Identifikation
Titel
Die Knappen Luder von Garlstedt und seine Söhne Luder und Friedrich verkaufen für zwanzig Mark und achtundzwanzig Groschen dem Kloster Lilienthal zwölf ausführlich beschriebene Stücke up den Gerlsteder Campe auf dem Felde zu Uthlede ohne den Zehnten.
Ausfertigung Pergament, 41 x 19 cm. - Rep. 3 Lilienthal, Nr. 291. - 9 Siegel angehängt: 1. Luder von Garlstedt sen., 2. Luder von Garlstedt jun., 3. Friedrich von Garlstedt, alle Siegel von Garlstedt (1) nach Trüper, Ritter und Knappen, S. 991, 4. Friedrich Brutte, 5. Merten Brutte, 6. Johann Holling, 7. Amd Holling, 8. Luder Holling, 9. Friedrich Holling. - Abschrift: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 226.
Wy Luder van Gerlstede unde Luder unde Frederik, des zulven Luderes sonen, knapen, bekennet unde betouget openbare in dessen breve, dat wy/ myt willen und vulbort al unzer erven unde al der ghener, de dyt antret ofte antreden mach, hebbet vorkoft unde vorkopet in dessen breve/ to enen rechten steden cwighcn erve kope den erbaren gestliken juncvrowen vor Grethen, der ebbedisschen, unde den ghemenen convente des closteres/ to den Lyliendale unse twelf stucke up den Gerlsteder Campe, de ghelegen is up deme veile to Utledhe up der gest, der ene licht twusschen sunte/ Nycholaus stucke, vort twe stucke by sunte Nycholaus stucke in dat norden, en stucke twusschen des kercheren stucken, vort dre stucke by des kercheren/ stucke in dat norden, vort der stucke by Broutten stucke in dat norden, twe stucke twisschen Broutten stucke unde Mertenes van Gropelinghe, de/ utersten dre stucke unde enen geren, de ghelegen zount in ener vore in dat norden, de ghehete zunt de Doden Breden, myt al erer tobehoringe vry unde/ quit van voghedye, bourrecht unde lantplicht, behalven den thegeden vor twintich Bremer marc unde achten twintech grote, dede uns deggere unde/ al na willen an gouden gyfteghen
Laufzeit
15.10.1394
Enthält
gelle zount beret. Desse vorebenomben stucke lannes de hebbe wy ghelaten unde latet in dessen breve den vorebenomden/ juncvrowen to den Lyliendale in de were unde bezittinghe, alzo men vryes erve goudes were unde bezittinghe to rechte Iatene plecht. Unde wy unde/ unzen erven scolet unde willet den vorebenomden juncvrowen der zulven stucke myt al erer rechtecheyt unde tobehort rechte warene wezen vor boren/ unde ungheboren, wanne unde wor unde wo dicke deme clostere des noed is, want ze dat van uns esschet odder van uns esschen latet, dat love wy em/ in guden truwen myt samender hant stede vaste truweliken unde unvorbroken to holdene zunder ienegherleye nyevounde, houlperede unde arghelyst./ Unde hebbet desser vorescrevenen stucke to tuchnisse unze inghezegele witliken unde myt gouden willen ghehanghen to dessen breve. Vortmer wy/ Frederic unde Merten, brodere gheheten Broutten, Johan, Arnd unde Luder, Frederik, brodere geheten Hollingh, anderes gheheten Luttekehount, beken/net, dat desse vorescrevene kop myt unzen willen unde vulbord gheschen is unde lovet des oc myt samender hant rechte warscoup mede to holene/ alzo vorescreven is unde hebbet des to tughe unze inghezegele witliken unde myt gouden willen oc ghehangen to dessen breven. Gheven unde/ screven na godes bord duzent iar dre hunnert in deme vere unde neghentegesten iare, des negesten dages sunte Kalixti pape.
Index-Gruppe
GEOB
Brutten stucke, FN in Uthlede
PERS
Brutte (Brute, Brutten), Friedrich (1394-1419)
SACH
Brutte, Friedrich
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen