Beschreibung
Identifikation
Titel
Friedrich von Garlstedt, seine Söhne Curd und Luder und sein Bruder Luder; Knappen, verkaufen dem Kloster Lilienthal für zweiundzwanzig Mark eine Hofstelle (were) in Uthlede, auf der zur Zeit Kersten Frese wohnt.
Ausfertigung Pergament, 26 x 18 cm. - Rep. 3 Litienthal, Nr. 471. -4 Siegel angehängt, 2., 3. und 4. fehlen: 1. Friedrich von Garlstedt, Siegel Garlstedt (2) nach Trüper, Ritter und Knappen, S. 924. - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 315 nach +Kopiar Lil. II, 149, Nr. 299.
Ik Frederik van Gerlstede, Curd unde Luder, myne sones, unde Luder, myn broder, knapen, bekennen unde betughen/ openbar an dessem breve, dat wy myt willen unde vulborde alle unser rechten erven unde alle der ghennen, der/ ere wylle unde vulbort dar to horet, hebben vorkoft unde vorkopen ieghenwardich in dessem breve to enem rechten/ steden vasten ewighen ervekope der erbaren geystliken vrowen Alheyde, ebdeschen, Ghesen, priornen, deme gant/sen convente des closters tom Lyliendale, gheleghen in deme stichte to Bremen, des ordens van Cisters, unde eren na/komelinghen vor twe unde twyntich Bremer mark, so to Bremen vor der wessele ghynghe unde gheve synt, de uns/ to willen degher unde al betalet synt to unser ghenoghe, eyne were in deme dorpe to Uthlede gheleghen achter/ des ergenanten closters hove unde nu to tyden uppe wonet Kersten Vreze, myt aller rechticheyt unde tobehoringhe, nicht/ utghesproken van rechtes ewighen ervekopes weghene wrigliken to brukende, to hebbende, to besittende unde to/ beholdende. Unde wy hebbet en ghelaten unde laten yeghe[n]wardich in dessem breve den eghendeom unde besittinghe/ der vorscrevenen were myt erer rechticheyt unde tobehoringhe in ere eghentlike hebbende besittende brukelike/ were, so men eghendom unde besittinghe vryes ervegudes van rechte to latende plecht. Unde wy Fredrik, Curd, Luder/ unde
Laufzeit
07.03.1445
Enthält
Luder, myn broder, alle gheheten van Gerlstede ergenompt, unde unse erven scolen unde willen der vorbenanten geyst/liken vrowen Alheyde, ebdeschen, Ghesen, pryornen, deme gantzen convente des erghenompen closters unde eren nako/melinghen der vorscrevenen were myt erer rechtich[eyt] unde tobehoringhe rechte warende wesen vor allerleye ansprake,/ gheystlik unde werlik, vor boren unde ungheboren, wanne, wor unde wo dicke en des not unde behuf is unde se dat van/ uns esschen edder esschen laten. Alle desse vorscrevenen stucke love wy Frederik, Curd, Luder unde Luder, alle gehe/heten van Gerlstede ergenant, vor uns, unse erven unde alle de ghenne, der ere wille unde vulbort dar to horet, in/ guden truwen stede vast unde unvorbroken to holdende sunder yenigerleye weddersprake, hulperede, nyevunde/ unde arghelist. Des to mererer betuchnisse hebbe wy Frederik, Curd, Luder unde Luder, myn broder, alle gehe/heten van Gerlstede ergenompt, witliken unde myt guden willen unse rechten ingheseghele ghehanghen heten to dessem/ breve. Ghegheven unde screven na godes bort duzent veerhundert iar in deme vyve unde vertighesten iare,/ des sondaghes alse men synghet Letare.
Index-Gruppe
PERS
Alheyd, Äbtissin Kloster Lil. (1439-1462)
SACH
Garlstedt, Friedrich von
Repräsentationen
| Typ | Bezeichnung | Zugang | Info |
|---|---|---|---|
| Micro-/Macrofiche | U |
|
|
| Original | Urkunden | 0068 / 0 |
|
Link: https://www.arcinsys.niedersachsen.de/arcinsys/detailAction?detailid=v1190343