Identifikation
Titel
Hermann Schritsche und seine Frau Beke, Johann Schritsche und seine Frau Ermgard, sowie Johann Schritsche der Jüngere und Hinrich Schritsche, Kinder des Hermann, verkaufen dem Kloster Lilienthal für die Küsterei für zwanzig Mark ein großes Viertel auf der Hofschlage zu Stellerbruch, das aus zwei streng und fünf Stücken besteht.
Ausfertigung Pergament, 37 x 17,5 cm. - Rep. 3 Lilienthal, Nr. 407. - 4 Siegel angehängt: 1. Hermen Schritsche, 2. Johann Schritsche, 3. Johann Schritsche de junghe, 4. Hinrich Schritsche. - Rückvermerk: De Schrittesche erve gut (15. Jh.), To den Stellerbroke unse grote fferdel (15./16. Jh.). - Regest: StA Stade, Dep. 10, Fa-3, Nr. 1 (Hodenberg, UB Lilienthal; 19. Jh.), Nr. 285 nach +Kopiar Lil. II, 149, Nr. 227.
Wy Hermen Schritsche unde Beke, myn husvrouwe, Johan Schritsche unde Ermegard, myn husvrouwe, brodere, Johan Schritsche de junghe unde Hinryk Schritsche, des vor/benomden Hermens Schritschen kyndere, bekennet unde betughet openbare in dessen breve, dat wy myt willen unde vulbort al unzer rechten erven, der ere wille unde vul/bord van rechten dar to hort ofte antreden mach, endrachtliken hebbet vorkoft unde vorkopet in dessen jeghenwardighen breve to enen steden rechten vasten ewyghen/ ervekope der erbaren gheystliken vrouwen vor Lutgarde, ebbedisschen des closters sunte Marien to deme Lilyendale, unde deme gantzen convente des sulven closters unde/ al eren nakomelynghen to der kosterie ammete in eren clostere nut unde bedarf den hilghen lychame to der luchte unsen groten verdendel up der Hofsclaghe to Steller/broke myt den tegheden, twe streng ghat dore twisschen Steller sil vlete unde Stellerbruker sil vlete, twe stucke benedene den weghe in dat westene, dre stucke boven/ den weghe in dat ostene, dar nu to tyden buwet Cort, Greten sone to Nyghenkerken, myt aller rechticheyt unde tobehorynghe unde eghendom in holte, in velde, in
Laufzeit
01.08.1427
Enthält
wa/tere, in weyde, in wisschen, in ackere, alzo wy des vor ghebruket hebbet, aller plicht unde denstes vry sunder mene lantwerk, vor vry erve ghut unde to ewyghen ty/den to beholdene unde to besittende vor twyntich Bremer marc, de uns degher unde al na willen wol sunt beret, alzo vor der wesle ghing unde gheve is. An dessen vor/screven verdendel ghudes eghendom unde tobehoringhe na desseme daghe wille wy unde al unze rechten erven, boren unde ungheboren, nycht rechtes ofte eghens dar/ mere ane hebben edder ane vorderen myt aller behelpynghe, de me in werliken ofte in gheystliken rechte soken moghe, unde vorlatet den vorscreven groten ver/dendel ghudes myt al syneme rechte unde tobehorynghe unde eghendome ghensliken uth unzer were in ere were unde besittynghe des vorbenomden closters kos/terie to ewyghen tyden to brukende unde to besittende unde to beholdene vor eres closters vrye eghene erve ghut, unde hebbet se dar in ghelaten unde ghesatet/ unde hebbet em dat upghelaten up den kerkhove to Nyghenkerken vor deme kerspele, alzeme vry erve ghut unde eghendom to rechten to latende plecht./ Desses vorscreven verdendel ghudes wille wy den vorscreven clostere rechte warne wesen sunder eren schaden, wor, wanner unde wo dicke em des not is unde wy dar/ to esschet werdet. Desse vorscreven stucke love wy vorbenomden Hermen, Johan, brodere, unde Johan unde Hinrik, des vorbenomden Hermens kyndere, al ghehe/ten de Schritschen, vor uns unde vor unze rechten erve[n], boren unde ungheboren, der erghescrevenen vorn Lutgarde ebbedisschen unde eren nakomelynghen to ewyghen/ tyden an ghuden truwen stede unde vast to holdene ane arghelist, hulperede unde nygevunde unde hebbet des to tughe myt beradenen mode unde bekantnisse unde to/ ewygher bedechtnisse wy alle vorbenompt myt ghuden willen unze inghezeghele witlyken ghehanghen an dessen bref. Datum anno domini Mo CCCCo XX VIIo,/ ipso die
sancti Petri a[d] vincula.
Datierung: 1427 August 1, Neuenkirchen
Index-Gruppe
GEOB
Hofschlage (Hofsclaghe, Hofsclaghee), FN in Stellerbruch
PERS
Cort, S d. Grete, Ew in Neuenkirchen (1427)
SACH
Schritsche, Hermen
| Aktion | Typ | Bezeichnung | Zugang | Info |
|---|---|---|---|---|
| Detailseite | Micro-/Macrofiche | U |
|
|
| Detailseite | Original | Urkunden | 0068 / 0 |
|
Arcinsys