Identifikation
Titel
Dietrich Tideken aus dem Hollerland und seine Söhne Johann, Reyneke, Friedrich, Lippold und Dietrich verkaufen dem Johann Watervorer, Dekan an St. Ansgari in Bremen, für zwölf Mark wiederkäuflich eine jährliche Rente von drei Verding aus einem Stück Land zu Rock winkel
Ausfertigung Pergament, 29,5 x 13,5 cm. - Rep. 3 Lilienthal, Nr. 518. - 8 Siegel angehängt, 1., 2. 5., 6. und 7. nur Einschnitte in der Plica, 3. Presselrest: 4. Lippold Tideken, 8. Johann Brocwedel. 3 Siegel liegen lose an, eins davon Friedrich Tideken, zwei weitere stark beschädigt und restauriert.
Wii Diderick Tideken wonaftich in deme Hollerlande, Johan, Reyneke, Frederick, Lippolt unde Diderik, sine zones, bekennet unde betuget opembare in dessem/ breve, dat wii mit willen unde vulbort al unser erven hebben vorcoft unde vorkopet in dessem breve dem ersamen heren her Johanne Watervorer,/ dekene to sunte Anscharies kerken to Bremen, unde dem holdere desses breves sunder sine weddersprake vor twelff Bremer mark, so to Bremen vor/ der wessele ginge unde geve sint, de uns van em to unser noghe degher unde al betalt sint unde wii in unse nut unde behoff gekeret hebben, jarliker/ rente unde tinse dryger Bremer verdinge in enen unsen stucke landes, dat gelegen is tom Rokwinkele in dem kerspele ton Overnigenlande unde/ geyt van dem Achterdiike wente to der Dusterlake, int osten by der enen ziide Diderik des Roden gud unde by der anderen ziiden belegen eyn/ stucke, dat höret den kerckheren to den Ovemigenlande, unde in alle siner rechticheit unde tobehoringe to enen steden vasten ervecope to bru/kenne, to hebbende unde to beholdene. De sulven rente unde tinse dryer Bremer verdinge wii unde unse erven edder de dat stucke landes under han/den hefft, de dat vlocket unde vluset, scholet unde willet betalen bynnen Bremen den vorbenanten her Johanne dekene edder dem holdere desses bre/ves vorscreven van den
Laufzeit
18.07.1460
Enthält
vorscrevenen stucke landes unde alle siner rechticheit unde tobehoringe des ersten sondages in der Vasten, nomptliken des/ sondages Invocavit, alle iar sunder jenigerleye lenger vortoch unde insage. Vortmer so hebben wy Diderik Tideken, Johan, Reyneke, Frederic,/ Lippolt unde Diderick, sine zones vorbenant, vor uns unde unse erven gelaten unde latet in dessem breve dem vorbenanten her Johanne dekene unde deme/ holdere desses breves vorscreven de jarliken rente unde tinse dryer Bremer verdinge in den vorscrevenen stucke landes in ere egelike were unde be/sittinge in aller wise, also men rente unde tinse in ervegude in were unde besittinge van rechte laten schal. Unde wy unde unse erven scholet unde/ willet en der jarliken rente unde tinse vorscreven in den vorscrevenen stucke landes rechte warende wesen unde vulle warschup don vor alle gebrek,/ ansprake unde anclage, wanner, wor unde wo dicke en des not unde behoff is unde ze dat van uns esschet ofte esschen latet sunder ienigerleye hulpere/de, nyevunde unde argelist. Ok so mögen unde willen wy vorkopers vorscreven unde unse erven de vorscrevene jarliken rente unde tynse dryer Bremer/ verdinge uth den vorscrevenen stucke landes weddercopen vor de vorscrevenen twelff Bremer mark hovetsummen unde renten tosamende alle jar upp/ den ersten sondach in der Vasten, nomptliken Invocavit, wo wy en den weddercopp tovoren vorkundigen to sunte Peters dage ad Cathedram/ den vorscrevenen sondag Invocavit erst voregande. Des to tuge so hebben wy Johan Tideken, Johan, Frederik, Lippolt unde Diderik, brodere, des/ vorscrevenen Diderik Tideken sones, unse ingezegele witliken gehangen to dessem breve. Unde went wy Dideric Tydeken vorbenant unde sine zones/ Reyneken Tydeken ok vorbenant ingesegele in sine rechten stede mede gehangen hebben an dessen breff, alse he iegenwardich buten landes is, so wille/ wy vader unde sones, sine brodere
alle vorbenant, den vorbenanten dekene unde deme holdere desses breves dar gud vore wesen unde lovet en in dessem breve,/ dat he dessen breff schal holden in vuller macht unde staen mit uns vor alle gebrek unde don mit uns unde geliic uns willenkomene warschupp, alze des/ not unde behuff is. To meren betuginge, dat wy Wilken Stuve unde Johan Brokwedel in dessen degedingen unde kope an unde over gewesen heb/ben, hebben unse ingezegele umme bede willen mede gehangen to dessem breve. Gegeven na godes bort XIIIIC in deme sestigesten jare, des vry/dages na der Twelff apostel dage.
Index-Gruppe
GEOB
Bremen, kichliche Konvente, Ansgari
PERS
Achterdik (Achterdyk, Achterndyk), FN in Rockwinkel
SACH
Brochwedel (Brockwedel), Johann
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen