Beschreibung
Identifikation
Titel
Der Bremer Einwohner Johan Wigger verkauft wiederkäuflich nach zwölf Jahren dem Diedrich Stoltevot für zweiundfünfzig Mark sein ganzes Land in Gramhkermoor, das der Käufer zur Zeit bewirtschaftet.
Ausfertigung Pergament, 27 x 19,5 cm. - Rep. 3 Lilienthal, Nr. 494. - 4 Siegel angehängt, 4. fehlt: 1. Johann Wigger, Siegelbild abweichend von Trüper, Ritter und Knappen, S. 973, 2. Johann Hoyers, 3. Hermen Dop, alle von dunkelgrünem Wachs auf gelber Schüssel. - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 331 nach +Kopiar Lil. II, 149, Nr. 143.
Ik Johan Wigger, inwoner to Bremen, bekenne unde betuge openbare in dessem breve vor alsweme, dat ik myt/ willen unde vulbord all myner erven hebbe vorkofft unde vorkope to eenem steden vasten ewigen ervekope in craft/ desses breves Diderike Stoltevote, sinen erven unde deme holder desses breves myt sinem willen vor twe unde/ vofftich Bremer mark, de uns deger unde al betalet sint, myn een hele land myt diike, dämme, myt aller/ slachtenud, rechticheit unde tobehoringe vrii unde qwiit, nicht uthgesproken, dat nu tor tiit de sulve Diderik/ Stoltevod buwet unde under handen helft, dat gelegen is tom More bii Frederik Heudes wurt up een siid int/ osten unde bii Hinrike van der Hude up de ander siid int norden. Unde ik Johan late unde hebbe gelaten vor/ my unde vor myne erven deme genanten Diderike, sinen erven unde deme holdere desses breves vorscreven myn/ heele land tom More vorbenant mit aller rechticheit unde tobehoringe in ere hebbende besittende maklike/ echlike brucklike unde upborende were in al der mate, alz men egendum, besittinge unde were vriger erve/gude van rechte to laten plecht. Ok schal unde wil ik Johan vorscreven unde myne erven deme ergenanten Dideri/ke, sinen erven unde deme holdere desses breves vorscreven myn heele land tom More vorbenant mit alle siner/ rechticheit
Laufzeit
24.01.1452
Enthält
rechte warende wesen unde warschup don, wanne, wor unde wo vaken ene des nod unde beheoff/ deyt unde se dat van my offte mynen erven eschet edder esschen latet. Ok so hebben se my, Gereken unde/ Hinrike, uns dren alle geheten de Wiggers, hebben gegeven den wedderkop an deme vorscrevenen helen lande/ myt susdannem underschede, alz dat wii dat vorscrevene land bynnen twolff yaren na datum desses breves/ nicht en scholen wedder kopen, sunder wanner de twolff yar gesleten unde umme gekomen sint, so/ moge wii Johan, Gereke unde Hinrik vorbenant dat vorscrevene hele land tom More mit alle siner rechticheit/ unde vriiheit van den vorbenanten Diderike, sinen erven unde deme holdere desses breves vorscreven uppe sunte/ Peters dach, alz he up den stol gesad wart, wedderkopen vor de vorbenanten twe unde vofftich mark, wo wii ene/ den wedderkop vorkundigen tovorn in den hilgen twolff nachten to Wynachten denne negest komende/ vor deme vorscrevenen sunte Peters dage, alz wii den wedderkop don willen. Wor wii aver dat vorscrevene land/ uppe de vorbenante tiit nicht wedder enkofften, so vorscreven is, so schal dat een stede vast ewich ervekop bliven./ Alle desse vorscrevenen stucke love ik Johan Wigger vor my unde vor myne erven deme genanten Diderike unde sinen/ erven unde deme holdere desses breves vorscreven in guden truwen stede vast unde unvorbroken to holdene sunder/ yenigerleye hulperede unde argelist. Des to tuge so hebbe ik Johan vorbenant vor my under vor myne erven myn/ rechte ingesegele to dessem breve gehangen. Went wii hir an unde over weren, dat desse kop aldus vor uns/ bekant unde geschen is, so hebben wii Johan Hoyers, Hermen Dop unde Clawes Grove umme bede willen unse/ ingesegele ok gehangen to dessem breve. Na godes bort veerteyn hundert yar dar na in deme twe unde voff/tigesten yare, am hilgen avende sunte Pauls Conversionis.
Index-Gruppe
PERS
Dop (Dopp), Hermen (1452)
SACH
Dop, Hermen
Repräsentationen
| Typ | Bezeichnung | Zugang | Info |
|---|---|---|---|
| Micro-/Macrofiche | U |
|
|
| Original | Urkunden | 0068 / 0 |
|
Link: https://www.arcinsys.niedersachsen.de/arcinsys/detailAction?detailid=v1190330