Identifikation
Titel
Johan Husher aus Blockland verkauft mit Zustimmung seiner Frau Grete und seiner Söhne Hinrich, Hermen, Dietrich und Johann dem Kloster Lilienthal für achtzehn und eine halbe Mark ein halbes Viertel Land [in Blockland] zwischen der Großen und der Kleinen Wümme.
Ausfertigung Pergament, 28,5 x 15 cm. - Rep. 3 Lilienthal, Nr. 479. - 5 Siegel angehängt, 5. fehlt: 1. Johann Husher, 2. Hinrich Husher, 3. Hermen Husher, 4. Dietrich Husher, alle Siegel 1. bis 4. von dunkelgrünem Wachs in gelber Schüssel. - Rückvermerk: Blocklandt undt Horst (16. Jh.) - Druck: Bremisches UB VII, Nr. 491. - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 319 nach +Kopiar Lil. II, 149, Nr. 117.
Ik Johan Husheer wonaftich in deme Bloclande bekenne unde betughe openbear in dessem breve, dat ik myt willen unde/ vulborde Greten, myner echten husvrowen, Hinrikes, Hermens, Diderkes unde Johans, unser sones, alle unser erven unde alle/ der ghenner, der ere wille unde vulbort dar to horet, hebbe vorkoft unde vorkope ieghenwardich in dessem breve to/ enem rechten steden vasten ewighen ervekope der ersamen ghestliken vrowen Alheide, ebdischen, Ghesen, priornen,/ deme gantzen convente des closters sunte Marien tom Lyliendale, in dem stichte to Bremen, unde eren nakomelinghen/ vor neghenteynde halve Bremer mark, so to Bremen vor der wesle ghynghe unde gheve synt, de my to willen degher unde/ al betalet synt, ene halve veertel landes gheleghen by der deomprovestye int westene, by der Kalen veertel int ostene/ unde strecket syk van der Groten Wummene went an de Luttiken Wummene myt aller rechticheit unde tobehoringhe,/ nicht utghesproken, vor vrig ervegud van rechtes ervekopes weghene vrigliken to hebbende, to besittende, to be/holdende unde to brukende to ewighen tiden. Unde ik Johan Husher, Hinrik, Hermen, Dyderik unde Johan, myne sones, alle/ ergenant unde unse erven
Laufzeit
22.02.1447
Enthält
hebben en ghelaten unde latet ieghenwardich in dessem breve den eghendeom unde besittinghe der/ vorscrevenen halven veertel landes myt erer rechticheit unde tobehoringhe in ere hebbende besittende brukelike were, so men/ eghendeom unde besittinghe vryes ervegudes van rechte to latende plecht. Unde wy scholen unde willen der vorbenanten vro/wen Alheide, ebdischen, Ghesen, priornen, deme gantzen convente des ergenanten closters unde eren nakomelinghen to ewi/ghen tiden der vorscrevenen halven veertel landes myt alle erer vrygheit, rechticheit unde tobehoringhe rechte warende we/sen vor allerleye ansprake ghestlik unde werlik vor boren unde ungbeboren, wanne, wor unde wo dicke cn des neot/ unde behof is unde se dat van uns eschen edder eschen laten. Alle desse vorscrevenen stucke love wy Johan Husheer, Hinrik,/ Hermen, Diderik unde Johan alle vorbenant vor uns, unse erven unde alle de ghenne, der ere wille unde vulbord dar to ho/ret in guden truwen stede vast unde unvorbroken to holdende sunder ienigherleye weddersprake, hulperede, nye/vunde edder arghelist. Des to mererer betuchnisse hebbe wy Johan Husher, Hinrik, Hermen, Diderik unde Johan alle/ ergenant vor uns unde unse crven unde alle de ghenne, der ere wille unde vulbort dar to horet, unse rechten inghe/seghele witliken unde myt guden willen ghehanghen to dessem breve. Gheschreven na godes bord dusent veer hun/dert iar dama in deme seven unde veertighesten iare, in deme daghe sunte Peters des hilghen apostels, alzo he/ uppe den steol gheseet ward.
Index-Gruppe
GEOB
Blockland (Blocland), ON in Stbez. Bremen-West
PERS
Alheyd, Äbtissin Kloster Lil. (1439-1462)
SACH
Husher, Dietrich
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys