Beschreibung
Identifikation
Titel
Gerd Westerholt, sein Sohn Robo und seine Söhne Kersten, Roleke und Friedrich, Knappen, verpfänden rückkaüflich für neunundzwanzig Mark dem Johann den Fresen neun Stücke Land zu Harmenhausen (Groten Harmhuzen), so wie sie zuvor Hermen Duvewurt von ihnen gehabt hat.
Ausfertigung Pergament, 22 x 14 cm. - Rep. 3 Lilienthal, Nr. 270.-6 Siegel angehängt, fehlen.
Wy Gherd Westerholte, Robo, zyn sone, Kersten, Roleke unde Frederik, zyn zone, knapen, bekennet unde betoughet openbare an dessem breoue,/ dat wy zynt schouldych rechter schoult Johanne den Vrezen unde zynen rechten ervouen unde den ghennen, de dessen bref heft myt eren willen,/ neghene unde twyntych Bremer mark, alze tho Bremen vor der wessele ghynghe unde gheoue zynt, de uns an reden ghelde zynt ghewourden/ unde wol betalet. Dar wy en myt willen unde vou[l]bord alle unser rechten erouen vore hebbet ghezed unde zated an dessen breoue tho rechter/ zathe neghen stoucke tegheden, de gheleghen zynt uppe der veltmarke tho Groten Harmhouzen, beyde groten unde smalen, myt alleme rechte,/ thobehorynghe unde myt aller slachter noud in aller wys, also se Hermen Duouewourt vore van uns heft ghehat. Unde wy unde unse erouen/ scholet unde wyllet en der vorscreven neghen stoucke tegheden unde zathe rechte warende wesen, wanne, wor unde wo dycke se dat van uns/ esschende zynt. Ok zo moghe wy alle iar tho sunte Peters daghe, also he uppe den stoul quam, de vorbenompden neghen stoucke tegheden wedder/ losen vor de vorscreven neghen unde twyntych Bremer mark, wo wy en de lozynghe vore koundeghen in den hilghen twolf nachten tho Wynachten,/ de deme sounte Peters daghe neghest vore komende zynt. Unde zo schole wy unde wyllet en tho dem soulven sunte Peters daghe de vorscreven neghene/ unde twyntych Bremer mark degher unde al betalen, den lesten pennyngh myt den ersten, ane jhenygherleyge vortoch edder hynder. Unde wy/ unde
Laufzeit
25.07.1389
Enthält
unse erouen en scholet noch en willet se myt nychte hinderen an den vorscreven tegheden, men se scholet ene jo alzo langhe in eren weren behol/den, went es ere vorscreouenen pennynghe degher unde al wedder hebbet. Unde wy Gherd Westerholte, Robe, zyn zone, Kersten, Roleke unde Frederik,/ zyn sone, zakewolden vorscreven, Frederik Posserd unde Johan van der Heyne, knapen, lovet desset an ghuden trouwen myt zameder hant dem vorscreven/ Johanne den Vrezen unde zynen rechten erouen unde den ghenen, de dessen bref heft myt eren wyllen. Were, dat en ienych hynder edder brake schude/ an dessem vorscreven tegheden unde ghelde, wan wy en de lozynghe koundyghet unde wy dar umme ghemanet wourden van en edder van eren boden an unze/ hus edder jeghenwardycheyt, dar bynnen den ersten verteynachten schole wy unde willet tho Bremen komen in de stat, en recht legher tho holdene/ unde dar nycht ut, wy en hebben en den hinder unde scaden deghere unde al wedder dan unde de vorscreven pennynghe alto male betalet myt reden/ pennynghen edder myt twyscatten pannen, de men na make wol trecken unde voren mach unde dar en jewelych ghoud man den anderen mede/ betalen mach, unde dar en schole wy noch unze ghoud nenen vrede vore hebben bynnen Bremen edder bouten. Were ok, dat desser vorscrevenen/ borghen welk aflyouych wourde, er wy den tegheden wedder losen, so wylle wy vorscrevenen sakewolden dar na bynnen den ersten veer weken/ tho Bremen in komen unde dar nycht ut, wy en hebben en enen anderen borghen in das doden stede ghezeth. Tho ener betoughynghe desser/ vorscrevenen stoucke zo hebbe wy zakewolden unde borghen unze ynghezeghele myt wyllen ghehanghen tho dessen breoue. Datum anno domini/ Mo CCCo octuagesima nono, in die beati Iacobi appostoli.
Index-Gruppe
GEOB
Harmenhausen (Groten Harmhuzen, Harmhusen, Hermenhusen, Lutke Hermehusen), ON in Gm. Berne
PERS
Duvenvurth (Duvenwort, Duvewurt), Hermann (1389)
SACH
borghen (Bürgen)
Repräsentationen
| Typ | Bezeichnung | Zugang | Info |
|---|---|---|---|
| Micro-/Macrofiche | U |
|
|
| Original | Urkunden | 0068 / 0 |
|
Link: https://www.arcinsys.niedersachsen.de/arcinsys/detailAction?detailid=v1190082