Beschreibung
Identifikation
Titel
Cord Holling verkauft dem Kloster Lilienthal neun Stücke auf dem Hardeskamp auf dem Felde zu Uthlede für zwölf Grote und vier Mark.
Ausfertigung Pergament, 29 x 23 cm. - Rep. 3 Lilienthal, Nr. 355. - 9 Siegel angehängt, nur 2. erhalten: Luder Luttekehunt. - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 259 nach +Kopiar Lil. II, 149, Nr. 300.
Ic Cord Hollingh bekenne unde bethughe openbare an dessen breve vor al den ghenen, de ene seet eder horet/ lezen, dat ic myd willen unde wulbord al myner rechten erven, den dat mach an roren, hebbe verkoft unde verkope in/ dessen breve der erliken gheystliken vrouwen ver Grethen, der ebbedisscen, unde deme ganzen convente des clostres to/ den Lyliendale to enen rechten ewighen steden vasten ervekope neghen stucke landes uppe den Hardeskampe, de/ de gheleghen is by des clostres lande uppe deme velde to Utlede uppe den nort syden, alzo en grot stucke unde/ achte dwer stucke by den Bramsteder weghe myt aller rechticheyt unde tobehoringhe unde aller nout to ewighen/ tyden stedeliken unde erfliken to brukende unde to besittende vor twelef grote unde IIII Bremer marc, alzo nu to tyden to/ Bremen up der wessele ghinghe unde gheve sint, de my na willen degher unde wol betalet sint. Vortmer so hebbe ic/ ghelaten unde late in dessen breve der vorscreven vor Greten, der ebbedisscen, unde deme convente to den Lyliendale den eghendom/ unde de were der vorscreven neghen stucke landes myt der tobehoringhe nu mer to nomende des clostres vrige eghene/ gud unde late en den eghendom unde were desses gudes, alze men vryg ervegud to latende plecht, ze des to brukende unde/ dar van to schikkende na eren willen to ewighen tyden unde do des goudes ganze vorticht. Ok zo wil ik unde myne erven, boren unde/ ungheboren, der vorbenompden ver Greten, ebbedesscen, unde convente desser neghen stucke landes myd erer
Laufzeit
15.06.1414
Enthält
tobehoringhe ere/ rechte warent wesen, wor, wanne unde wo vakene ene des not unde behof is. Were ok dat iement desse neghen stucke landes van/ ervetales weghene in na tyden wolde anspreken boven desse nascreven erven, den wil ik unde scal dar to vermoghen dessen kop/ to vulbordende zunder der vorscreven ver Greten, ebbedesscen, unde des conventes schaden. Alle desse vorscreven articule unde stucke love/ ik Cord Hollingh vor my unde al myne erven, boren unde ungheboren, an guden truwen der vorscreven ebbedesscen unde den convente/ to ewighen tyden ane alle arghelist unde hulperede stede vast unde unvorbrekende to holdende. Des to tughe unde ewigher/ bekantnisse zo hebbe ik myn inghezegele vor my unde myne erven ghehanghen to dessen breve. Vortmer wy Luder Luttekehunt,/ Frederik, zin broder, Luder, Johan Hundes sone, Arnd, Luder Hundes sone, Luder van Gherlstede, Frederik von Gherlstede/ unde Dyderik van Omstede bekennet unde bethuget openbare in dessen breve, dat wy uns unde unze erven, boren unde ungheboren,/ dessen kop desser neghen stucke landes myt der tobehoringhe, den Cord Hollingh ghedan heft vor Greten, der ebbedesscen,/ unde den convente to den Lyliendale, ghevulbordet hebbet unde vulbordet in dessen breve unde willet den stede unde vast holden/ ane arghelist to ewighen tyden. Des to thughe unde vurder bekantnisse zo hebbe wy alle unze inghezeghele na Cord Hollinghes/ inghezeghel witliken ghehanghen an dessen bref. Unde ik Luder van Gherlstede de olde bekenne oc in dessen/ breve, dat ik dessen kop ghedeghedinghet unde ghehandelet hebbe. Des to thughe zo hebbe ik ok myn ingheseghel ghe/ hanghen an dessen bref. Gheven unde screven na godes bord duzent ver hundert an den verteyneden iare, en hilgen daghe/ sunte Vytis des hilgen merteleres.
Index-Gruppe
GEOB
Bramsteder weg (Bramster weg), FN in Uthlede
PERS
Garlstedt (Gerlefstede, Gerlestede, Gerlstede, Gherleste), Friedrich de (1414)
SACH
Luttekehunt, Luder
Repräsentationen
| Typ | Bezeichnung | Zugang | Info |
|---|---|---|---|
| Micro-/Macrofiche | U |
|
|
| Original | Urkunden | 0068 / 0 |
|
Link: https://www.arcinsys.niedersachsen.de/arcinsys/detailAction?detailid=v1190261