Identifikation
Titel
Bernd de Gude und seine Frau Grete verkaufen dem Kloster Lilienthal für siebzehn Mark wiederkäuflich die jährliche Rente von einer Mark aus einem Stück Land in Wummensiede, das zur Zeit die Swartinck Haghensche bewirtschaftet.
Ausfertigung Pergament, 22 x 18 cm. - Rep. 3 Lilienthal, Nr. 570. - 1 Siegel angehängt, fehlt. - Rückvermerk: Bernt der Gude syn breff (Anfang 16. Jh.); In der Wumsyde tor Host Johan Gerbade (Anfang 16. Jh.).
Ick Berndt de Gude, Grete, myn echte husfrouwe, bekennen unde betughen openbare in dessem breve,/ dat wy myt willen unde vulborde alle unser erven unde alle der gennen, den diit antret edder antreden/ mach, hebbet vorkofft unde vorkopen in dessen jeghenwardigen breve to enem rechten ewighen erve kope der/ ersamen geistliken frouwen Gherdrudt Gogreven, ebbedisse, Almet, priorne, unde dat ghanse convent/ des closters tome Liliendale, des ordens van Cistercien, in deme stichte to Bremen, unde eren nakomelinghen/ vor seventeyn Bremere marck, so to Bremen vor der wessle ghynghe unde gheve synt, de my to willen degher/ unde al wol betalet synt, ene Bremer marck gheldes jarlinghes renthe yn myn stucke gudes, dat beleghen/ is yn der Wummensiidt unde strecket van der olden Wetterynge wente in de groten Wummen dree morghen/ landes unde de kolhove unde ghrashove unde wostynghe unde rechticheit, de to den dren kampen hort. Unde/ dar by dessen vorscreven gude an der enen siidt int westen licht des sulven vorgescrevenen closters gudt unde uppe/ de anderen sydt dat Hellinghsteder stucke. Diit vorscreven lant heft nu tor tiidt de Swartinck Haghensche/ under handen. Unde ick Bernt de Gude unde Ghrete, myn echte husfrouwe, unde unsse rechten erven scholen unde willen/ der erbenompten Gherdrudt, ebbedissen, Almet, priomen, unde deme ghansen convente tome Lilyendale unde eren/ nakomelinghen desses stuckes vorbenoempt rechte warende wesen vor boren unde
Laufzeit
27.09.1495
Enthält
ungeboren vor allerleyge/ ansprake, gheistlick unde wertlick, wanne, wor unde wo dicke en des not unde behoff is unde se dat van uns/ esschen edder esschen laten, myt aller rechticheyt unde tobehorynge, nicht uthgespraken, van rechtes ewighen/ ervekopes weghene vrigliken to holdene unde to gebrukene. Unde wy scholet unde willet den erbenoempten/ gheistliken junefrouwen unde eren nakomelinghen desse vorscrevene Bremere marck jarlinghes renthe/ alle yar uthgheven twisschen sunte Michael unde sunte Marten. Ock so hebben se my unde mynen erven/ de ghnade gheven, dat wy de vorgescrevene jarlinges renthe ener Bremer marck moghen wedder kopen/ alle yar uppe sunte Peters dach, also he up den stol gesat wart, wo wy eme den wedderkop vorkundigen/ yn den hilghen twolff daghen to Wynnachten, de den vorscrevenen sunte Peters dach neghest vorghande synt./ Alle desse vorscrevenen stucke unde artikele lave ick Berndt de Gude vor my unde myne erven unde alle/ de ghennen, der ere wille unde vulbort dar to hort, in guden truwen stede vast unde ungebroken to hol/ dene sunder jenigherleyge hulperede, nygefunde edder arghelist. Des to merer betuchnysse hebbe/ ick Bemdt de Gude vor my unde myne erven unde alle der gennen, der ere wille unde vulbort dar to/ hort, myn rechte ingeseghel witliken unde myt guden willen gehanghen to desseme breve. Na godes bort/ dusent veer hundert jar dar na in deme viff unde neghentigesten jare, des sondaghes vor sunte Michahele/ archangeli.
Index-Gruppe
GEOB
Grote Wummene s. Wümme, auch Kleine Wümme
PERS
Almet, Priorin Kloster Lil. (1484-1495)
SACH
grashove
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen