Beschreibung
Identifikation
Titel
Kurt Peyne verkauft mit Zustimmung seiner Frau Eyleken, seines Sohnes Curd, seines Bruders Arnd Peyne, und dessen Sohnes Johann dem Kloster Lilienthal zehn Morgen Land mit Hofstelle (hofstalle unde were) [in Blockland] für achtzig Mark.
Ausfertigung Pergament, 34 x 15,5 cm. - Rep. 3 Lilienthal, Nr. 503. - 7 Siegel angehängt: 1. Curd Peyne sen., 2. Curd Peyne jun., 3. Arnd Peyne, 4. Johann Peyne, alle Siegel von 1. bis 4. und 7. von hellgrünem Wachs in gelber Schüssel, 5. Dietrich Schorhar, 6. Johann Brundiederich, beide Siegel 5. und 6. von schwarzgrünem Wachs in gelber Schüssel, 7. Johann Wendewaghen. - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 336 nach +Kopiar Lil. II, 149, Nr. 110.
Ik Ceurt Peyne bekenne unde betughe openbear in dessem breve, dat ik myt willen unde vulborde Eyleken, myner husvrowen, Ceurdes, mynes/ sones, Arnd(es) Peynen, mynes broders, Johans, synes sones, alle myner erven unde alle der ghenner, der ere wille unde vulbord dar to horet, hebbe/ vorkoft unde vorkope ieghenwardich in dessem breve to enem rechten steden vasten ewighen ervekope der ersamen ghestliken vrowen Alheide,/ ebdisschen, Ghesen, priornen, dem gantzen convente des closters sunte Marien tom Lyliendale, des ordens van Cistercien, gheleghen in deme stichte/ to Bremen, unde eren nakomelinghen vor achtentich Bremer mark, so to Bremen vor der wessele ghynghe unde gheve synt, de my to willen degher/ unde al betalet synt, myne teyn morgher landes myt deme hofstalle unde were myt aller rechticheit unde tobehoringhe unde strecket syk von der Gro/ten Wummene wente an de Nyen Wetteringhe, dar by beleghen is Johan Dreweses gud ynt ostene unde des godeshuses geud tor Horst ynt westene,/ nicht utghespreoken, van rechtes vryen ewighes ervekopes wegene vrigliken to hebbende unde to besittende, to brukende unde to beholdende. Unde ik Ceurt/ Peyne
Laufzeit
11.11.1454
Enthält
ergenant, Ceurt, myn sone, Arnd, myn broder, Johan, syn sone, unde unse erven hebben en ghelaten unde latet jeghenwardich in dessem breve den eghen/deom unde de besittinghe der vorscrevenen teyn morghen landes myt deme heofstalle unde were unde myt alle erer rechticheit unde tobehoringhe in ere/ hebbende besittende brukelike were, so men eghendom unde besittinghe vryer ervegude van rechte to latende plecht. Unde wy alle vorbenant unde/ unse erven scholen unde willen der ergenanten vrowen Alheide, ebdisschen, Ghesen, priornen, deme gantzen convente des vorbenanten closters unde eren nako/melinghen der vorscrevenen teyn morghen landes myt deme hofstalle unde were myt aller rechticheit unde tobehoringhe rechte warende wesen vor aller/leye ansprake, ghestlik unde werlik, vor boren unde ungheboren, wanne, wor unde wo dicke en des neot unde behof is unde se dat van uns esschen edder/ esschen laten. Alle desse vorscrevenen stucke love wy alle ergenant vor uns, unse erven unde alle de ghenne, der ere wille unde vulbort dar to horet, in guden/ truwen stede vast unde unvorbroken to holdende sunder jenigherleye weddersprake, hulperede unde nyevunde edder arghelist. Des to mererer betuch/nisse hebbe ik Ceurt Peyne, Ceurt, myn sone, Arnd, myn broder, Johan, syn sone, alle ergenant, unse rechten inghezeghele witliken unde myt guden willen ghe/hanghen to dessem breve. Unde wy her Dyderik Schorhear unde her Johan Broundiderikes, borghermesters der stead Bremen, hebben unse inghezeghele/ umme bede willen mede ghehanghen to dessem breve. Unde ik Johan Wendewaghen bekenne, dat ik dessen vorscrevenen ewighen ervekop ghehandelt unde ghede/ghedinghet hebbe. Des to tughe hebbe ik ok myn inghezeghel mede ghehanghen to dessem breve. Gheschreven na godes bord dusent veerhundert jear dar/ na in deme veer unde viftighesten jare, in deme daghe sunte Mertens des hilghen bischopes.
Index-Gruppe
GEOB
Blockland (Blocland), ON in Stbez. Bremen-West
PERS
Alheyd, Äbtissin Kloster Lil. (1439-1462)
SACH
Brundiederich, Johann
Repräsentationen
| Typ | Bezeichnung | Zugang | Info |
|---|---|---|---|
| Micro-/Macrofiche | U |
|
|
| Original | Urkunden | 0068 / 0 |
|
Link: https://www.arcinsys.niedersachsen.de/arcinsys/detailAction?detailid=v1190328