Identifikation
Titel
Merten von Gröpelingen, seine Frau Ghese und seine Schwiegermutter Grete, Witwe des Rycbern von Uthlede, verkaufen dem Kloster Lilienthal für dreißig Mark ihr aus mehreren beschriebenen Einzelstücken bestehendes großes Viertel Land auf dem Felde zu Uthlede, deren Zehnt dem Kloster schon gehört.
Ausfertigung Pergament, 31 x 36 cm. - Rep. 3 Lilienthal, Nr. 307. - 8 Siegel angehängt, fehlen. - Abschrift: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 234 nach +Kopiar Lil. II, 149, Nr. 294.
Ic Merten gheheten van Gropelinghe unde Ghese, myn echte husvrowe, unde vor Grete, myner husvrowen moder,/ dede ichteswanne wezen hadde Rycbernes echte husvrowe van Uthlede, bekennet unde betuget apenbare an dessen ieghenwar/ dighen breve, dat wy myt willen unde vulborde alle unzer erven unde alle der ghener, den id antred ofte antreden mach, heb/bet vorkoft unde vorkopet in dessen breve to enen rechten steden ewighen erve cope den erbaren geystliken juncvrowen vorn Greten,/ der ebbedisschen, unde den ganzen convente des closteres to den Lyliendale unzen groten verdendel landes myt aller rechtigeyt unde to/behort, alze dat gheleghen is weghelikes unde unwelikes uppe den velle to Uthlede, beyde in geyst unde in mersch, vor vry gouet,/ nicht uthghesproken zunder allene den tegheden, de des closteres to den Lyliendale hort, vor dortech Bremer marc, de uns deggere/ unde al wol betalet zunt an goueden gyftegen gelle. Unde des vorebenomden verdendeles gouedes lycht to den ersten up der gest/ buten der lantwere, en stucke by den Dornbussche unde by des Hovemeyieres stucke; by der brake en luttic stucke, dat licht/ by Brutten stucke; enen acker, dede geyt over den Wolt wecht bet uppe den Molenpat; en ant, dat licht by den Doden breden/ to; en smal acker licht uppe den Wolde unde geyt by Mertenes, Luderes sone, to over den Wolt. De negeste bloc to den stege,/
Laufzeit
14.02.1399
Enthält
dhe hort to den groten verdendele, uppe den Redeschen hope, dar licht en stucke, unde dat negeste stucke, dat dar by licht,/ dat hort Ludere van den Hesen to; en stucke uppe den Hanckampe; enen bloc under den Hanckampe by der Hilgen sele; by Otten/ Walle veer stucke, dar scouth Sebeken lant up; enen bloc uppe den olen dorpe, dat schut myt enen ende uppe en stucke,/ dat hort Ludere van Gerlstede; en lemiarde a, dat licht by Mertene, Luderes sone, an der vore; en half clif acker, dar/ heft Luder van den Hesen enen by; enen halven clif acker, dar licht Luder van den Hesen uppe der enen side unde Merten,/ Luderes sone, uppe de anderen siden; en acker by Albren, Iden sone, dat is de droudde van der tyogheden; ver blocke/ by deme lutteken More, de ene schout uppe de lantwere; an der mersch en enehorlink, enen strenc dor b de hove,/ de geyt over den Hovel; enen bloc under den Hanckampe, dar dat velet an geyt; ene houtwisch, dede licht by den kerche/ren to; ene leswisch, de oc licht by den kercheren to; enen bloc, dede licht by den essen to; enen die camp by Luderes stucke/ van den Hesen af desse sid Glesinges hus, dar de wech over den dyc geyt, dar Quetsenberch hadde wonet; en stucke,/ dar ligghet by to twe gheren, dede horet to Cobben gouede achter Quetsenberghes hus; en dic camp, dar licht by/ Luder van den Hesen unde Luder van Gerlstede; en stucke by der Voghet brugghe, dar Luder van Hesen by to licht/ uppe der pypen to Asswerden wort; en stucke alveste uppe den vlete; en oke over der groten pypen, dar dat/ Wurtvleter velt keret achter Grundes hus; en stucke, dar licht af desse zid Merten, Luderes sone; en ant, dar/ de Eydesche wis uppe wendet, dat licht by Mertene, Luderes sone; en stucke, dat het de Lutteke Byvinc, dat licht/ by Ludere van den Hezen; de Grote Bivinc, dar licht Luder van den Hesen in der vore; en brede an der dupe, dar licht/ by Luder van den Hesen myt
twen breden an der vore; an den oversten wanden en stucke, dar licht by Holezod myt/ twen lutteken stucken; en mene, de licht by Ludere Coneken sone; vore an den Myddel campe en stucke, dar licht Keller by;/ an den Middelcampe en stucke, dar licht Sebeke by; an der dupe en stucke, dar licht by Merten Luderes unde Cobben goued by der/ anderen side; en brede, dar licht by des closteres goued van Osterholte. Desse grote verdel myt allen vorebenomden gouede unde tobehort,/ dat hebbe wy ghelaten unde lated an dessen breve den vorebenomden juncvrowen to den Lyliendale in de were unde bezittin/ghe, alzeme vryges erve gouedes were unde bezittinghe to rechten latene plecht. Unde wi unde unze rechten erven scolet/ unde willet den vorebenomden juncvrowen des zulven gouedes myt alle ziner rechtigeyt unde tobehord rechte warende wezen/ vor boren unde aneboren, wanne unde wor unde wo dicke em noet is unde ze dat van uns esschet edder esschen lated./ Dat love wi an gouden truwen stede, vaste, truweliken unde unvorbroken to holdene zunder ienegerleye nyevunde, hul/perede unde argelyst. Unde hebbet desser vorescrevenen stucke to tuchnisse unze inghezegele witliken unde myt goueden/ willen hangen an dessen breve. Vortmer wy Johan van Gropelinghe unde Hermen, myn sone, Luder van den Hesen/ unde Merten, myn sone, Luder van Gerlstede, Frederic Brutte unde Merten, myn broder, bekennet unde betuget, dat/ desse vorescreve[ne] cop myt unsen willen unde vulborde gheschen is unde loved des rechte warscoup mede to holdene,/ alze hir vorescreven is. Unde hebbet des to tughe unze inghezegele witliken unde myt c gueden willen oc ghehangen/ to dessen breve. Gheven unde screven na godes bord dusent iar dre hunnert an den negheden unde negentegesten iare,/ des hilgen dages sunthe Valentinus des hoghen martileres.
a Hodenberg nach Kopiar hat lemgarde;
b davor durchstrichen over;
c myt über der
Zeile nachgefügt.
Index-Gruppe
GEOB
Brutten stucke, FN in Uthlede
PERS
Alberen (Albern), S d. Ide, Ew in Uthlede (1396-1399)
SACH
acker
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen