Beschreibung
Identifikation
Titel
Dietrich Tydeken verkauft mit Zustimmung seiner Frau Ermegard und seiner Söhne Johann, Reyneken, Friedrich, Lippold und Luder sowie seines Bruders Reyner und dessen Sohn Reyner dem Kloster Lilienthal für acht Mark wiederkäuflich die Rente einer halben Mark aus seinem Land genannt Wyntersstucke mit der Hofstelle (were) und dem bomgharden in Rockwinkel.
Ausfertigung Pergament, 24 x 17,5 cm, stark beschädigt. - Rep. 3 Lilienthal, Nr. 496. - 8 Siegel angehängt, 3. und 8. fehlen, 7. nur Siegelschüssel an Presset: 1. Dietrich Tydeken, 2. Johann Tydeken, 4. Friedrich Tydeken, 5. Lippold Tydeken, 6. Luder Tydeken, alte überlieferten Siegel von grünem Wachs in gelber Schüssel, alle beschädigt und restauriert. - Rück vermerk: Dat is de [br]eff van den Tidken, de is dor stcken unde dodet (15. Jh.).
Ik Diderik Tydeken bekenne unde betughe openbare in dessem breve, dat ik myt willen unde vulborde Ermegarde,/ myner echten husvrowen, Johans, Reyneken, Frederikes, Lippoldes unde Luders, unser sones, Reyners, mynes broders, unde Johans,/ mynes broder sones, alle unser erven unde alle der ghenner, der ere wille unde vulbord dar to horet, hebbe vorkoft unde/ vorkope in dessem breve to enem rechten steden vasten ewighen ervekope der ersamen ghestliken vrowen Alheide,/ ebbedisschen, Ghese, priornen, deme gantzen convente des closters sunte Marien tom Lyliendale, eren nakomelinghen unde/ deme holdere desses breves myt erem willen vor achte Bremer mark, so to Bremen vor der wessele ghynghe unde/ gheve synt, de my to willen degher unde al betalet synt, renthe ener halven Bremer mark gheldes in mynem stucke/ gheheten Wynters stucke myt deme beomgharden gheleghen tom Rockwinkele, dat sik strecket van deme achteren/ dike wente to der dusteren lake unde is gheleghen t[wus]chen deme kerchwcge unde Diderik Roden gude, nicht utghe/ sproken, van rechtes ewighen ervekopes wegene v[rigl]iken to
Laufzeit
21.12.1452
Enthält
hebbende, to besittende unde to brukende. Unde wy alle/ ergenant unde unse erven hebben en ghelaten unde latet [iegh]enwaidich in dessem breve den eghendeom unde de besittinghe der/ vorscrevenen rente ener halven Bremer mark in deme vorbenanten stucke in ere hebbende besittende brukelike were, so men/ eghendeom unde besittinghe rente in erveguden van rech[te toj latende plecht. Unde wy unde unse erven scholen unde willen/ der vorbenanten vrowen Alheide, ebbedisschen, Ghesen, [priorne], deme gantzen convente des ergenanten closters, eren nako/ melinghen unde deme holdere desses breves myt e[rem will]en der vorscrevenen rente ener halven Bremer mark gheldes/ in deme ergenanten stucke rechte warende wesen vor [allerl]eye ansprake, ghestlik unde werlik, vor boren unde unghe/ boren, wanne, wor unde wo dicke en des neot [unde beho]f ys unde ze dat van uns esschen edder esschen latet. Unde/ wy alle vorbenant unde unse erven ofte [alle de dat ergenante stucke] in besittinghe edder in weren heft, vlocket unde vluset,/ scholen unde willen de vorbenante rente ener halven Bremer mark gheldes en betalen unde utgheven to deme vorscrevenen/ clostere twisschen sunte Mertens daghe unde W[ynach]ten van rechte unde van tynses wegene alle jear. Ok so hebben/ ze uns de gnade ghegheven, dat wy edder unse erven de vorscrevene rente ener halven Bremer mark moghen/ wedder kopen alle jar vor de vorscrevenen achte [Brem]er mark to allen sunte Peters daghen, alzo he uppe/ den steol ghezet wart, wo wy en den wedd[erk]op der vorscrevenen rente vorkundighen in den hillighen t[wolf]/ daghen to Wynachten, de den ergenanten sunte Pet[ers d]ach neghest vorgande synt. Alle desse vorscrevenen stucke love/ wy alle ergenant vor uns unde unse erven in g[uden truwen] stede vast unde unvorbroken to holdende sunder ie/ nigherleye weddersprake, hulperede, nye[vunde] edder arghelist. Des to mererer betuchnisse
hebbe ik Dide/ rik Tydeken, Johan, Reyneke, Frederik, Lippold unde Luder, myne sones, Reyner, myn broder, unde Johan, Johans/ mynes broders sone, alle ergenant, vor uns unde unse erven unde alle de ghenne, der ere wille unde vulbord dar to/ horet, unse rechten inghezeghele witliken unde myt gudem willen ghehanghen to dessem breve. Ghescreven/ na godes bord dusent veerhundert jar dar na in deme twe unde viftighesten jare, in deme daghe sunte/ Thome des hillighen apostels.
Index-Gruppe
GEOB
Dusterlake (Dusterenlake), FN in Rockwinkel
PERS
Alheyd, Äbtissin Kloster Lil. (1439-1462)
SACH
Tideken, Dietrich
Repräsentationen
| Typ | Bezeichnung | Zugang | Info |
|---|---|---|---|
| Micro-/Macrofiche | U |
|
|
| Original | Urkunden | 0068 / 0 |
|
Link: https://www.arcinsys.niedersachsen.de/arcinsys/detailAction?detailid=v1190088