Identifikation
Titel
Priester Hinrich Wurding verkauft mit Zustimmung seiner Mutter Beken, seiner Schwester Wobbeken und deren Ehemanns Johann Boleman dem Kloster Lilienthal für zweihundert Mark rückkäuflich seinen aus drei zehntfreien Stücken bestehenden Besitz in Vahr.
Ausfertigung Pergament, 31,5 x 19 cm. - Rep. 3 Lilienthal, Nr. 377. - 4 Siegel angehängt: 1. Hinrich Wurding, 2. Johann Roleman, 3. Hinrich Ammo, 4. Hinrich Geffken, alle mit schwarzem Wachs in gelber Schüssel. - Als Insert auch in Urkunde von 1459 Oktober 2 (UB Nr. 536) überliefert.
Ik Hinric Wurding prester bekenne unde betuge openbare in unde myt dessem breve, dat ik myt willen unde vulbord vor Beken, myner moder, Wobbeken, myner/ suster, unde Johan Bolemans, eres eelijken mans, unde alle myner erven hebbe vorkoft unde vorkope ieghenwardich in desseme breve den werdigen gheestlijken vrouwen/ vor Tibben 1, ebdesschen, Berthen, prioren, eren nakomelingen unde deme gantsen convente des closters to deme Lyliendale, des ordens van Cistertie, in deme stichte/ to Bremen beleghen, vor twe hundert Bremere mark, alz to Bremen vor der wessele ghinghe unde gheve sind, de my unde mynen erven deger unde al tor noghe/ in redem ghelde sind betalet unde wy van on entfangen unde in unsse nuth ghekaerd hebben, myn ghud beleghen to der Vore, des dree stucke sind unde/ teghet vrij is, dat sijk strecket van deme Korfvlete wenthe to deme Achter dijke, dar by ghelegen Arnd Koghelken ghud in dat norden unde Johan Mundes stuc/ ke in dat suden, myt veer bomgharden unde eene wurd ghelegen in deme Hofstalle, myt ackere buwet unde unghebuwet, myt wathere, weyde, alle eren rech/ticheiden unde tobehoringhen, nicht uthbescheden, van rechtes kopes weghene vor vrij erveghud erflijken to hebbende, brukende unde to besittende. Ok hebbe/ ik on ghelaten unde lathe in craft desses breves de besittinge des vorscrevenen ervegudes in ere hebbende
Laufzeit
12.09.1419
Enthält
brukeliken rouwelike unde besittende were, so men/ uplatinge unde besittinge ervegudere van rechte to latende plecht. Ok willen unde schullen ik Hinric, myne erscrevenen medeben(ompden) unde rechten erven den/ vorben(ompden) vrouwen ebdesschen, prioren, eren nakomelinghen unde gantsen convente tom Lyliendale der vorscrevenen ghudere myt alle eren rechticheiden/ unde tobehoringen rechte warende wesen vrij unvorkoft unvorpendet unde van aller rechten ansprake bynnen den neghesten veerteyn daghen, alz se uns/ dat witlijk don, entheven unde benemen, wor, wanne unde wo vakene on des noet ofte behoef is unde se dat van my, mynen medeben(ompden) edder rechten erven/ esschen edder esschen lathen. Jodoch so hebben de vorben(ompde) vrouwen ebdessche, priore unde convent my unde mynen bedeben(ompden) unde erven de gnade ghegheven, dat/ wy bynnen vif iaren nae ghifte desses breves negestvolghende dat vorgerorde gheud myt aller tobehoringe, zo alze ik on dat vorkoft hebbe, vor de vor/ benompten summen, alz twe hundert Bremere mark, alle yar wedder kopen moghen, so vurder wy on den wedderkop thovornen vorkundighen unde witlijk/ doen in den hilgen twolf nachten to Wynachten unde denne dar nae to sunthe Peters dage, alz he up den stoel waerd gesath, Cathedra ghenompt, negest/ volghende, den vorben(ompden) vrouwen ebdesschen, prioren, eren nakomelingen ofte convente de vorben(ompden) twe hundert Bremere mark myt reden pennyngen/ sunder ienigerleye hinder edder vertoch bynnen der stad Bremen vor der wessele deger unde al in ener summen myt allen nastandighen tinszen van/ den erben(omden) ghuderen wol to dancke betalen. Were ok sake, dat ik, myne medeben(ompden) unde erven sodanne gudere myt eren tobehoringhen in den neghest/ volghenden vif iaren nicht wedder koften in vorgherorder wise, denne wan de vorscrevenen vijf iar sind gheleden, so willen ik noch myne medeben(ompden)/ ofte
erven dar ane nenen wedderkop vurder hebben. Sunder wy vorlaten unde vortigen des gudes genslijken in craft desses iegenwardigen breves to/ enen steden rechten vasten ervekope by deme vorben(ompden) clostere to ewighen tijden genslijken to blivende, so dat se denne vortmeer der vorscrevenen gudere/ moghen bruken, de vorkopen, vorbuthen, vorgheven unde dar mede maken alz mit eren rechten ervegude nae erem willen. Unde vortigen ok alles/ eghendomes rechticheide, de wy in den guderen mochten hebben, alles rechten gheestlijk, werlijk unde alles behelpes, des wy hijr entiegen mochten/ bruken unde dar mede denne sodanne vorlatinge des ervetales mochte vorhindert werden. Alle desse vorscrevenen stucke samptlijken unde besunderen/ love unde rede ik Hinric Wurding vorben(ompd) vor my, myne boven benompten unde erven in guden truwen stede vast unde unvorbroken wol to holden/ sunder alle hulperede unde lijst. Des to bekantenisse unde openbarer oerkunde hebbe ik Hinric erben(ompd) myn rechte eghene ingesegel vor my, myne/ moder undc unsse erven, unde ik Johan Boleman vor my unde Wobbeken, myne echten husvrouwen, unde unsse erven ok myn eghenen rechte/ ingesegel by den vorben(ompden) herrn Hinrikes ingesegele witliken eendrachtlijken unde myt guden willen ghehanghen vor dessen bref. Unde wy Hin/ ric Ammo, canonic to Wüdeshusen, unde Hinric Gheffeken, prester, went wy hijr an unde over wesen unde desset alse vorscreven is mede deghedinget/ unde handelt hebben, so hebbe wy ok to merer tuchenisse unde umme bede willen der vorben(ompden) beiden parte unsse rechten eghenen inghesegele ok/ witlijken hanghen hethen vor dessen bref, de ghegeven is na godes bort veerteyn hundert yar dar nae in deme negenteynden jare, des dinxsedages/ nae Nativitatis Marie.
1 Tibbe ist hier als Äbtissin genannt, obwohl davor 1419 (Nr. 393) und auch danach 1429 (Nr. 398) Lutgardis (de Huda) ab Äbtissin
geführt wird. Kann Tibbe vielleicht eine Art Kosename sein?
Index-Gruppe
GEOB
Hoftstall, FN in Vahr
PERS
Achterdik (Achterendik, Achterdiik, Achterndiek), FN in Vahr
SACH
Ammo, Hinrich
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen