Identifikation
Titel
Willeken von Stelle und seine Söhne Hermann und Dietrich, Knappen, verkaufen dem Kloster Lilienthal für achtundzwanzig Mark den Zehnten von einem halben Land auf der Steller Geest sowie den Zehnten von einer Wurt, genannt de Gutepoles wurt, und einem Streifen in Stuffel.
Ausfertigung Pergament, 35,5 x 24 cm. - Rep. 3 Lilienthal, Nr. 362. - 6 Siegel angehängt, 2., 3., 5. und 6. fehlen: 1. Wilken von Stelle, hoher Fuß eines Pokals erkennbar, Oberteil fehlt durch Bruchstelle, 4. Johann von den Broke. - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 262 nach +Kopiar Lil. II, 149, Nr. 208.
Wy Willeken, Hermen unde Diderik, des sulven Willekens sone, knapen gheheten van Stelle, bekennet unde bethughet/ openbare an dessen breve vor alle den ghenen, de dessen bref zeed edder hored lezen, dat wy myt willen unde myt/ vulbord alle unzer rechten erven, boren unde ungheboren, hebbet vorkoft unde vorkopet an dessen ieghenwardighen breve/ der ghestliken vrowen vor Grethen, der ebbedisschen, unde den ghanzen convente des closteres sunte Marien to den Lyliendale/ vor achtentwintich Bremer marc, de uns degher unde al na willen an guoeden gyfteghen ghelle betalet zint, alze vor der/ wessele to Bremen ghinghe unde gheve is, enen thegheden over eyn hallif lant in gheest unde in merscha, dat gheleghen/ is uppe der Steller gheest, unde enen tegheden over ene wurt, dede gheheten is de Gutepoles wurt unde is gheleghen uppe/ der Lutteken gheest by der Tiogheten, unde enen strepel uppen Stuffel, dede gheleghen is de ander strepel van der lantwere,/ desses vor schrevenen halven landes tegheden unde vurt unde strepeles an gheest unde an mersch myt aller rechtegheyt unde to/behoringhe to eynen rechten steden vasten erven kope ewichliken to ewighen tyden to brukene. Unde wy vorescrevenen Willeken,/ Hermen unde Diderik, des sulven Willekens sone ghehethen van
Laufzeit
24.02.1417
Enthält
Stelle, unde alle unze rechten erven hebbet den vorscrevenen/ convente des closteres to den Lyliendale de bezittinghe unde den eghendom des vorscrevenen halven landes tegheden unde/ wurt unde strepeles tegheden vorscreven in de were ghelaten uppe deme hove to Nyenkerken vor deme kerspele, alzeme/ bezittinghe unde eghenduom tegheden unde vrye erve goud to latende plech. Unde wy Willeken, Hermen unde Diderik, Willekens sone,/ unde alle unze rechten erven, boren unde ungheboren, scholet unde willet den vorscrevenen clostere rechte warene wezen, wanne,/ wor unde wo dicke em des noed is unde wy dar to esschet werdet. Tho eyner vasten wissen betuchnisse vastliken unde unvorbroken/ to holene ane ienegherhanne arghelist, nyevunde unde hulperede zo hebbe wy Willeken, Hermen unde Diderik vorescreven/ witliken unde myt guden willen unze inghezeghele hanghenb an dessen bref. Oc to eyner mereren bethuchnisse zo bekenne wy/ Johan van den Broke unde Frederik unde Lyppelt gheheten van Reken, dat wy over dessen vorescrevenen kope wezen hebben./ Alzo hebbe wy dor bede Willekens unde Hermenes unde Diderkes vorescreven unze inghezeghele mede hanghen an dessen/ bref. Gheven unde screven na godes bord duzent iar ver hundert an den seventeyneden iare, en hilghen daghe sunte Mathias/ des hilghen aposteles.
a Vorlage hat merch;
b hanghen über der Zeile nachgefügt.
Datierung: 1417 Februar 24, Neuenkirchen
Index-Gruppe
GEOB
Broke (Brocke), Johann van dem (1403-1420)
PERS
Gutepoles wurt, FN in Stelle
SACH
Broke, Johann von dem
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen