulves gheleghen myt aller rechticheyt unde tobehoringhe vryg van vogedie/ unde allen tynse, utghesproken den tegheden unde vofteyn grote, de de deken unde dat capittel to sunte Stephan bynnen Bremen yarliker renthe dar ynne hebbet. Unde ick unde myne erven scholet unde willet der/ vorbenanten kosterschen unde eren nakomelingen sunder weddersprake des vorscrevenen gudes rechte warende wesen, wanne, wor unde wo vakene des nod unde behoff is unde so dat van uns esschet edder esschen/ latet. Unde ick Johannes van Gropelinge vorbenant late unde hebbe en ghelaten de vorgescrevenen dre verdendel landes myt der wurd in ere hebbende besittende machlike echlike brucklike
Laufzeit
26.01.1453
Enthält
unde upborende were in/ al der mate, so men eghendum, besittinghe unde were vrier ervegude van rechte to latende plecht. Unde de erbenante kostersche unde ere nakomelinge scholen unde moghen der vorbenanten dre verdendel landes myt der/ wurd entfangen vor er eghen to truwer hand der ghemenen iuncvrouwen des closters to deme Liliendale vorgescreven unde dar alzo by varen na lude enes hovetbreves, de van worden to worden ludet aldus:/
Wy Clawes van Gropelinge unde Luder Vryge, borgher to Bremen, bekennen unde betughen openbare in dessem breve, so alzo wii uns hebben vorredet, dat wii en gud to der Vore, dat Hinrich Passchedach/ nu ieghenwardich buwet, scholet keren u[nde] gheven an de ere godes vor selighen Hinrikes des Vrygen unde Heyleken, syner husvrouwen, erer kindere unde vrunde sele unde alle Cristene sele. An deme sulven/ vorgescrevenen gude hefft Hinrick de Vryge, des ergenanten selighen Hinrikes sone, sine liftucht; alze wii vorgescreven sind borgher to Bremen, so en moghe wii nene gude Bremen beleghen up ene mile weghes na van/ bode des rades unde vordraghe der gansen menheyd, welk vorbenante vorbot unde vordrach ghevestent is myt eden, dat wy mede ghevestent hebben. Hyr umme so hebbe wii uns betrachtet, unse vorgescreven vor/ redinghe by macht to beholden in deme, dar yd uns nicht to na en sy. So hebbe wii dit vorbenante gud ghewerdighet uppe sestich Bremer marck, alzo verplichtighe wy uns under anderen vor uns unde/ unse erven, dat wii ofte unse erven scholen unde willen beieggen sestich Bremer marck na dode des ergenanten Hinrikes des Vrygen an guder ofte an renthe der sulven guder ofte renthe schal bruken vor/ Alheyt Vrygen, klostervrouwe to deme Liliendale, de wile se levet. Wan over se van dodes weghene vorschenen is, so schole desse vorgescrevenen guder ofte renthe bruken Hille van Gropelinge, bagine an/ deme vorgescrevenen closter, unde en persone,
den Luder Vryge edder syne erven vorbenant der ghunnende is unde se namhaftich makende werden. Unde desse vorghescrevene Hille unde persone scholen desser vorgescrevenen guder ofte renthe beyde/ bruken, de wyle se ofte erer en levet. Wanner se aver beyde van dodes weghene vorschenen synd, so scholen desse sestich Bremer marck ofte wes dar mede koft is an guden ofte an renthe komen to den beghe/ nenen godevruchtighen juncvrouwen unde convente to deme Liliendale vorgescreven. Unde vor desset ergenante ghelt, guder ofte renthe scholet de vorbenanten juncvrouwen in deme ergenanten clostere alle jar began uppe den dach/ sunte Johanses Decollationis selighen Hinrike Vrygen, Heyleken, syner husvrouwen, erer kindere unde erer vrunde unde alle Cristenen seien myt vigilien unde selemissen to ewighen tiden, so alzo se ere memorien pleghen/ to holdende unde to begande. Unde denne schal de kostersche dat gud des vorgescrevenen closters boren unde gheven to der sulven beghencknisse delen unde gheven de upkomen renthe, de van den vorscrevenen guden ofte renthen/ van den erbenanten sestich Bremer marken kamende wert. Unde dat vorgescrevene gud schal io by den erven blyven. Des to tughe der warheyd so hebbe ick Johannes vorbenant vor my unde myne erven myn rechte ingesegele to/ voren to dessem breve ghehanghen. Unde went desse vorgescrevene ewighe ervekop myt mynen guden willen unde gantser vulbord gheschen is unde na lude des vorgescrevenen hovetbreves dar over vorseghelt unde weert/ sake, dat des to donde worde, schal unde wii ick Luder van Gropelinghe, des ergenanten her Johans broder, mede stan vor de warschup unde hebbe des to groterer tuchnisse myn ingesegele mede ghehanghen to dessem/ breve. Geven na godes bord verteynhundert yar dar na in deme der unde voftighesten iare, des vrigdaghes na Conversionis Pauli.
Index-Gruppe
GEOB
Bremen, kichliche Konvente, Willehadi-Stephani
PERS
Grambke (Grambeke, Grammeke), ON in Stbez. Bremen-Nord
SACH
Gröpelingen, Johann von
Repräsentationen
| Typ | Bezeichnung | Zugang | Info |
|---|---|---|---|
| Micro-/Macrofiche | U |
|
|
| Original | Urkunden | 0068 / 0 |
|
Link: https://www.arcinsys.niedersachsen.de/arcinsys/detailAction?detailid=v1190354