Identifikation
Titel
Die Brüder Hermann und Alverich von Wersebe, Knappen, verkaufen dem Kloster Lilienthal für sechzig Mark auf acht Jahre wiederkäuflich ihr Gut in Finna, das zur Zeit Kersten, Godsykes Sohn, bewirtschaftet.
Ausfertigung Pergament, 25 x 17,5 cm. - Rep. 3 Lilienthal, Nr. 437. - 4 Siegel angehängt, 1. Hermann von Wersebe, 2. Alverich von Wersebe, 3. Hermann von Wersebe, Propst zu Rüstringen, 4. Hinrich von Wersebe, alle Siegel von Wersebe (1) nach Trüper, Ritter und Knappen, S. 972. - Rückvermerk: To Vynne (15. Jh.), Tor Vynne erve gut de van Wersebe (15. Jh.), Finne (17. Jh.) - Druck: Pratje, Altes und Neues 5, S. 347. - Regest: Pratje, Altes und Neues 5, S. 364; StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 296 nach +Kopiar Lil. II, 149, Nr. 272.
Wy Herman unde Alverick, brodere gheheten van Wersebe, Ghiseken sone, knapen, bekennet unde betuget/ openbare in dessem breve, dat wy mit willen unde vulbort alle unsser erven unde aller der ghennen, der/ ere wille unde vulbort dar to horet, hebbet vorkofft unde vorkopet in dessem breve to eneme steden rech/ten vasten ewighen ervekope der ersamen gheistliken frouwen Tibben, ebbedisschen, frouwen Berten,/ priorenen, unde deme gantzen convente des closters sunte Marien tom Liliendale, des ordens van/ Cisters, in deme stichte to Bremen, unde eren nakomelingen vor sestich Bremere marck, so tho/ Bremen vor der wessele ghinge unde gheve sind, de uns to willen degher unde all betalet sint, unsse/ gut gheleghen to Vynne, dat nu to tiden buwet unde uppe wonet Kersten, Godsykes sone, myt were,/ myt ackere buwet unde unghebuwet, myt holte, myt heyde, myt watere, myt wissche, myt weyde, myt/ aller rechticheit unde tobehoringe, nicht utesproken, van rechtes ewighen ervekopes wegene vor vry/ erve gut vryliken to hebbende unde to besittende. Unde wy hebbet en ghelaten unde latet in dessem/ brieve den eghendom
Laufzeit
08.02.1433
Enthält
unde de besittinge des vorscreven gudes in ere eghentlike hebbende besittende bru/ kelike were, so men egendom unde besittinge vriges ervegudes van rechte to latende plecht./ Unde wy Herman unde Alverick, brodere, knapen vorbenompt, unde unsse erven schullet unde willet der/ vorbenomden frouwen Tibben, ebbedisschen, frouwen Berten, priorenen, unde deme gantzen conventhe/ des closters sunte Marien tom Liliendale vorscreven unde eren nakomelingen des vorscrevenen gudes/ myt syner rechticheit unde tobehoringe rechte warende wesen vor boren unde ungeboren unde vor/ allerleygea ansprake, gheistlick unde werltlick, wanne, wor unde wo dicke en des noot unde behuff/ is unde se dat van uns esschet edder esschen latet. Ock so hebbet se uns unde unssen erven de ghenade/ gheven, dat wy dat vorscrevene gud moghen wedder kopen bynnen den neghesten achte iaren na utghiffte/ desses breves, wo wy en den wedderkop vore kundeghen in den hilghen tweleff daghen to Wynachten/ alle jar, wanner wy willen, unde denne to sunte Peters daghe, also he uppe den stool gheset wart,/ dar neghest volgende schulle wy unde willet en de vorscrevenen sestich Bremere marck to willen woll/ betalen sunder yenigerleyge hinder unde lenger vortoch. Were ock dat wy dat vorscrevene gud nicht/ wedder kofften binnen den negesten achte jaren, also vorscreven is, so ne schulle wy noch unse erven/ dar nenen wedderkop meer ane hebben, men so scal it ere stede rechte vaste ervekop bliven to ewi/ghen tiden. Alle desse vorscrevenen stucke unde articule love wy Herman unde Alverick, brodere vorenompt,/ Herman van Wersebe, provest to Rustringe, Hinrick van Wersebe, borchman to Haghene, knape, myt/ samender hant in guden trouwen der vorbenompden frouwen Tibben, ebdisschen, frouwen Berten, priorenen,/ unde deme gantzen convente des closters sunte Marien tom Liliendale unde eren nakomelingen stede/ vast unde unvorbroken to
holdende sunder yenigherleyge weddersprake, hulperede, nygevunde unde/ arghelist. Des to tughe hebbe wy Herman, Alverick, Herman unde Hinrick, alle gheheten van Wer/sebe vorbenompt, unsse inghesegele hangen to dessem breve. Datum anno domini millesimo quadrin/gentesimo tricesimo tertio, dominica proxima post festum beate Dorothee virginis.
a Vorlage hat allerlerleyge.
Index-Gruppe
GEOB
Finna (Finne, Vynne), ON in Gm. Bramstedt
PERS
Berta, Priorin Kloster Lil. (1419-1434)
SACH
Wersebe, Alverich von
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys