Beschreibung
Identifikation
Titel
Luder Wales verkauft mit Zustimmung seiner Söhne Friedrich, Hinrich, Hermen und Borcherd für achtzehn Mark ein Stück Land in Stellerbruch, das er von Albert Sebeck gekauft hatte, an Albert von Lusen.
Ausfertigung Pergament, 29 x 14 cm. - Rep. 3 Lilienthal, Nr. 485. - 5 Siegel angehängt, 1. und 3. fehlen: 2. Hinrich Wales, 5. Borcherd Wales, Siegel weichen deutlich ab von Trüper, Ritter und Knappen, S. 970.
Ik Luder Wales bekenne unde betughe openbare an dessen ieghenwardighen breve, dat ik myt willen unde vulborde Ffre/derikes, Hinrikes, Hermens unde Borcherdes, myner sones, unde al myner rechten anerven, boren unde aneboren, hebbe vor/koft unde vorkope tho enen steden vasten ewighen erve kope Alerde van Llusen, sinen rechten erven unde dem holdere/ desses breves myt sinen willen en stukke tho Stellerbroke, gheleghen by deme klosterhove int norden unde koft hebbe van/ Alberde Sebeken unde sinen rechten erven, des de opene beseghelde breff hiir by is, myt aller rechticheyt an dike, an/ damme, an watere, an weyde, an mure, an velde unde myt slachtemut vor achteyn Bremer mark ghelt, also tho Bremen/ upper wessel ghinghe unde ghe[ve] is unde my degher runde al wol betalet is tho mynen willen unde wuller noghe. Unde ik/ Lluder Wales, myne sones unde al myne rechten erven scolet unde willet Alerde van Lusen, sinen rechten erven unde dem/ holder desses breves myt sinen willen en recht warent wesen nu unde tho ewighen tiden vor alsweme, wanne, wor, wo/ vaken unde wo dicke em des nod unde behoff is unde ik dar umme gheesschet unde ghemanet werde. Ok so hebbe ik/ Luder Wals, myne sones unde al myne rechten erven dit vorscrevene stukke Alerde van Lusen, sinen rechten erven unde/ deme holdere desses breves laten unde satet uppe deme kerkhove tho Niggenkerken vor deme gantzen kerspel tho ewighen/ tiden to besittende unde tho brokende tho ewighen tiden an sine hebbende
Laufzeit
05.02.1449
Enthält
broklike besittende were, so men/ van rechtes weghene erve gude tho latene unde sathene plecht. Alle desse vorscrevenen stukke unde articule unde/ en islik besunderghen love ik Lluder Wales, Ffrederik, Hinrik, Hermen unde Borcherd, myne sones, unde al myne/ rechten erven alle in guden truwen stede vast unde unvorbroken tho ewighen tiden tho holden sunder ienigher/leye arghelist, nygevunde oft hulperede hiir an tho vindende. Des tho ener groter(en) bewisinghe unde/ bekantnisse so hebbe ik Lluder Wals, Ffrederik, Hinrik, Hermen unde Borcherd alle unse rechten ingheseghel han/ghen tho dessem ieghenwardighen breve. De gheven unde screven is na godes bord dusent verhundert an deme/ neghenundevertighesten jar, an dem hilghen daghe sunte Aghaten der hilghen juncvrouwen.
Datierung: 1449 Februar 5, Neuenkirchen
Index-Gruppe
GEOB
Neuenkirchen (Nienkerken, Nigenkercken, Nigenkerken, Niggenkerken, Nigghenkirchen, Nyenkerken), ON in Gm. Schwanewede
PERS
Lusen (Llusen), Alerd von (1449-1451)
SACH
Wales, Borcherd
Repräsentationen
| Typ | Bezeichnung | Zugang | Info |
|---|---|---|---|
| Micro-/Macrofiche | U |
|
|
| Original | Urkunden | 0068 / 0 |
|
Link: https://www.arcinsys.niedersachsen.de/arcinsys/detailAction?detailid=v1190319