Identifikation
Titel
Johann Buck verkauft mit Zustimmung seiner Frau Grete, seines Bruders Hermen und seiner Söhne Dietrich und Arend dem Kloster Lilienthal für fünfzehn Mark auf vierzig Jahre wiederkäuflich eine Rente von jährlich einer Mark aus seinem Land mit Hofstelle (were) in Neuenkirchen, das er zur Zeit selbst bewirtschaftet.
Ausfertigung Pergament, 25 x 16,5 cm. - Rep. 3 Lilienthal, Nr. 489. - 4 Siegel angehängt, fehlen. - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 328 nach +Kopiar Lil. II, 149, Nr. 251.
Ik Johan Beuck bekenne unde betughe openbear in dessem breve, dat ik myt willen unde vulborde Greten, myner echten/ husvrowen, Hermens, mynes broders, Dyderikes unde Alberens, syner sones, alle myner erven unde alle der ghenner, der/ ere wille unde vulbord dar to horet, hebbe vorkoft unde vorkope in dessem breve to enem steden rechten ewighen/ ervekope der ersamen ghestliken vrowen Alheyde, ebdischen, Ghesen, priornen, deme gantzen convente des clos/ters sunte Marien tom Lyliendale unde eren nakomelinghen vor vifteyn Bremer mark, de my to willen wol be/talet synt, ene Bremer mark gheldes jarliker rente in mynem helen lande in deme velde to Nyenkerken an gehst/ unde an mersch myt der were in deme dorpe darsulves, gheleghen by deme kerkhove in dat norden, dar ik nu to/ tyden ieghenwardich sulven uppe wone unde buwe, myt aller rechticheit unde tobehoringhe, nicht utghesproken, van/ rechtes ewighen ervekopes wegene vrigliken to besittende, to beholdende unde to brukende unde de vorscrevene [jarlike]/ rente ener Bremer mark schal ik unde wille edder we dat vorscrevene hele lant myt der were in besittinghe of[te in were]/ heft, vlocket edder vluset, en betalen bynnen den hilghen twolf daghen to Wynachten reken unde unbeworen [van rechtes]/ unde van tynses weghene alle iar. Unde ik hebbe en ghelaten unde late ieghenwordich in dessem breve
Laufzeit
22.02.1450
Enthält
[uppe deme] kerk/hove to Nyenkerken vor deme kerspele den eghendom unde de besittinghe der vorscrevenen rente e[ner Bremer mark] / in deme ergenanten lande in ere hebbende besittende brukelike were, so men eghendom unde besitti[nghe rente in erve]/ gude van rechte to latende plecht. Unde ik Johan Beuck vorbenant unde myne erven scholen unde willen der [ergenanten]/ vrowen Alheyde, ebdischen, Ghesen, priornen, deme gantzen convente des vorbenanten closters unde [eren nakomelinghen]/ der vorscrevenen jarlikes rente in deme ergenanten lande rechte warende wesen vor allerleye ansprake gh[estlik unde wer]/ lik vor boren unde ungheboren, wanne, wor unde wo dicke en des neot unde behof ys unde ze dat van uns esschet/ edder esschen latet. Ok hebbet ze my unde mynen erven de gnade ghegheven, dat wy de vorscrevene jarlikes rente ener/ Bremer mark moghen wedder kopen bynnen den neghesten veertich jaren na lude desses breves to allen sunte Pe/ters daghen, alzo he uppe den steol ghezet wart, vor de vorscrevenen vifteyn Bremer mark alle jar, wanner wy willen,/ wo wy en den wedderkeop kundighen in den hilghen twolf daghen to Wynachten, de den vorscrevenen Peters dach ne/ghest vorgande synt. Alle desse vorscrevenen stucke love ik Johan Beuck vor my unde myne erven unde alle deghenne, der er/ wille unde vulbord dar to horet, in guden truwen stede vast unde unvorbroken to holdende sunder jenigherleye hul/ perede, nyevunde edder arghelist. Des to mererer betuchnisse hebbe ik Johan Beuck, Hermen, myn broder, Diderik unde/ Alberen, syne sones vorbenant, vor uns, unse erven unde alle der ghennen, der ere wille unde vulbord dar to horet, unse/ rechten inghezeghele witliken unde myt gudem willen ghehanghen to dessem breve. Ghescreven na godes bord dusent/ veerhundert jar darna in deme viftighesten jare, in deme sondaghe, alzo men synghet Invocavit.
Datierung: 1450 Februar 22,
Neuenkirchen
Index-Gruppe
GEOB
Neuenkirchen (Nienkerken, Nigenkercken, Nigenkerken, Niggenkerken, Nigghenkirchen, Nyenkerken), ON in Gm. Schwanewede
PERS
Alheyd, Äbtissin Kloster Lil. (1439-1462)
SACH
bruken
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen