Identifikation
Titel
Johann Harding (Herdingk) verkauft mit Zustimmung seiner Söhne Johann und Godeke dem Kloster Lilienthal für sechzehn Bremer Mark wiederkäuflich eine jährliche Rente von einer Mark aus seinem halben Viertel im Blockland, das sich von der Kleinen Wümme bis in die Olde Weteringe erstreckt.
Ausfertigung Pergament, 31,5 x 18 cm. - Rep. 3 Lilienthal, Nr. 521. - 4 Siegel angehängt: 1. Johann Harding, 2. Johann Harding jun., 3. Godeke Harding, 4. Hinrich Hilleken.
Ik Johan Herdingk bekenne unde betughe opembare in dessen breve, dat ik myt wyllen unde vulborde Johans unde Godeken, myner sones, alle unser erven/ unde al der genner, der er wille unde vulbord dar to horet, hebbe vorkofft unde vorkope jeghenwardigen in desseme breve to eynem rechten steden vasten ewigen/ ervekope der ersamen geistliken vrowen Alheide, ebdisschen, Ghesen, priomen, deme gantzen convente des closters sunte Marien tom Liliendale, eren/ nakomelingen unde deme holdere dusses breves myt eren willen vor sesteyn Bremer mark, alse se to Bremen vor der wessele gynghe unde gheve synd,/ de my to wyllen degher unde al betalet synd, renthe ener Bremer mark gheldes in mynem halven verndel in deme Blocklandea, de sik strecket van/ der Lutteken Wummene wente in de Olden Weteringe, dar ik by beleghen byn myt eynem stucke in dat westen, by der anderen syde Herberd/ Dreweses in dat osten, nicht uthghesproken, von rechtes ewighes ervekopes weghen vriiliken to hebbende, to besittende unde to brukende./ Unde wy alle ergenant unde unse erven hebben en ghelaten unde laten ieghenwardighen in dussen breve den eghendom unde de besittinge/ der vorscrevenen renthe eyner Bremer mark in der vorbenomeden vemdele in ere hebbende besittende brukelike were, so men eghendom unde besittinge/ rente in erveguden to latende plecht. Unde wy unde unse erven scholen unde willen der vorbenanten frowen Alheide, ebdisschen, Gesen,
Laufzeit
08.03.1461
Enthält
priornen,/ deme gantzen convente des ergenanten closters, eren nakomelingen unde deme holdere desses breves myt erem willen der vorscrevenen renthe encr/ Bremer mark gheldes rechte warende wesen vor allerleyge ansprake, geistiik unde wertlik, vor boren unde ungheboren, wanne, wor/ unde wo dicke en des nod unde behoff is unde se dat von uns esschen edder esschen laten unde wy dat alle vorbenant unde unse erven/ scholen unde willen de vorbenante renthe ener Bremer mark gheldes betalen unde uth geven to deme vorscrevenen closter alle jar twisschen sunte/ Michaelis unde sunte Mertens daghen. Ok so hebben se uns de gnade ghegeven, dat wy unde unse erven de vorscrevene renthe wedder kopen/ moghen alle jar vor de vorbenanten sesteyn Bremer mark to allen sunte Peters daghen, also he up den stol gheseth ward, wo wii ene den/ wedderkop der vorscrevenen renthe vorkundigen in den hilgen twelff daghen to Wynnachten, de deme ergenanten sunte Peters dach neghest vor/ghande synd. Alle desse vorg(escrevenen) stucke love wii alle ergenant vor uns unde unse erven in guden truwen stede vast unde unvorbroken to holdende/ sunder jenigerleye weddersprake, hulperede, nygevunde unde argelist effte gheverde. Des to merer betuchnisse hebbe ik Johan Herdingk, Johan/ unde Godeke, myne zones, alle ergenant, vor uns, unse erven unde al der genner, der er wille unde vulbord dar to horet, unse rechten inghesegele/ witliken unde myt guden willen ghehangen to dessem breve. Unde ik Hinrik Hilleken, richter, bekenne ok in desseme breve, dat ik dussen vorscrevenen/ ervekop mede ghehandelt unde ghededinget hebbe. Dusses to merer bekantnisse hebbe myn inghesegele umme bede willen mede ghehangen to dussem/ breve, de ghegeven unde gescreven is na der bord Christi verteyn hundert jar dar na in deme LXIten jare, des sondages in der Vasten, alse de moder der/ hilghen kerken singet Oculi mei.
a Vorlage:
Boklande.
Index-Gruppe
GEOB
Blockland (Blocland), ON in Stbez. Bremen-West
PERS
Alheyd, Äbtissin Kloster Lil. (1439-1462)
SACH
Harding, Godeke
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys
Digitalisate öffnen