Identifikation
Titel
Der Bremer Bürger Hinrich Berneblas verkauft dem Bremer Bürgermeister Eler Breden für vierzig Mark wiederkäußch eine jährliche Rente von neun Scheffeln Roggen aus dem Hofe to deme Sethe vor Meyenburg, der Alherdes buw genannt wird.
Ausfertigung Pergament, 29,5 x 19,5 cm. - Rep. 3 Lihenthal, Nr. 545. - 1 Siegel angehängt: Hinrich Bemeblas (Barneblas), von grünem Wachs in gelber Schüssel. - Rückvermerk: Item diit siint de breeffe up dat gudt, dat uns de Bredessche gaff (Ende 15. Jh./ 16. Jh.).
Ick Hinric Berneblas, borger to Bremen, bekenne unde betuge openbare in desseme breve vor my unde myne erven, dat ik hebbe vorkoft/ unde vorkope to eneme vasten erve kope unde lathe vorth in de besittinge, egendum unde were in craft desses breves deme ersa/ men heren Elere Breden, borgermester to Bremen, sinen erven unde deme holdere desses breves myt eren wyllen vor vertich/ Bremere mark, de my deger al to wyllen wol betalet synd, jarlike tynse negen schepele gudes roggen Bremere mathe in/ unde uth myneme hove to deme Sethe vor der Meygenborch, geheten Alherdes buw, ok in unde dessulven hoves/ rechticheit unde tobehoringe in mathe selige Harmen van Wersbe den hoff vor tiides Harborde Schorhare heft vor/ koft unde my de vorth van Harborde angekomen ys na ynneholde des hovetbreves van deme genanten Harmene dar/ up vorsegelt inneholden(de) sestich Bremer mark hovetstols. Den bref ik her Elere hiir up mede over gheantwordet/ hebbe vor een underpand. Welke tinse ik edder myne erven scholen unde wyllen on twisschen sunte Martens daghe/ unde Wynnachten bynnen Bremen wol betalen. Unde ik unde myne erven scholen unde wyllen on der erbenanten yarliken tynse/ in unde uth deme erbenanten myneme hove unde siner rechticheit warschup deon, so vakene se dat van uns esschet edder/ esschen latet, ane unsse insage. Ok heft my her Eler erbenant vor siik, sine erven unde vor deme holdere
Laufzeit
28.09.1475
Enthält
desses/ breves de gnade hiir ynne gegheven, dat ik edder myne erven de erbenanten tynse alz negen schepel roggen myt/ deme vorgerorden hovet breve van on alle yar up sunte Peters dach, alze he up den stol ward geseth, mogen/ wedder kopen vor de erbenanten vertich Bremer mark, wo wy on den wedderkop thovorne vorkundigen in den/ hilgen twolf dagen to Wynnachten denne negest komende vor deme vorscrevenen sunte Peters dage, alse wy den/ wedderkop deon wyllen. Des to tuge hebbe ik Hinrick erbenant vor my unde myne erven myn rechte ingesegel myt/ guden wyllen to desseme breve ghehangen. Na godes bord verteyn hundert yar dar nae in deme vyff unde seventi/ gesten jare, ame avende Michaelis archangeli.
Index-Gruppe
GEOB
Alerdes buw, FN / Hofname in Meyenburg
PERS
Berneblaes (Berneblas), Hinrich, Bg in Bremen (1475-1484)
SACH
Berneblas, Hinrich
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen