Identifikation
Titel
Merten Brutte, seine Söhne Syverd und Johann, sein Bruder Friedrich Brutte und Johann de Rese verkaufen dem Kloster Lilienthal für zwölf Mark den halben Mühlenkamp in Uthlede, der aus vierzehn Stücken auf dem Felde zu Uthlede besteht und von Claus Hatwerd in Meierschaft bewirtschaftet wird.
Ausfertigung Pergament, 34,5 x 33 cm. - Rep. 3 Lilienthal, Nr. 358. - 8 Siegel angehängt, 5., 7. und 8. fehlen, ein Siegel (1.) in Teilen lose anliegend neu befestigt: 1. Merten Brutte, 2. Syverd Brutte, 3. Johann Brutte, 4. Johann de Rese, trotz schlechter Erhaltung scheint das Siegelbild der Brutte zu erkennen zu sein, 6. Luder von Garlstedt. - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 261 nach +Kopiar Lil. II, 149, Nr. 288.
Wy Merten Brutte, Syverd unde Johan, sine sones, Frederik Brutte, des sulven Mertens broder, unde Johan de Rese bekennet unde/ betughet openbare in dessen breve vor al den ghenen, de ene seed eder horet lezen, dat wy myt wisschop unde vulbord al unser rechten/ erven, de de nu levendich sint, ok bekenne wy vor unse erven, de noch moghen boren werden, de desse nabescrevenen stucke an roren/ mach, dat wy hebbet vorkoft unde vorkopet an dessem breve der erliken gheystliken vrowen ver Greten, der ebbedissen des clostres/ to den Lyliendale, unde deme gantzen convente dar sulves unde eren nakomelinghen to ewighen tyden to enen rechten ewighen steden vasten erve/ kope den halven Molenkamp, dede heft verteyn stucke landes gheleghen up deme velde to Utlede, de mank des hilghen Cruces lande,/ den nvu to tyden buwet in meyerstead Clawes Hatwerd, dat unse vrie eghene erve is. Des sulven landes geat veer stucke nordert up/ eynen eckbusch, sudert up den Molenwech, unde twe stucke geat over den Molenwech up de heyde, ok geat twe stucke ostert unde westernt/ by enen bussche dale, de licht up de nortsyden. Vort en stucke dat gheyt
Laufzeit
08.05.1415
Enthält
ostert in enen busch, dar by over en stucke dar licht en/ stucke, dat gheyt ostert in den sulven busch, echt en stucke over en stucke, dat gheit up den sulven busch, item twe stucke to samende up/ den sulven busch, dar by over en stucke echt en stucke, dat gheit up den sulven busch. Dit lant licht mank des hilghen Cruces lande vorscreven/ unde vorkopet en dat vor vry ervegoud sunder alle lantplicht, alzo wij unde unse erven dat beseten hebbet wente an desse tijd, myt aller/ rechtiheyt unde tobehoringhe unde aller nvut to ewighen tijden stedeliken unde erfliken to besittende unde to brukende vor twelf Bremer mark,/ alzo nu to tijden to Bremen upper wessele ghinghe unde gheve synt, de uns na willen degher unde al in enem hope betalet sint. Ok so/ hebbe wij unde unse erven ghelaten unde latet in dessem breve der erghescreven ver Greten ebbedissen unde convente unde eren nakomelinghen/ den eghendom unde were des vorscreven halven Molenkampes myd siner tobehoringhe nvu mer unde to ewighen tijden to nomende des/ clostres vrie eghene goud unde latet en den eghendom unde were desses gudes, alzo men vrig ervegud to latende plecht, se des to/ brukende unde dar van to schickende na erem willen to ewighen tijden, unde wij unde unse erven deot des gudes gantze vorticht. Vortmer/ so wille wij unde unse erven, boren unde ungheboren, der vorghenompden ver Greten ebbedissen unde convente unde eren nakomelinghen/ des vorscreven landes myt siner tobehoringhe ere rechte warent wesen, wor, wanne unde wo vakene en des not unde behoff is unde/ se dat van uns esschet eder esschen latet. Were ok dat desset vorscreven lant van ervetales weghene iement wolde eder mochte/ an spreken in na tijden boven desse nabescrevenen erven, dene schole wij unde willet dar to vermoghen dessen kop unde verlatinghe/ to vulbordende sunder der vorscreven ver Greten, ebbedissen, unde des conventes unde erer
nakomelinghe schaden. Alle desse vorscreven/ articule unde stucke unde eyn islik besunderghen love wij Merten Brutte, Syverd unde Johan, sine zones, Frederik Brutte, Mertens/ broder, unde Johan de Rese vor uns unde vor al unse erven, boren unde ungheboren, an guden truwen alle hulperede unde nyge vunde/ ut ghesproken der erghenompden ver Greten, ebbedissen, unde convente to den Lyliendale unde eren nakomelinghen to ewighen/ tijden ane alle arghelist stede unde vaste unvorbrokende to holdende. Des to tughe unde ewigher dechtnisse unde bekantnisse so/ hebbe wij alle unse ingheseghele vor uns unde unsen erven witliken ghehanghen an dessen breff. Vortmer wij Luder van/ Gherlstede, Luder unde Frederik, sine sones, bekennet unde bethughet openbare in dessen breve vor uns unde unse erven, gheboren/ unde ungheboren, dat wij dessen ervekop des vorscreven halven Molenkampes myd syner tobehoringhe dene Merten Brutte,/ Syverd unde Johan, sine sones, Frederik Brutte unde Johan de Rese unde ere erven ghedan hebbet vor Greten, der ebbedissen,/ unde deme convente to den Lyliendale unde eren nakomelinghen, ghevulbordet hebbet unde vulbordet in dessem breve unde willet/ den kop stede unde vast holden to ewighen tijden ane alle arghelijst. Des to thughe unde vurder bekantnisse so hebbe wij/ alle unse ingheseghele na der vorscreven Merten Brutten, Syverdes unde Johannes, siner sone, Frederikes Brutten unde Johans/ des Resen ingheseghelen witliken ghehanghen an dessen breff. Ghegheven unde ghescreven na godes bord dusent veer hundert/ an den vifteynden iare, des hilghen avendes godes Himmelvart, de do was des midwekens na sunte Johannes daghe/ ante portam Latinam.
Index-Gruppe
GEOB
Hilghen Cruces land, FN in Uthlede
PERS
Brutte (Brute, Brutten), Friedrich (1394-1419)
SACH
Brutte, Johann
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen