Identifikation
Titel
Knappe Kersten von Wersebe anders gen. Vosloghe verkauft dem Johann Wienberg wiederkäuflich für vierundzwanzig Mark seinen Hof zu Dorfhagen, der von Kersten Volquens bewirtschaftet wird, aus dem sie jährlich ein halbes Fuder rogghen gulde haben sollen.
Ausfertigung Pergament, 29,5 x 18 cm. - Rep. 3 Lilienthal, Nr. 343. - 4 Siegel angehängt, 2. fehlt, alle überlieferten von grünem Wachs in gelber Schüssel: 1. Kersten von Wersebe anders gen. Vosloghe, 3. Johann von Wersebe, Bruchstück, restauriert. Siegelbild unkenntlich, 4. Merten von Wersebe, 1. und 4. Siegel Wersebe (1) nach Trüper, Ritter und Knappen, S. 972.
Ick Kersten van Wersebe anders gheheten Vosloghe, knape, bekenne unde betughe openbare vor allesweme in dessem breve, dat ick/ unde myne rechten erven hebbet vorkoft unde vorkopet to eynem steden vasten erve kope Johanne Wynberghe und den ghennen,/ de dessen breff heft myd synem willen, mynen hoff to Dorphaghenne, den nu to tiden buwet Kersten Volquens, mid aller/ rechticheit unde tobehoringe, alz dat gheleghen ys in holte, in velde, in ackere, in watere, in wisschen, in weyde unde mid aller/ slachtenud, dar se alle yare ut hebben scheon to allen seunte Mychelis daghen to tinse eyn half veoder rogghen ghoulde, dar se/ uns vore ghegheven hebbet veer unde twintich rede Bremere mark, de uns to willen van en wal betalet sind. Und ik unde myne/ erven scolet unde willet en desses vorben(omden) gudes to allen tiden rechte warende wesen unde warscop den, wo, wor, wanner unde wo/ vakenne en des nod ys unde se dat van unss esschet, unde scolet hir brukelken unde makelken an besitten. Des hebbet se my unde mynen/ erven de gnade gheven, dat wy alle jare meoghet desset vorscrevene gud van en wedder keopet vor desse vorben(omden) veer unde twintich/ Bremere mark, ofte dat se ok ere pennynge wolden van uns wedder hebben. Den wedder kop, mach unser eyn den anderen alle
Laufzeit
21.07.1410
Enthält
jar vore keon/degen in den hilligen twelf nachten to Wynachten. Wan dat also scheen ys, so scal ick unde myne erven en ere vorscrevenen veer unde twintich mark/ to dem neysten seunte Peters daghe rede deger unde al wedder gheven, alse he up den stol quam, den lesten pennyngh mid den ersten./ Scheude des den nicht, so scolet se an dessem vorscrevenen gude brukelken unde in aller rechticheit, de dar to hord, besittende bliven, dar en/ scal desse breff nicht mede vorvelschet noch gheergherd wesen unde scal mid allen steucken gansliken by siner vullen macht bliven./ Ok bekenne wy, Johan van Wersebe de oldere, Johan van Wersebe de jeunghere unde Merten van Wersebe, vedderen, knapen, in dessen/ zelven breve, dat desse vorscrevene kopp mid unsen guden willen unde vulborde ghescheen ys unde sceolet se hir makelken ane jenigerleye vor/dreet an besitten laten. Al desse vorscrevenen stucke, eyn yewelik bysunderen unde samentliken, love wy vorben(omeden) Kersten van Wersebe/ anders gheheten Vossloghe, Johan van Wersebe de oldere, Johan van Wersebe de jeunghere unde Merten van Wersebe, vedderen, knapen, in guden/ truwen myd eyner sameden hand in dessem breve dessen vorscrevenen Johanne Wynberghe unde den ghenen, de dessen breff heft mid/ synen willen, stede vast to holdene unde nicht to vorbrekende sunder jenigerleye hindere, vortech eder arghelist. To eyner mereren/ beteughinge hebbe wy Kersten, Johan unde Johan unde Merten alle vorben(omd) unse rechten ingheseghele mid guden willen ghehanghen/ laten to dessem breve, de ghegheven unde ghescreven is na der bord godes dusent jar veer hundert yar in dem teynden/ jare dar na, in dem hilligen avende seunte Marien Magdalenen.
Index-Gruppe
PERS
Dorfhagen (Dorphaghen), ON in Gm. Hagen, Ldkr. Cuxhaven
SACH
Wersebe anders gen. Vosloge, Kersten von
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen