Identifikation
Titel
Johann Geffken verkauft mit Zustimmung seines Schwestersohnes Johann Dürkop dem Kloster Lilienthal für fünfzehn Mark auf dreißig Jahre wiederkäuflich eine Rente von jährlich einer Mark aus seinem halben Lande mit der Hofstelle (were) in Wurthfleth.
Ausfertigung Pergament, 27,5 x 16,5 cm. - Rep. 3 Lilienthal, Nr. 490. - 5 Siegel angehängt, fehlen. - Rückvermerk: To Wurtflete 1 mark ewich rente (15./16. Jh.) Item up Worfflete (16. Jh.) Dit hefft Johan Bunne [evtl. auch Nunne oder Runne] under handen unde gifft III Rikes daler (16. Jh.). - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 329 nach +Kopiar Lil. II, 149, Nr. 278.
Ik Johan Gheffeken bekenne unde betughe openbear in dessem breve, dat ik myt willen unde vulborde Johans Durekeop, myner zuster/ sone, Jacobes Pal, Reyners unde Johans, syner sones, alle myner erven unde alle der ghenner, der ere wille unde vulbord dar to horet,/ hebbe vorkoft unde vorkope to enem steden vasten ewighen ervekope der ersamen vrowen Alheyde, ebdisschen, vor Ghezen, prior/nen, deme gantzen convente des closters sunte Marien tom Lyliendale unde eren nakomelinghen vor vifteyn Bremer mark, so to Bre/men vor der wessele ghinghe unde gheve synt, de my to willen wol betalet synt, jarliker rente ener Bremer mark in mynem halven/ lande, dat gheleghen is to Wourtvlete, myt der were unde nou to tiden sulven buwe unde is dat vifte van der Helmerde in dat zuden, gehe/heten in der Resingheove. Dar bii beleghen is Clawes Clevezadel myt siinem gude in dat zuden, by der anderen halve Clawes Schroder/ in dat norden, nicht utghesproken, van rechtes ewighen ervekopes wegene vrigliken to hebbende, to besittende unde to brukene. Unde de/ vorscrevene jarlikes rente schole wii unde unse erven ofte we dat gud in besittinghe edder in weren heft en betalen twischen sunte Micha/elis unde sunte Mertens daghe van rechte unde
Laufzeit
08.03.1450
Enthält
van tynses wegene alle iar. Unde de vorscrevene rente ener Bremer mark schal komen to de/me denste godes in de kosterigge to wyne unde to oblaten. Unde wii hebben en ghelaten unde latet in dessem breve den eghendom unde de/ besittinghe der vorscrevenen rente in deme ergenanten halven lande in ere hebbende besittende brukelike were, so men eghendom unde besittinghe/ rente in erveguden van rechte to latende plecht. Unde ik Johan Gheffeken, Johan Durekop, Jacob Pal, Reyner unde Johan ergenant unde/ unse erven scholen unde willen der ergenanten vrowen Alheyde, ebdischen, Ghesen priomen, deme gantzen convente vorbenant unde eren/ nakomelinghen der vorscrevenen jarlikes rente rechte warende wesen vor allerleye ansprake, ghestlik unde werlik, vor boren unde/ ungheboren, wanne, wor unde wo dicke en des not unde behof is unde ze dat van uns esschen edder esschen latet. Ok hebbet ze uns/ unde unses erven de gnade ghegheven, dat wii de vorscrevene jarlikes rente ener Bremer mark moghen wedder kopen bynnen den/ neghesten druttich jaren na lude desses breves to allen sunte Peters daghen, alzo he uppe den stol gheseed wart, vor de vorscrevenen/ vifteyn Bremer mark alle iar, wanner wii willen, wo wii en den wedderkop vor kundighen in den hilghen twelf daghen to/ Wynachten, de den vorscrevenen sunte Peters dach neghest vorgande synt. Were ok dat wii unde unse erven de vorscrevene rente ener/ Bremer mark bynnen den neghesten druttich jaren nicht wedder koften, so en schole wii dar nenen wedderkop meer an heb/ben, men id schal ere stede rechte vaste ervekop bliven to ewighen tiden. Alle desse vorscrevenen stucke love ik Johan Gheffeken,/ Johan Durekeop, Jacob Peal, Reyner unde Johan, myne sones, alle ergenant vor uns, unse erven unde alle de ghenne, der ere wille/ unde vulbord dar to horet, in guden truwen stede vast unde unvorbroken to holdende sunder ienigherleye weddersprake,/
hulperede, nyevunde edder arghelist. Des to mererer betuchnisse hebbe wii Johan Gheffeken, Johan Durekop, myner zuster/ sone, Jacob Peal, Reyner unde Johan, myne sones ergenanta, vor uns, unse erven unde alle de ghenne, der ere wille unde vulbord/ dar to horet, unse rechten inghezeghele witliken unde myt gudem willen ghehanghen to dessem breve. Gheven na godes/ bord dusent veerhundert jare dar na in deme viftighesten jare, in deme sondaghe, alzo men synghet Oculi mei.
a Reyner und Johann werden in Zeile 2 als syner sones und unten als myne sones geführt. Es scheint sich unten um eine Verschreibung zu handeln.
Index-Gruppe
GEOB
Helmer (Helmerde), FN in Wurthfleth
PERS
Alheyd, Äbtissin Kloster Lil. (1439-1462)
SACH
bruken
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen