Identifikation
Titel
Knappe Hermann von Wersebe verkauft dem Bremer Ratsherrn Hinrich Zierenberg für sechzig Mark wiederkäuflich seinen Hof to deme Sete, genannt Alerdes Buwe, vor der Meyenburg.
Ausfertigung Pergament, 36 x 17,5 cm. - Rep. 3 Lilienthal, Nr. 561. - 1 Siegel angehängt: Hermann von Wersebe, Siegel Wersebe (1) nach Trüper, Ritter und Knappen, S. 972, von grünem Wachs in gelber Schüssel.
Ick Hermen van Weerszebe, knape, bekenne unde betughe opembaere in dessem breve, dat ick myt willen unde vulbort alle myner erven/ hebbe vorkoft unde late in de besittinge eghendom unde were unde in krafft desses breves to enen steden vasten ervekope vorkope deme/ beschedenen manne Hinrike Tzirenberghe, raedmanne to Bremen, sinen erven unde deme holder desses breves myt sinen wyllen unde des/ hovetbreves, den myn selighe vader in vortyden Herberde Scheorhaere heft vorseghelt, dede ynneholt sestich Bremer marck hovetstoles,/ vor sestich Bremer marck, de my degher all wol to wyllen betalet sind, mynen hoff to deme Sete vor der Meygenbor[g], geheten Alerdes/ buwe, myt aller rechticheid unde tobehoringe vryg unde qwith ane allene den tegheden. Unde ick Hermen erben(ant) unde myne/ erven willen unde schullen dem ghenanten Hinrike Tzirenberghe, sinen erven unde dem holder desses breves unde des hovetbreves,/ den myn selighe vader Herberde Schorhaere in vortyden vorseghelt hefft, rechte warende wesen unde wearschup doen in aller mathe,/ als Herbert Schorhear dat van myneme selighen vadere entfangen hefft unde besethen hefft, unde Hinrick Berneblaes dat van/ Herberde Schorhaere entfangen unde beseten heft, wanne, weor unde wo vakene on des noith unde behoeff deyt unde se dat van/ uns esschet edder esschen latet. Ok hefft Hinrick Tzirenberch vor sick unde vor sine erven unde vor den holder desses breves vorscreven/ unde des hovetbreves, den myn selighe vader Herborde Scheorhaere vorseghelt
Laufzeit
13.03.1484
Enthält
hefft, de genade hir ane gegeven, dat ick unde/ myne erven den vorscrevenen hoff myt siner rechticheit van on alle year up sunte Peters dach, alse he up den stoel gheseth weard, moghen/ wedder kopen vor de vorben(anten) sestich Bremer marck, wo wy on den wedderkoep thovoren vorkeundighen in den hilghen twolff/ daghen to W‘ynachten denne neghest komende vor den vorscrevenen sunte Peters daghe, als wy den wedderkoep deon willen. Denne so/ schal de erbenante Hinrick, sine erven unde de holder desses breves vorscreven my edder mynen erven den hovetbreeff mede overant/worden, den myn selighe vader Herberde Schorhaere hefft vorseghelt. Alle desse vorgescrevenen stucke lave ick Hermen van Weerszebe/ erben(ant) vor my unde myne erven den ghenanten Hinrike, sinen erven unde deme holdere desses breves in guden truwen stede unde/ vast unvorbroken to holdene. Des to teughe so hebbe ick Hermen erben(ant) myn rechte ingheseghel vor my unde vor myne/ erven myt guden willen witliken to dessem breve ghehangen, de gegeven is na der ghebord Christi Ihesu unses heren/ dusent veerhundert dar na in deme veer unde achtentighesten yare, ame sonavende na der dominiken, alse men singet/ in der hilghen kercken Invocavit me et ego exaudiam eum etc.
Index-Gruppe
GEOB
Alerdes buw, FN / Hofname in Meyenburg
PERS
Berneblaes (Berneblas), Hinrich, Bg in Bremen (1475-1484)
SACH
Wersebe, Hermann von
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen